spot_img
Homeຂ່າວພາຍ​ໃນງານວາງສະແດງຮູບແຕ້ມວັດທະນະທຳລາວ ແລະ ສະຖານທີ່ທ່ຽວຕ່າງໆຂອງລາວ

ງານວາງສະແດງຮູບແຕ້ມວັດທະນະທຳລາວ ແລະ ສະຖານທີ່ທ່ຽວຕ່າງໆຂອງລາວ

Published on

ເປີດແລ້ວ ງານວາງສະແດງຮູບແຕ້ມ ທີ່ບົ່ງບອກຄວາມເປັນລາວ ຢູ່ຝາກຳແພງດ້ານນອກ ສູນອາເມລິກາທາດດຳ.

ໃນວັນທີ 24 ພຶດສະພາ 2023 ທີ່ຜ່ານມາ, ທາງສະຖານທູດສະຫະລັດອາເມຣິກາປະຈຳລາວ ໄດ້ຈັດພິທີເປີດງານວາງສະແດງຮູບແຕ້ມ ຈາກຜົນງານຂອງສີລະປິນລາວ ທີ່ບົ່ງບອກເຖິງຄວາມເປັນລາວ, ວັດທະນະທຳລາວ ແລະ ສະຖານທີ່ທ່ຽວຕ່າງໆຂອງລາວ ເຊິ່ງຮູບແຕ້ມແມ່ນຢູ່ຝາກຳແພງດ້ານນອກຂອງສູນອາເມຣິກາທາດດຳ ໂດຍຜົນງານກອງທຶນເອກອັກຄະລັດຖະທູດ ສະຫະລັດອາເມຣິກາ ເພື່ອສະແດງເຖິງການອະນຸລັກວັດທະນະທຳໃນໄລຍະ 20 ປີ.

ທ່ານ ປີເຕີ ເຮມອນ ເອກອັກຄະລັດຖະທູດ ສະຫະລັດອາເມຣິກາ ປະຈຳລາວ ໄດ້ໃຫ້ສຳພາດວ່າ: ເມື່ອ 20 ປີທີ່ຜ່ານມາ, ແມ່ນມີໂຄງການຂອງສະຖານທູດທີ່ຊື່ວ່າ “ທຶນເອກອັກຄະລັດຖະທູດສະຫະລັດອາເມລິກາ” ເພື່ອການອະນຸລັກວັດທະນະທຳ ທີ່ໄດ້ຈັດຕັ້ງຢູ່ຫຼາຍປະເທດ ແລະ ໄດ້ເລີ່ມຈັດຕັ້ງໂຄງການຢູ່ລາວແຕ່ປີ 2001 ໂດຍໄດ້ໃຫ້ທຶນຊ່ວຍເຫຼືອບັນດານັກສີລະປິນບູລະນະຮັກສາບ່ອນທີ່ສຳຄັນທາງດ້ານວັດທະນະທຳຢູ່ແຕ່ລະແຂວງເຊັ່ນ: ແຂວງຫົວພັນ, ຫຼວງພະບາງ, ສະຫວັນນະເຂດ ແລະ ແຂວງອື່ນໆ.

ຈຸດປະສົງຂອງໂຄງການ ແມ່ນຢາກແນະນຳສະຖານທີ່ທ່ອງທ່ຽວທີ່ສຳຄັນໃນແຕ່ລະແຂວງຂອງລາວ ໃຫ້ບັນດານັກທ່ອງທ່ຽວຊາວຕ່າງປະເທດ ແລະ ຄົນລາວເຮົາໄດ້ຮັບຮູ້ເຖິງ ຄວາມງົດງາມ, ຄວາມຫຼາກຫຼາຍຂອງວັດທະນະທຳແຕ່ລະບ່ອນໃນລາວ ຜ່ານຜົນງານຮູບແຕ້ມໃສ່ຝາກຳແພງດ້ານນອກຂອງສູນອາເມຣິກາທາດດຳ ເພື່ອດຶງດູດໃຫ້ນັກທ່ອງທ່ຽວໄດ້ມີຄວາມສົນໃຈຢາກໄປສຳຜັດວັດທະນະທຳລາວໂຕຈິງຢູ່ແຕ່ລະແຂວງໃນລາວ.

ທ່ານ​ເອກ​ອັກຄະ​ລັດຖະທູດ ​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ກະຊວງ​ການ​ຕ່າງປະ​ເທດ, ກະຊວງ​ຖະ​ແຫຼ​ງຂ່າວ ວັດທະນະທຳ ​ແລະ ທ່ອງ​ທ່ຽວ, ບັນດາ​ພະ​ແນ​ກຖະ​ແຫຼ​ງຂ່າວວັດທະນະທຳ ​ແລະ ທ່ອງ​ທ່ຽວ​ແຂວງ ​ແລະ ຫ້ອງການ​ມໍລະດົກ​ໂລກ​ທີ່​ກ່ຽວຂ້ອງ​ທີ່​ໄດ້​ໃຫ້ການ​ສະໜັບສະໜູນ​ຢ່າງ​ບໍ່​ຢຸດ​ຢັ້ງ​ຕະຫຼອດ​ປີ.

ນອກຈາກນັ້ນ, ຍັງໄດ້ຂອບໃຈບັນດານັກສິລະປິນ ແລະ ນັກສຶກສາສິລະປະລາວ ທີ່ໄດ້ປະກອບສ່ວນອັນລໍ້າຄ່າໃຫ້ແກ່ໂຄງການ. ​ໃນ​ນັ້ນ​ມີ ອາ​ເລັກ ​ແລະ ສະມາຊິກ​ອື່ນໆ​ຂອງ “arts 2 win” , ຄະນະ​ນັກ​ສິລະ​ປະກອນ​ທີ່​ພົ້ນ​ເດັ່ນ, ອາຈານ ​ແລະ ນັກ​ສຶກສາ​ສະ​ຖາ​ບັນ​ວິຈິດ​ສິນ​ແຫ່ງ​ຊາດ, ທ່ານ ​ໄຊ ພອນ​ປະ​ເສີດ ​ທີ່ໄດ້​ເດີນທາງ​ມາ​ຈາກ​ນະຄອນ​ຫຼວງ​ພະ​ບາງ ​ເພື່ອ​ສະ​ແດງ​ສິລະ​ປະ​ຂອງ​ງານ​ວາງສະ​ແດງ​ສິລະ​ປະ​ຢູ່​ວັດ​ຫຼວງ​ພະ​ບາງ ​ແລະ ນັກສິລະປິນຈາກສະມາຄົມເພື່ອການອະນຸລັກ ແລະ ສົ່ງເສີມສິລະປະ ແລະ ວັນນະຄະດີ ທີ່ໄດ້ສະແດງຜົນງານຮູບແຕ້ມທີ່ໜ້າປະທັບໃຈ, ສວຍງາມ ແລະ ໜ້າຈົດຈຳ ທີ່ຝາກຳແພງຂອງສູນອາເມຣິກາໃນວຽງຈັນ ແລະ ຍັງຊີ້ໃຫ້ເຫັນເຖິງຄວາມພະຍາຍາມໃນການອະນຸລັກຕ່າງໆ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...