ວັນທີ 26 ມິຖຸນາ 2023 ເກີດເຫດຄາຕະກໍາ ທີ່ບ້ານຊຽງແລນາ ເມືອງປາກງື່ມ ນະຄອນຫຼວງວຽງຈັນ ຕາມການລາຍງານຂອງປະຊາຊົນ ໃຫ້ຮູ້ວ່າ: ລູກຊາຍໄດ້ເມົາຢາບ້າເລີຍໃຊ້ມີດຟັນພໍ່ ຊື່ທາ້ວ ແຫວງ ອາຍຸ 65 ປີ ແລະ ເມຍໃໝ່ຂອງພໍ່ (ແມ່ໃໝ່) ຊື່ນາງ ຈ່ອຍ ອາຍຸ 25 ປີ.
ເຊິ່ງຜູ້ເປັນພໍ່ ຖືກຟັນບໍລິເວນຫົວ ເສຍຊີວິດ ແລະ ຜູ້ເປັນເມຍໃໝ່ຂອງພໍ່ (ແມ່ໃໝ່) ຖືກຟັນບໍລິເວນໜ້າ ເສຍຊີວິດ.
ພາຍຫຼັງທີ່ລູກຊາຍໄດ້ຄາຕະກຳທັງສອງ ກໍໄດ້ຖິ້ມສົບລົງຂຸມ ຫວັງປິດບັງຮ່າງທີ່ເສຍຊີວິດ ແຕ່ກໍມີປະຊາຊົນທີ່ໄດ້ມາຮູ້ມາເຫັນ ຈຶ່ງໄດ້ໂທແຈ້ງກັບເຈົ້າໜ້າທີ່ມາກວດສອບ.
ປັດຈຸບັນ, ເຈົ້າໜ້າທີ່ໄດ້ຈັບກຸມຜູ້ກະທໍາຜິດຮຽບຮ້ອຍແລ້ວ ແລະ ຢູ່ໃນຂັ້ນຕອນສືບສວນ-ສອບສວນຕາມກົດໝາຍຕໍ່ໄປ.
ແຫຼ່ງຂ່າວ: ຫນ່ວຍກູ້ໄພ ອາສາເພື່ອປະຊາຊົນ/Rescue Volunteer for People