ຄື້ນຄວາມຮ້ອນປົກຫຸ້ມອິນເດຍ ໃນຫຼາຍເຂດມີອາກາດຮ້ອນຫຼາຍຈົນເຮັດໃຫ້ຄົນເສຍຊີວິດແລ້ວ 96 ຄົນ ແລະ ມີຄົນເຂົ້າໂຮງໝໍຫຼາຍກວ່າ 300 ຄົນ.
ໃນວັນທີ 18 ມິຖຸນາ 2023 ສະຖານະການຄື້ນຄວາມຮ້ອນທີ່ແຜ່ປົກຄຸມໃນຫຼາຍເຂດຂອງປະເທດອິນເດຍ ກຳລັງເພີ່ມທະວີຄວາມຮຸນແຮງຂຶ້ນ ຫຼ້າສຸດມີລາຍງານຜູ້ເສຍຊີວິດຢ່າງໜ້ອຍ 96 ຄົນ ໃນແຂວງອຸດຕະປະເທດ ເຊິ່ງເປັນແຂວງທີ່ມີປະຊາກອນໜາແໜ້ນທີ່ສຸດ ມີຫຼາຍເຖິງ 200 ລ້ານຄົນ ແລະ ແຂວງພິຫານ.
ກ່ອນໜ້ານີ້ ທາງອິນເດຍປະກາດເຕືອນໄພຄື້ນຄວາມຮ້ອນໃນແຂວງອຸດຕະປະເທດ ແລະ ແຂວງພິຫານ ໃນຂະນະທີ່ອຸນຫະພູມເພີ່ມສູງຂຶ້ນເຖິງ 45 ອົງສາ ໂດຍຂໍໃຫ້ປະຊາຊົນທີ່ມີອາຍຸແຕ່ 60 ປີຂຶ້ນໄປ ແລະ ຜູ້ມີປັນຫາທາງດ້ານສຸຂະພາບ ໃຫ້ເຝົ້າລະວັງເປັນພິເສດ ແລະ ຄວນອາໄສຢູ່ໃນເຮືອນໃນຊ່ວງກາງເວັນ.
ທັ້ງນີ້ ເດືອນເມສາ ຫາ ເດືອນມິຖຸນາ ເປັນຊ່ວງລະດູຮ້ອນຂອງອິນເດຍ ທີ່ເປັນເວລາທີ່ຮ້ອນທີ່ສຸດຂອງປີ ໃນຊ່ວງທົດສະວັດທີ່ຜ່ານມາ ອຸນຫະພູມໃນອິນເດຍເພີ່ມສູງຂຶ້ນກວ່າປົກກະຕິ ແລະ ໃນຊ່ວງທີ່ເກີດຄຶ້ນຄວາມຮ້ອນ ອິນເດຍກໍປະສົບກັບບັນຫາຂາດແຄນນ້ຳຢ່າງຮຸນແຮງ.
ແຫຼ່ງຂ່າວ theguardian