ເຢັນສ ສະໂຕເທນເບີກ ເລຂາທິການອົງການສົນທິສັນຍາ NATO ເປີດເຜີຍວ່າ ເລເຈັບ ໄຕຍິບ ແອໂດອັນ (Recep Tayyip Erdogan) ປະທານາທິບໍດີຕວກກີ ຕົກລົງເຫັນດີສະໜັບສະໜູນສະວີເດັນ ຫຼື ຊູແອດ ເຂົ້າເປັນສະມາຊິກ NATO ໃນວັນທີ 10 ກໍລະກົດ ທີ່ຜ່ານມາ.
ສະໂຕເທນເບີກ ກ່າວວ່າ ຜູ້ນຳຕວກກີຈະນຳເອົາຫົວຂໍ້ການສະມັກເຂົ້າຮ່ວມເປັນສະມາຊິກໃໝ່ NATO ຂອງສະວີເດັນ ສູ່ລັດຖະສະພາກຸງອັງກາລາ ເພື່ອດຳເນີນການໃຫ້ສັດຕະຍາບັນຕໍ່ໄປ ເຊິ່ງ ອຸຟ ຄຣິສເຕີສັນ (Ulf Kristersson) ນາຍົກລັດຖະມົນຕີຂອງສະວີເດັນ ກໍໄດ້ອອກມາກ່າວວ່າ “ຂ້ອຍດີໃຈ ນີ້ແມ່ນມື້ທີ່ດີຫຼາຍສຳລັບສະວີເດັນ.
ທາງດ້ານ ໂຈ ໄບເດັນ ປະທານາທິບໍດີສະຫະລັດອາເມຣິກາ ກໍອອກມາສະແດງຄວາມຍິນດີຕໍ່ຂ່າວນີ້ ໂດຍກ່າວວ່າ ພວກເຂົາຮູ້ສຶກຍິນດີກັບຄຳໝັ້ນສັນຍາຂອງປະທານາທິບໍດີແອໂດອັນ ທີ່ຈະດຳເນີນການ ໃຫ້ສັດຕະຍາບັນຢ່າງໄວ.
ນອກຈາກນີ້ ຜູ້ນຳ ແລະ ເຈົ້າໜ້າທີ່ລະດັບສູງຂອງສາມະຊິກ NATO ຄົນອື່ນ ກໍໄດ້ສົ່ງສານສະແດງຄວາມຍິນດີຕໍ່ຂ່າວດັ່ງກ່າວເຊັ່ນກັນ.
ແຫຼ່ງຂ່າວ BBC