ຊ່ວງເຊົ້າມືດຂອງວັນທີ 13 ມິຖຸນາ ທີ່ຜ່ານມາ, ເກີດເຫດລົດກະບະເສຍຫຼັກຕຳເອົາເຮືອນປະຊາຊົນ ທີ່ຢູ່ແຄມທາງ ບ້ານນາດອນ ເມືອງອຸດອນທານີ ແຂວງອຸດອນທານີ ປະເທດເທດໄທ, ແຕ່ສິ່ງທີ່ຕົກໃຈທັງຜູ້ພົບເຫັນກໍຄື ລົດຂຶ້ນໄປໄດ້ແນວໃດ ເຊິ່ງລົດຄັນດັ່ງກ່າວຂຶ້ນໄປຄາທີ່ບໍລິເວນຊັ້ນສອງຂອງເຮືອນ. ໂຊກດີເຈົ້າຂອງເຮືອນປອດໄພ, ສ່ວນຄູ່ກໍລະນີທີ່ຂັບລົດກະບະແມ່ນບາດເຈັບເລັກໜ້ອຍເທົ່ານັ້ນ, ສ່ວນສາເຫດຄາດວ່າ: ອາດຈະຕົກຂຸມໃຫຍ່ກາງຖະໜົນແລ້ວເສຍຫຼັກເຮັດໃຫ້ໄປຕຳເອົາເຮືອນປະຊາຊົນ.
ທາງດ້ານ ທ້າວ ອານຸພົງ (ສະຫງວນນາມສະກຸນ) ອາຍຸ 35 ປີ ລູກຊາຍຂອງເຈົ້າຂອງບ້ານ ເປີດເຜີຍວ່າ: ມື້ວານນີ້ ຝົນຕົກໃນຕອນແລງ ແຕ່ໃນຊ່ວງຕອນກາງຄືນມັນຮ້ອນ. ປົກກະຕິແລ້ວນອນຢູ່ຂ້າງເຮືອນທຸກໆມື້ ແຕ່ຄືນທີ່ຜ່ານມາ, ຂ້ອຍບໍ່ຮູ້ວ່າຂ້ອຍຮູ້ສຶກຮ້ອນດັ່ງນັ້ນ ຈຶ່ງພາເມຍ ແລະ ລູກໄປນອນຢູ່ເຮືອນ ຈຶ່ງລອດຕາຍແບບຫວຸດຫວິດ ສ່ວນຄ່າເສຍຫາຍແມ່ນຕ້ອງໄດ້ໄປແຈ້ງຄວາມ, ດຳເນີນຄະດີ ເບິ່ງຜົນເສຍຫາຍທັງລົດ ແລະ ເຮືອນ.
ທີ່ມາ: ແນວໜ້າ