ໃນວັນທີ 27 ພະຈິກນີ້ ສານນະຄອນຫລວງວຽງຈັນ ໄດ້ຕັດສີນລົງໂທດ ທ້າວ ສີສຸພັນ ອາຍຸ 33 ປີ ຢູ່ບ້ານຮ່ອງແກ
ເມືອງໄຊເສດຖາ ຈຳຄຸກເປັນເວລາ 6 ປີ, ພ້ອມປັບໃໝ 6 ລ້ານກີບ ແລະ ຕັດສິນລົງໂທດ ທ້າວ ສຸກສາຄອນ ອາຍຸ
22 ປີ ຢູ່ບ້ານທາດຫລວງໃຕ້ ເມືອງໄຊເສດຖາ ໃນຂໍ້ຫາຊິງຊັບພົນລະເມືອງ.
ເຈົ້າໜ້າທີ່ໃຫ້ຮູ້ວ່າ: ທ້າວ ສີສຸພັນ ແລະ ທ້າວ ສຸກສາຄອນ ຖືກເຈົ້າໜ້າທີ່ຈັບຕົວໄດ້ ເມື່ອເດືອນເມສາ 2014 ແລະ
ຮັບສາລະພາບວ່າ:ໄດ້ລົງມືຊິງຊັບພົນລະເມືອງມາແລ້ວ 13 ຄັ້ງ ສ່ວນຫລາຍແມ່ນຊິງຊັບຂອງນັກທ່ອງທ່ຽວຄົນ
ຕ່າງປະເທດ, ໂດຍຄັ້ງລ່າສຸດເມື່ອທັງສອງໄດ້ຂີ່ລົດຈັກ ໄປດຶງກະເປົາຂອງນັກທ່ອງທ່ຽວຢູ່ບໍລິເວນຫໍຫລັກເມືອງ
ບ້ານເພຍວັດເມືອງສີສັດຕະນາກ, ໄດ້ເງິນ 400 ໂດລາສະຫະລັດ, 400.000 ກີບ ແລະ 4000 ບາດ. ຫລັງຈາກນັ້ນ
ກໍຖືກເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍ.
ແຫລ່ງຂ່າວ: ລາວພັດທະນາ