spot_img
Homeຂ່າວພາຍ​ໃນການນຳໃຊ້ນໍ້າຝົນໃນການສະໜອງນໍ້າດື່ມ

ການນຳໃຊ້ນໍ້າຝົນໃນການສະໜອງນໍ້າດື່ມ

Published on

ພີທີເປີດໂຄງການນໍາໃຊ້ນໍ້າຝົນຂອງໂຮງຮຽນ ມສ ໂພນທອງ BiTS ແລະ ຄະນະກຳມະການນຳໃຊ້ນໍ້າຝົນໃນການສະໜອງນໍ້າສະອາດຕາມວາລະຂອງອົງການສະຫະປະຊາຊາດ ຈັດຂຶ້ນວັນທີ 20 ມິຖຸນາ 2023 ທີ່ໂຮງຮຽນ ມສ ໂພນທອງ ເມືອງນາຊາຍທອງ ມີ ທ່ານ ຄຳເກັ່ງ ຈັນທະວົງ ຮອງຄະນະບໍດີຄະນະ ຊັບພະຍາກອນນໍ້າ ທ່ານ ມູຢອງຮັນ ຕາງໜ້າຈາກມະຫາວິທະຍາໄລໂຊ ສ ເກົາຫຼີ ທ່ານ ນາງ ກີຢອງ ແຣນມິນ ຕາງໜ້າຈາກໂຄງການເຣນຟໍອອນ ແລະ ຂະແໜງການກ່ຽວຂ້ອງເຂົ້າຮ່ວມ.

ທ່ານ ວາລິນ ໄຊຍະລາດ ຜູ້ອຳນວຍການໂຮງຮຽນ ມສ ໂພນທອງ ກ່າວວ່າ: ໃນໄລຍະຜ່ານມາໂຮງຮຽນ ມສ ໂພນທອງຍັງບໍ່ສາມາດຕອບສະໜອງທາງ ດ້ານນໍ້າສະອາດເພື່ອດື່ມໃຫ້ແກ່ນັກຮຽນ ສະນັ້ນຈຶ່ງເຮັດໃຫ້ນັກຮຽນສ່ວນ ໃຫຍ່ແມ່ນຊື້ນໍ້າດື່ມຕາມຮ້ານຕ່າງໆ ເຊິ່ງໄດ້ສ້າງຄວາມສິ້ນເປືອງໃຫ້ແກ່ ຜູ້ປົກຄອງ ດັ່ງນັ້ນ ໂຄງການເຣນຟໍອອນຈຶ່ງໄດ້ໃຫ້ການຊ່ວຍເຫຼືອດ້ວຍການ ໄດ້ສະໜອງຖັງເກັບນໍ້າໃຫ້ 4 ຖັງ ສາມາດບັນຈຸນໍ້າໄດ້ທັງໝົດ 20.000 ລີດ ພ້ອມດ້ວຍລະບົບກັ່ນຕອງຕ່າງໆ ເພື່ອເກັບນໍ້າຝົນແລ້ວມາກັ່ນຕອງຕາມ ຂັ້ນຕອນຕ່າງໆ ແລະ ມາດຕະຖານຂອງຂະແໜງການກ່ຽວຂ້ອງວາງອອກ ໃຫ້ສາມາດນຳມາເປັນນໍ້າດື່ມໄດ້ ໂຄງການດັ່ງກ່າວເປັນແຫ່ງທຳອິດຂອງລາວ ປັດຈຸບັນໂຄງການດັ່ງກ່າວແມ່ນສຳເລັດແລ້ວສາມາດນໍ້າໃຊ້ນໍ້າດື່ມໄດ້ ມູນຄ່າ 19.000 ໂດລາ ເພື່ອເຮັດໃຫ້ການສະໜອງນໍ້າດື່ມໃຫ້ພຽງຕະຫຼອດປີ.

ສະນັ້ນ ໂຄງການເຣນຟໍອອນຈະສຶບຕໍ່ສ້າງນໍ້າບາດານໃຫ້ຕື່ມອີກ 1 ຈຸດ ເນື່ອງຈາກວ່າໄລຍະເວລາຂອງລະດູຝົນສັ້ນ ແລະ ບໍ່ຕົກຕາມລະດູການ ສະນັ້ນນໍ້າທີ່ເກັບໄດ້ຈາກນໍ້າຝົນຈະບໍ່ພຽງພໍ ພາຍຫຼັງມອບຮັບແລ້ວຈະຊີ້ນຳ ນຳພາຄູ-ອາຈານກໍຄືນັກຮຽນຈະພ້ອມກັນຮຽນຮູ້ວິທີການນຳໃຊ້ ວິທີການບຳລຸງຮັກສາ ປົກປັກຮັກສານໍາໃຊ້ໃຫ້ເກີດປະໂຫຍດສູງສຸດ ແລະ ມີຄວາມຍືນຍົງ ໂອກາດນີ້ສະແດງຄວາມຂອບໃຈມາຍັງ ໂຄງການເຣນຟໍອອນທີ່ສະໜັບສະໜູນໃນການສະໜອງນໍ້ສະອາດໃຫ້ແກ່ຄູ-ອາຈານ ນັກຮຽນໄດ້ດື່ມເຊິ່ງເປັນການປະສອບສ່ວນໃນການຫຼຸດຜ່ອນຄ່າໃຊ້ຈ່າຍເພື່ອຊື້ນໍ້າດື່ມຂອງນັກຮຽນອີກດ້ວຍ.

ແຫຼ່ງຂ່າວ Vientiane Mai

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...