“Meta” ບໍລິສັດແມ່ຂອງເຟສບຸກ ເປີດໂຕແອັບພຣິເຄຊັ່ນໃໝ່ “Threads” ທີ່ມີຫຼັກການໃຊ້ຄ້າຍຄືກັບ Twitter.

ມາກ ຊັກເຄີເບີກ ຜູ້ບໍລິຫານບໍລິສັດ Meta ກ່າວວ່າ ແອັບພຣິເຄຊັ່ນ Threads ທີ່ຫາກໍເປີດໂຕ ໃນວັນທີ 6 ກໍລະກົດ ມີເປົ້າໝາຍທີ່ຈະແຂ່ງຂັນກັບ Twitter ແລະ ກ່າວວ່າແອັບມີຄົນລົງສະມັກໃຊ້ເຖິງ 5 ລ້ານຄັ້ງ ພາຍໃນ 4 ຊົ່ວໂມງທຳອິດ ແລະ ມີຄົນລົງສະມັກໃຊ້ເຖິງ 10 ລ້ານຄັ້ງ ພາຍໃນ 7 ຊົ່ວໂມງທຳອິດ.

ເຊິ່ງ Threads ເປັນແອັບພຣິເຄຊັ່ນທີ່ສາມາດສົ່ງຂໍ້ຄວາມໂຊຊ່ຽວມີເດຍແບບ text-base ເຊິ່ງຜູ້ໃຊ້ງານສາມາດກົດໄລ້, ແຊຣ໌ ສະແດງຄວາມຄິດເຫັນໄດ້ ແລະ ສາມາດເຜີຍແຜ່ໂພສທີ່ຄວາມຍາວສູງສຸດ 500 ອັກສອນ, ສາມາດແຊຣ໌ລິງຄ໌ ຮູບພາບ ແລະ ວິດີໂອທີ່ມີຄວາມຍາວໄດ້ເຖິງ 5 ນາທີ.