ກຳປູເຈຍ ຢືນຢັນພົບປາຄ່າເກີດໃໝ່ ລອຍນ້ຳຄຽງຂ້າງກັບຝູງປາຄ່າ ເຊິ່ງພົບປາຄ່າເກີດໃໝ່ເປັນໂຕທີ 5 ໃນປີ 2023.
ໃນວັນທີ 9 ກໍລະກົດ 2023 ປະເທດກຳປູເຈຍພົບປາຄ່າອິລະວະດີ (Irrawaddy) ເກີດໃໝ່ ທີ່ມີອາຍຸປະມານ 10 ມື້ ຖືກພົບໂດຍເຈົ້າໜ້າທີ່ຮັກສາຄວາມປອດໄພທາງນ້ຳ ແລະ ເຮືອທ່ອງທ່ຽວໃນວັນສຸກທີ່ຜ່ານມານີ້ ບໍລິເວນແຫຼ່ງປາຄ່າກຳປີ ໃນນ້ຳຂອງ ແຂວງກະແຈະ ທາງຕະເວັນອອກສຽງເໜືອຂອງກຳປູເຈຍ.
ກົມຄຸ້ມຄອງການປະມົງຂອງກຳປູເຈຍຄາດວ່າ ມີປາຄ່າອິລະວະດີ ປະມານ 90 ໂຕ ອາໄສຢູ່ນ້ຳຂອງ ບໍລິເວນແຂວງກະແຈະ ແລະ ແຂວງສະຕຣຶງແຕຣງ ປະເທດກຳປູເຈຍ ທີ່ໃກ້ກັບແຂວງຈຳປາສັກ ພາກໃຕ້ຂອງປະເທດລາວ.
ປາຄ່າອິລະວະດີ ຖືກຈັດເປັນສັດໃກ້ສູນພັນຂັ້ນວິກິດຂອງອົງການລະຫວ່າງປະເທດເພື່ອການອະນຸລັກທຳມະຊາດ ຕັ້ງແຕ່ປີ 2004.
ແຫຼ່ງຂ່າວ Xinhua