ກະຊວງສຶກສາທິການ ແລະ ກິລາ ຮ່ວມກັບກົມຮູບເງົາ ກະຊວງຖະແຫລງຂ່າວ ,ວັດທະນະທຳ ແລະ ທ່ອງທ່ຽວ ໄດ້ສ້າງ
ໜ່ວຍງານກຸ່ມອາຊີບຮູບເງົາ ເພື່ອສ້າງໃຫ້ເກີດມີບຸກຄະລາກອນ ທີ່ສາມາດສ້າງສັນຜົນງານ ສື່ມວນຊົນລາວໃຫ້ໄດ້ຮັບ
ປະລິມານ ແລະ ຄຸນນະພາບ ກາຍເປັນອາວຸດທີ່ແຫລມຄົມ ເພື່ອເຜີຍແຜ່ແນວທາງນະໂຍບາຍຂອງພັກ-ລັດໃນການ
ພັດທະນາສ້າງສາປະເທດຊາດ ແລະ ສ້າງໃຫ້ວຽກງານວິຊາຊີບຮູບເງົາເປັນທີ່ໜ້າສົນໃຈໃນສັງຄົມ.
ທ່ານ ອະນຸສອນ ສິຣິສັກດາ ປະທານບໍລິສັດລາວອາດມີເດຍ ທັງເປັນຮອງປະທານສະມາຄົມພາບ-ສຽງ ໃຫ້ຮູ້ວ່າ: ການ
ສ້າງໜ່ວຍງານກຸ່ມອາຊີບຮູບເງົາ ເພື່ອເຕົ້າໂຮມປຸກລະດົມກ້ອນກຳລັງຊາວໜຸ່ມ, ນັກຮຽນ, ນັກສຶກສາໃຫ້ມາສົນໃຈ
ວຽກງານສິລະປະຮູບເງົາ ແລະ ສື່ບັນເທິງຫລາຍຂຶ້ນ, ສ້າງໃຫ້ວຽກງານຮູບເງົາ ກາຍເປັນສູນລວມຂອງວິຊາຊີບສື່ບັນ
ເທິງ ແລະ ສິລະປະວັນນະຄະດີ ກາຍເປັນຈຸດເລີ່ມຕົ້ນທາງວິຊາການ ເພື່ອສະໜອງບຸກຄະລາກອນໃຫ້ແກ່ໜ່ວຍງານ
ອື່ນ, ເຊິ່ງໜ່ວຍງານດັ່ງກ່າວ ຈະສ້າງຕັ້ງສະໂມສອນສານຝັນໃຫ້ເປັນຈຸດເລີ່ມຕົ້ນຂອງຄວາມສົນໃຈໃນວິຊາຊີບຮູບ
ເງົາ ໃນຮູບແບບເຄືອຂ່າຍທີ່ເຊື່ອມໂຍງກັນ ນັບແຕ່ສູນກາງເຖິງທ້ອງຖິ່ນ, ສ້າງຫລັກສູດເພື່ອເປັນແບບຮຽນເພື່ອ
ໃຫ້ເກີດມີຄະນະ ຫລື ພາກວິຊາຮູບເງົາໃນສະຖາບັນການສຶກສາໃດໜຶ່ງ, ສ້າງສື່ການຮຽນ-ການສອນທາງໄກ ແລະ
ສ້າງແຫລ່ງສຶກສາຮຽນຮູ້ ໃນການຜະລິດຕົວຈິງ ຜ່ານການຖ່າຍທຳວິດີ ໂອ, ສາລະຄະດີ, ລະຄອນ, ຮູບເງົາ, ລາຍການ
ວິທະຍຸ ແລະ ໂທລະພາບ.
ແຫລ່ງຂ່າວ: ລາວພັດທະນາ