ຖືໄດ້ວ່າເປັນການພັດທະນາວົງການຮູບເງົາໃນລາວຫຼາຍ ໂດຍ The Hollywood Reporter ຈັດໃຫ້ “The Signal” ເປັນ 1 ໃນ 5 ຂອງໜັງທີ່ຄວນເບິ່ງໃນງານ Shanghai Film Festival.

“The Signal” ເປັນຮູບເງົາທີ່ກຳກັບໂດຍ ລີ ພົງສະຫວັນ ເປັນຕົວແທນຈາກລາວໃນງານເທສະການ Asian New Talent ທີ່ເລີ່່ມງານຕັ້ງແຕ່ວັນທີ 9 ມິຖຸນາ ຫາ 18 ມິຖຸນາ.

“The Signal” ແມ່ນຮູບເງົາທີ່ຕິດຕາມການເດີນທາງຂອງເດັກຍິງຄົນໜຶ່ງ ເຊິ່ງເດີນທາງເຂົ້າໄປໃນເມືອງເພື່ອຊອກຫາພໍ່ຂອງລາວ, ໃນຂະນະນັ້ນ ກໍໄດ້ໄປຮູ້ຄວາມລັບຂອງຄອບຄົວໜຶ່ງທີ່ເປັນຕາຢ້ານ.

ເທສະການຮູບເງົາຊຽງໄຮ້ ສະຫຼອງຄົບຮອບ 30 ປີ ແລະ ຈັດຂຶ້ນເປັນຄັ້ງທຳອິດນັບຕັ້ງແຕ່ມີການລະບາດຂອງ ໂຄວິດ-19 ເພື່ອຈັດສະແດງຮູບເງົານາໆຊາດຫຼາກຫຼາຍປະເພດ, “The Signal” ຍັງເປັນການຕະໜັກເຖິງຄວາມສາມາດ ແລະ ທ່າແຮງທີ່ພົ້ນເດັ່ນຂອງອຸດສາຫະກຳຮູບເງົາລາວອີກດ້ວຍ.

“The Signal” ​ໄດ້ເຂົ້າ​ຮ່ວມ​ຮູບ​ເງົາທີ່ມີຊື່ສຽງອື່ນໆ​ໃນ​ງານເທສະການຮູບ​ເງົາ​ຢູ່ຊຽງ​ໄຮ້, ລວມ​ທັງ​ຜົນງານ​ຂອງ​ນັກ​ສ້າງ​ຮູບ​ເງົາ​ຈາກ​ຈີນ, ຍີ່​ປຸ່ນ ແລະ​ ປະ​ເທດ​ອື່ນໆ​​ທົ່ວ​ອາ​ຊີ ດ້ວຍບຸກຄົນທີ່ມີຊື່ສຽງ ເຊັ່ນ: ຜູ້ກຳກັບ Yoji Yamada ແລະ ດາລາລະດັບນາໆຊາດເຊັ່ນ Jason Statham ກໍເຂົ້າຮ່ວມງານນີ້, ເທສະການດັ່ງກ່າວ ໄດ້ສັນຍາວ່າຈະເປັນການສະເຫຼີມສະຫຼອງຢ່າງຄຶກຄື້ນຂອງຮູບເງົາໃນອາຊີ ແລະ ເປັນເວທີສຳລັບນັກສ້າງຮູບເງົາໃໝ່ໆທີ່ຈະມາໂຊຜົນງານ.

ແຫຼ່ງຂ່າວ The Laotiane Times, hollywoodreporter