ຕາດອີ່ຕູ້ ຕັ້ງຢູ່ເມືອງປາກຊ່ອງ ແຂວງຈຳປາສັກ ໄກຈາກຕົວເມືອງປາກເຊປະມານ 35 ກິໂລແມັດ ແລະລ້ຽວອອກຈາກຖະໜົນຫຼັກ 2 ກິໂລແມັດ. ຕາດອີ່ຕູ້ເປັນນຳຕົກຕາດທີ່ໄຫຼມາຈາກ ພູເທວະດາ ໃສສະອາດ ຍັງຄົງຄວາມເປັນທຳມະຊາດໄດ້ຢ່າງສົມບູນ ເໝາະແກ່ການໄປທ່ຽວພັກຜ່ອນທີ່ສຸດ.
ນ້ຳຕົກຕາດອີ່ຕູ້ ເປັນຕາດຂະໜາດໃຫຍ່ມີນ້ຳໄຫຼ ຕົກລົງຈາກໜ້າຜາສູງ ເປັນຕາດຊັ້ນດຽວ ບໍລິເວນທາງລຸ່ມຕາດອີ່ຕູ້ເປັນອ່າງເລິກ ແລະໄຫຼລົງມາຢ່າງແຮງ ບັນຍາກາດບໍລິເວນຕາດອີ່ຕູ້ມີບັນຍາກາດຮົ່ມເຢັນ ແຕ່ການເດິນທາງຍ່າງຂຶ້ນຕ້ອງເມື່ອຍແດ່ ເພາະເປັນທາງຂຶ້ນ-ລົງພູ ແຕ່ເປັນຂັ້ນໄດຊີມັງ ຈຶ່ງການເຮັດໃຫ້ການຂຶ້ນລົງສະດວກ ບໍລິເວນດ້ານເທິງຂອງນ້ຳຕົກຕາດອີ່ຕູ້ ມີລີສອດ ຮ້ານອາຫານ ບໍລິການນັກທ່ອງທ່ຽວທີ່ເຂົ້າມາໃຊ້ບໍລິການ ຄົນສ່ວນຫຼາຍຈະມາທ່ອງທ່ຽວໃນວັນພັກການ ເຊັ່ນ ເສົາ-ອາທິດເປັນຕົ້ນ.
ອາກາດຢູ່ບ່ອນນີ້ດີຫຼາຍ ຈະມີຢູ່ 2 ລະດູຄື ຝົນຕົກກັບໜາວ ກາງເວັນອາກາດຈະເຢັນສະບາຍ ກາງຄືນອາກາດໜາວ ສາມາດຫຼິ້ນນ້ຳໄດ້ທັງດ້ານເທິງ ແລະດ້ານລຸ່ມຂອງນ້ຳຕົກຕາດ ອິງທຳມະຊາດອາກາດສົດຊື່ນ ເມືອງນີ້ຈະເຢັນຕະຫຼອດປີ ຈົນໄດ້ສາຍາວ່າ ສະວິດເຊີແລນເມືອງລາວ.
