spot_img
Homeຂ່າວພາຍ​ໃນປະກາດສ້າງຕັ້ງກົມຄຸ້ມຄອງເງິນຕາຕ່າງປະເທດ

ປະກາດສ້າງຕັ້ງກົມຄຸ້ມຄອງເງິນຕາຕ່າງປະເທດ

Published on

ທະນາຄານ ແຫ່ງສປປ ລາວ (ທຫລ) ປະກາດສ້າງຕັ້ງກົມຄຸ້ມຄອງເງິນຕາຕ່າງປະເທດ ເພື່ອເຮັດໜ້າທີ່ຄົ້ນຄວ້າ ສ້າງ ແລະ ປັບປຸງນິຕິກຳກ່ຽວກັບການຄຸ້ມຄອງເງິນຕາຕ່າງປະເທດ.

ວັນທີ 1 ມິຖຸນາ 2023 ທີ່ທະນາຄານ ແຫ່ງສປປ ລາວ (ທຫລ) ນະຄອນຫຼວງວຽງຈັນ ໄດ້ຈັດພິທີປະກາດສ້າງຕັ້ງກົມຄຸ້ມຄອງເງິນຕາຕ່າງປະເທດ ໂດຍການເປັນປະທານຂອງທ່ານ ບຸນເຫຼືອ ສິນໄຊວໍຣະວົງ ຜູ້ວ່າ ການທະນາຄານແຫ່ງສປປ ລາວ ມີບັນດາຫົວໜ້າກົມ ຫົວໜ້າສາຂາ ທຫລ ແຕ່ລະພາກ ຄະນະອຳນວຍການທະນາຄານລັດ ພ້ອມດ້ວຍພະນັກງານເຂົ້າຮ່ວມ.

ທ່ານ ນາງ ວິນຄຳ ລຸນທອນ ຮອງຫົວໜ້າຄະນະຜູ້ປະຈໍາການ ຄະນະຮັບຜິດຊອບຄົ້ນຄວ້າການສ້າງ ຕັ້ງກົມຄຸ້ມຄ້ອງເງິນຕາຕ່າງປະເທດ ກ່າວວ່າ:ກົມເງິນຕາຕ່າງປະເທດເຄີຍຖືກສ້າງຕັ້ງຂຶ້ນໃນປີ 2001 ເພື່ອເປັນເສນາທິການໃນການຮັບຜິດຊອບວຽກງານຄຸ້ມຄອງເງິນຕາຕ່າງປະເທດໃນຂອບເຂດທົ່ວປະເທດ ແຕ່ມາຮອດປີ 2005 ເນື່ອງຈາກສະພາບເສດຖະກິດມີການຫັນປ່ຽນ ຮຽກຮ້ອງໃຫ້ມີການປັບປຸງ ຊັບຊ້ອນກົງ ຈັກຂອງບາງກົມກອງພາຍໃນ ທຫລ ຄືນໃໝ່ ໃຫ້ສອດຄ່ອງກັບສະພາບການຄຸ້ມຄອງ ແລະ ວາງນະໂຍ ບາຍໃນໄລຍະນັ້ນ ທຫລ ຈຶ່ງໄດ້ໂຮມເອົາ “ກົມເງິນຕາຕ່າງປະເທດ ແລະ ກົມຄົ້ນຄວ້າເສດຖະກິດ” ເຂົ້າ ກັນ ແລ້ວປ່ຽນຊື່ມາເປັນ “ກົມນະໂຍບາຍເງິນຕາ” ໂດຍຮັກສາວຽກຄຸ້ມຄອງເງິນຕາຕ່າງປະເທດເປັນກົງຈັກຂັ້ນພະແນກໃນກົມດັ່ງກ່າວ ເພື່ອຄຸ້ມຄອງເງິນຕາຕ່າງປະເທດໃນໄລຍະນັ້ນຈົນເຖິງປັດຈຸບັນ.

ສະນັ້ນ, ເພື່ອເປັນການຈັດຕັ້ງຜັນຂະຫຍາຍພາລະບົດບາດຂອງທະນາຄານແຫ່ງສປປ ລາວ ທີ່ເປັນເສນາທິການໃຫ້ແກ່ລັດຖະບານ ໃນການຄຸ້ມຄອງມະຫາພາກທາງດ້ານເງິນຕາ ແລະ ການຄຸ້ມຄອງເງິນຕາຕ່າງປະເທດໃນຂອບເຂດທົ່ວປະເທດ ຈຶ່ງມີຄວາມຈໍາເປັນຕ້ອງມີກົງຈັກຂັ້ນກົມຢູ່ທະນາຄານແຫ່ງສປປ ລາວ ເພື່ອເຮັດໜ້າທີ່ຄົ້ນຄວ້າ ສ້າງ ແລະ ປັບປຸງນິຕິກຳກ່ຽວກັບການຄຸ້ມຄອງເງິນຕາຕ່າງປະເທດ ພ້ອມທັງຈັດຕັ້ງປະຕິບັດວຽກງານການຄຸ້ມຄອງລາຍຮັບຈາກການຄ້າ ການບໍລິການ ການລົງທຶນ ໜີ້ສິນ ແລະ ສິນເຊື່ອການຄ້າລະຫວ່າງປະເທດ ພ້ອມທັງຕິດຕາມ ກວດກາ ກະແສເງິນໄຫຼເຂົ້າ-ອອກ ສປປ ລາວ ໃຫ້ທັນສະພາບ ຄົບຖ້ວນ ທັນສະໄໝ ແລະ ສາມາດເຊື່ອມຈອດກັບພາກສ່ວນກ່ຽວຂ້ອງ ເຮັດໃຫ້ການຄຸ້ມຄອງເງິນຕາຕ່າງປະເທດເປັນລະບົບຄົບຊຸດ ຊຸກຍູ້ສົ່ງເສີມການນໍາໃຊ້ເງິນກີບ ຫຼຸດຜ່ອນການນຳໃຊ້ເງິນຕາຕ່າງປະເທດແບບຊະຊາຍໃນສັງຄົມ.

ແຫຼ່ງຂ່າວ ແລະ ພາບ: Vientiane Mai

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...