ໃນຕອນເດິກຂອງວັນທີ 4 ມິຖຸນາ 2023 ຜ່ານມາ, ເກີດເຫດຄົນຮ້າຍເຂົ້າໄປຄາຕຳກຳພໍ່ແມ່ລູກ ເສຍຊີວິດ 3 ຄົນ, ໂຊກດີທີ່ຜູ້ເປັນລູກສາວອາຍຸ 12 ປີ ໜີອອກມາໄດ້ກ່ອນ.
ຈາກການບອກເລົ່າຂອງຍາດຜູ້ເສຍຊີວິດໃຫ້ຮູ້ວ່າ: ຜູ້ເປັນນ້າບ່າວກັບຄອບຄົວໄດ້ໄປນອນຢູ່ໄຮ່, ຕົກມາຮອດກາງເດິກເວລາປະມານ 12 ຫາ 1 ໂມງ (ວັນທີ 4/06/2023) ມີຄົນຮ້າຍເຂົ້າມາເອີ້ນຜູ້ນ້າບ່າວ (ຜູ້ເສຍຊີວິດ) 2 ເທື່ອ, ແຕ່ບໍ່ມີໃຜຕື່ນ ຄົນຮ້າຍເລີຍໃຊ້ມີດງັດປະຕູເພື່ອເຂົ້າໄປ ຈາກນັ້ນໄດ້ຄາຕະກຳຜູ້ເປັນເມຍ (ຜູ້ເສຍຊີວິດ) ກ່ອນ, ແລ້ວກໍຈັບປືນມາຍິງຜູ້ເປັນຜົວ, ແລ້ວກໍຄາຕຳກຳລູກນ້ອຍ ອາຍຸ7ເດືອນ. ໃນຕອນທີ່ກຳລັງຂ້າຜູ້ເປັນແມ່ ຜູ້ເປັນລູກສາວອາຍຸ 12 ປີ ຕື່ນມາພໍດີ ແລ້ວກໍເເລ່ນເຂົ້າປ່າເພື່ອຫຼົບໜີກ່ອນ.
ຈາກນັ້ນຜ່ານໄປປະມານ 2-3 ຊົ່ວໂມງ, ຜູ້ເປັນລູກສາວກໍກັບມາເອົາໂທລະສັບ ແລະເຫັນພໍ່ແມ່ ແລະນ້ອງຊາຍເສຍຊີວິດໝົດແລ້ວ, ລູກສາວກໍໄດ້ໂທຫາແມ່ເຖົ້າເພື່ອແຈ້ງຂ່າວ ແລະບອກໃຫ້ມາຊ່ວຍ. ຫຼັງນັ້ນຈາກນັ້ນ, ກໍໄດ້ແລ່ນໄປລີ້ໃນປ່າຈົນເຈົ້າໜ້າທີ່ຕຳຫຼວດ ແລະ ພີ່ນ້ອງໄປຮອດ. ຄອບຄົວຜູ້ເສຍຊິວິດແມ່ນຢູ່ບ້ານໝອງຂຽວ, ເມືອງໝອງແຮດ, ແຂວງຊຽງຂວາງ.
ຂໍສະແດງຄວາມເສຍໃຈມາຍັງຍາດຜູ້ເສຍຊີວິດ ແລະເປັນກຳລັງໃຈໃຫ້ລູກສາວຂອງຜູ້ເສຍຊີວິດທີ່ສູນເສຍພໍ່ແມ່ ແລະນ້ອງຊາຍໃນເວລາດຽວກັນ.
ຕາມການລາຍງານຂອງເຈົ້າໜ້າທີ່ໄດ້ລະບຸວ່າ: ຄົນທີ່ກໍ່ເຫດຄາຕະກຳ 3 ສົບ, ແມ່ນເຈົ້າໜ້າໄປກວດກາ ແລະ ຊອກຫາແມ່ນພົບເຫັນ ແລະ ຜູ້ກ່ຽວໄດ້ຂ້າໂຕຕາຍ ແຕ່ມື້ກໍເຫດ.
ທີ່ມາ: ໂທລະໂຄ່ງ