spot_img
Homeຂ່າວຄວາມສະຫງົບຈັບຜູ້ຄ້າຂາຍສິ່ງເສບຕິດ ປະເພດໃບກະທ້ອມ ທີ່ບ້ານນາ ເມືອງສີໂຄດຕະບອງ

ຈັບຜູ້ຄ້າຂາຍສິ່ງເສບຕິດ ປະເພດໃບກະທ້ອມ ທີ່ບ້ານນາ ເມືອງສີໂຄດຕະບອງ

Published on

ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ເປີດເຜີຍຂໍ້ມູນໃຫ້ຮູ້ວ່າ: ໃນວັນທີ 19 ມິຖຸນາ 2023 ຜ່ານມາ, ເຈົ້າໜ້າທີ່ວິຊາສະເພາະໄດ້ລົງແກ້ໄຂກຸ່ມເປົ້າໝາຍຂົນສົ່ງຢາເສບຕິດປະເພດໃບກະທ້ອມ ໄດ້ທັງໝົດ 599,7 ກິໂລກຼາມ ຢູ່ເຂດບ້ານທົ່ງປົ່ງ ເມືອງສີໂຄດຕະບອງ ແລະ ເຂດບ້ານນາຖົ່ມ ເມືອງໄຊທານີ ນະຄອນຫຼວງວຽງຈັນ ພ້ອມກັກຕົວຜູ້ຖືກຫາໄດ້ທັງໝົດ 5 ຄົນ, ຍິງ 1 ຄົນ ແລະ ຍຶດພາຫະນະນຳໃຊ້ໃນການຂົນສົ່ງມາດຳເນີນການສອບສວນ.

ທ່ານ ພທ ດາວົງ ພຸມມະວົງ ຫົວໜ້າພະແນກ ປດກສ ເມືອງສີໂຄດຕະບອງ ໄດ້ເລົ່າວ່າ: ໃນຄັ້ງວັນທີ 19 ມິຖຸນາ 2023 ເວລາ 12:30 ນາທີຜ່ານມາ, ເຈົ້ານ້າທີ່ຕຳຫຼວດໜ່ວຍງານສະກັດກັ້ນ ຕ້ານຢາເສບຕິດ, ພະແນກຕຳຫຼວດກອງບັນຊາການ ປກສ ເມືອງສິໂຄດຕະບອງ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ຈະມີການຊື້ຂາຍ ສິ່ງເສບຕິດປະເພດໃບກະທ້ອມ ຢູ່ເຂດບ້ານທົ່ງປົ່ງ ເມືອງສີໂຄດຕະບອງ ນະຄອນຫຼວງວຽງຈັນ ຈາກນັ້ນເຈົ້າໜ້າທີ່ກໍໄດ້ຈັດຕັ້ງກຳລັງລົງຕິດຕາມກວດກາ ຈຶ່ງສາມາດກັກຕົວເປົ້າໝາຍ ຊື່ທ້າວອາລັນ ພ້ອມດ້ວຍຂອງກາງລວມໃບກະທ້ອມນ້ຳໜັກ 700 ກຼາມ ພ້ອມຢາດີໄອຝາແດງ 12 ແກ້ວ.

ຜ່ານການສືບສວນສອບສວນຜູ້ກ່ຽວຮັບສາລະພາບ ແລະ ຊັກທອດໄປຫາ ທ້າວໂຈນີ ແລະ ນາງນ້ຳຝົນ ເຈົ້າໜ້າທີ່ຈຶ່ງໄ້ທຳການຂະຫຍາຍຜົນຕິດຕາມ, ຊອກຫາ ຈົນມາຮອດເວລາ 15:30 ນາທີ ຂອງວັນດຽວກັນເຈົ້າໜ້າທີ່ກໍສາມາດກັກຕົວທັງ 2 ໄດ້, ຜ່ານການສືບບສວນ-ສອບສວນ ຜູ້ກ່ຽວໄດ້ຊັກທອດຫາບຸກຄົນທີ 3, ຊື່ວ່າທ້າວ ໄຊປະເສີດ ແລະ ທ້າວ ເກດສະດາ ທີ່ເປັນສອງອ້າຍນ້ອງກັນ ຜ່ານການເກັບກຳຂໍ້ມູນ ແລະ ຕິດຕາມເປົ້າໝາຍ ຈົນມາຮອດເວລາ 16:50 ນາທີ, ຂອງວັນດຽວກັນ ຈຶ່ງພົບເຫັນເປົ້າໝາຍໄດ້ຂັບຂີ່ລົດກະບະຮຸ່ນໄດ ໝາຍເລກທະບຽນ ກນ 5260 ກຳແພງນະຄອນ, ເຂົ້າໄປທີ່ບ້ານທ້າວເກດສະດາ ຈາກນັ້ນເຈົ້າໜ້າທີ່ຈຶ່ງໄດ້ທຳການກວດກາລົດຄັນດັ່ງກ່າວ ເຊິ່ງພາຍໃນລົດພົບເຫັນໃບກະທ້ອມຈຳນວນ 42 ເປົາ ແລະ ລົດຈັກ ຄລິກໄອ ສີແດງ ປ້າຍໄທ 1 ຄັນ, ຈຳນວນໃບກະທ້ອມດັ່ງກ່າວໄດ້ຊຸກເຊື່ອງ ຫຼື ປະປົນກັບສິນຄ້າປະເພດເຄື່ອງແຫ້ງທີ່ນຳເຂົ້າຈາກປະເທດເພື່ອນບ້ານ, ນອກນັ້ນກໍຍັງໄດ້ກວດກາບໍລິເວນເຮືອນກໍພົບເຫັນໃບກະທ້ອມຈຳນວນ 1 ເປົາລວມທັງໝົດໃບກະທ້ອມທີ່ກວດພົບເຫັນໃນສະຖາທີ່ດັ່ງກ່າວ ມີຈຳນວນ 43 ເປົາ ນ້ຳໜັກລວມ 599 ກິໂລກຼາມ, ຈາກນັ້ນເຈົ້າໜ້າທີ່ຈຶ່ງນຳໂຕທ້າວ ໄຊປະເສີດ ແລະ ທ້າວເກດສະດາ ທັງສອງອ້າຍນ້ອງ ພ້ອມຂອງກາງມາທີ່ ປກສ ເມືອງສີໂຄດຕະບອງ ເພື່ອທຳການສືບສວນ-ສອບສວນ ຂະຫຍາຍຜົນຕໍ່ໄປ.

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...