ຕຳຫລວດອາເມຣິກັນ ຜູ້ລົງມືຍິງ ໄມເຄິນ ບຣາວ ໜຸ່ມຜິວດຳ ຍື່ນໜັງສືລາອອກຈາກການເປັນຕຳຫລວດແລ້ວ
ໂດຍທະນາຍຄວາມຂອງເຂົາຖະແຫລງວ່າ ສະຖານີຕຳຫລວດເມືອງເຟີກູສັນ ໄດ້ຮັບຄຳຂູ່ອາດຖືກກໍ່ເຫດຮຸນແຮງ
ຫາກເຂົາຍັງຄົງປະຕິບັດໜ້າທີ່ຢູ່.
ສຳນັກຂ່າວຕ່າງປະເທດລາຍງານ ໃນວັນທີ 1 ທັນວານີ້ວ່າ ທ່ານ ດາເຣນ ວິນສັນ ນາຍຕຳຫລວດອາເມຣິກັນ ເຊິ່ງ
ເປັນຜູ້ລົງມືລັ່ນໄກປືນຍິງ ໄມເຄິນ ບຣາວ ໜຸ່ມອາເມຣິກັນຜິວດຳ ອາຍຸ 18 ປີ ເສຍຊີວິດໃນເມືອງເຟີກູສັນ ລັດ
ມິດຊູຣີ ປະເທດສະຫະລັດອາເມຮິກາ ໄດ້ຍື່ນໜັງສືລາອອກຈາກການເປັນຕຳຫລວດແລ້ວ ຫລັງຈາກທີ່ຄະນະລູກ
ຂຸນໃຫຍ່ ສານເຂດເຊັນຫລຸຍ ຫາກໍໄດ້ຕັດສິນບໍ່ສັ່ງຟ້ອງທ່ານ ວິນສັນ ເມື່ອວັນທີ 25 ພະຈິກຜ່ານມາ ເປັນເຫດ
ໃຫ້ຊາວອາເມຣິກັນໃນເມືອງເຟີກູສັນ ແລະ ລວມທັງອີກກ່ວາ 170 ເມືອງໃນທົ່ວປະເທດ ລຸກຮືຂຶ້ນອອກມາປະ
ທ້ວງຄຳຕັດສິນຂອງຄະນະລູກຂຸນ ດ້ວຍຄວາມຄຽດແຄ້ນ ແລະ ຜິດຫວັງ.
ທ່ານ ນິນ ບຣູນເທຣເກີ ທະນາຍຄວາມຂອງທ່ານ ວິນສັນ ໄດ້ເປີດເຜີຍວ່າ ນາຍຕຳຫລວດ ວິນສັນ ໄດ້ຕັດສິນໃຈ
ລາອອກຈາກການເປັນຕຳຫລວດ ຫລັງຈາກທີ່ສຳນັກງານຕຳຫລວດເມືອງເຟີກູສັນ ໄດ້ຮັບຄຳຂູ່ວ່າຈະຖືກກໍ່ເຫດ
ຮຸນແຮງຫລາຍຄັ້ງ ຖ້າຫາກທ່ານ ວິນສັນ ຍັງຄົງເປັນຕຳຫລວດຢູ່ທີ່ນີ້.