spot_img
Homeຂ່າວພາຍ​ໃນຊື້ປີ້ລົດໄຟຜ່ານອອນລາຍຊ່ວຍຫຼຸດຜ່ອນການຕໍ່ແຖວຊື້ປີ້ຢູ່ສະຖານີ

ຊື້ປີ້ລົດໄຟຜ່ານອອນລາຍຊ່ວຍຫຼຸດຜ່ອນການຕໍ່ແຖວຊື້ປີ້ຢູ່ສະຖານີ

Published on

ທ່ານ ວົງທອງ ສຸພັນທອງ ຮອງວິສະວະກອນເອກ ບໍລິສັດທາງລົດໄຟລາວ-ຈີນ ຈຳກັດ ໃຫ້ສຳພາດຕໍ່ສື່ມວນຊົນ ໃນວັນທີ 22 ພຶດສະພາ 2023 ວ່າ: ນັບແຕ່ເປີດດຳເນີນການທາງລົດໄຟລາວ-ຈີນ ໃນວັນທີ 3 ທັນວາ 2021 ເປັນຕົ້ນມາ ເຖິງປັດຈຸບັນ ບໍລິສັດທາງລົດໄຟ ລາວ-ຈີນ ບໍ່ໄດ້ຢຸດທີ່ຈະພັດທະນາການບໍລິການດ້ານຕ່າງໆ ເປັນຕົ້ນ ຊ່ອງທາງການຊື້ປີ້ຂອງຜູ້ໂດຍສານ, ນອກຈາກຊື້ຢູ່ປ່ອງບໍລິການຂາຍປີ້ທີ່ສະຖານີ ແລະ ຈຸດຂາຍປີ້ລົດໄຟຢູ່ໃນຕົວເມືອງແລ້ວ, ຍັງໄດ້ພັດທະນາການຊື້ປີ້ຂອງຜູ້ໂດຍສານຜ່ານລະບົບອອນລາຍຕື່ມອີກ, ເຊິ່ງເຫັນໄດ້ວ່າ ນັບແຕ່ເປີດນໍາໃຊ້ເປັນຕົ້ນມາ ມວນຊົນທັງພາຍໃນ ແລະ ຕ່າງປະເທດ ໃຫ້ຄວາມສົນໃຈ ເຂົ້າມາໃຊ້ບໍລິການເປັນຈຳນວນຫຼາຍ, ສະເລ່ຍມື້ໜຶ່ງມີຜູ້ໂດຍສານຊື້ປີ້ຜ່ານລະບົບອອນລາຍ 1 ພັນກວ່າຄົນ.

ພ້ອມກັນນີ້, ບໍລິສັດທາງລົດໄຟ ລາວ-ຈີນ ໄດ້ໃຫ້ສ່ວນຫຼຸດ 5% ຫຼັງຈາກຊື້ປີ້ອອນລາຍ ຜ່ານ UnionPay ກໍຄື ຊື້ປີ້ຜ່ານລະບົບ LCR TICKET APP ເຊິ່ງຜູ້ໂດຍສານທີ່ຊື້ປີ້ ຈະໄດ້ຮັບສ່ວນຫຼຸດສູງສຸດ 15 ຄັ້ງ ແລະ ຍັງສາມາດໄດ້ຮັບສ່ວນຫຼຸດສູງສຸດເຖິງ 2 ຄັ້ງຕໍ່ມື້ ໂດຍກິດຈະກຳດັ່ງກ່າວ ໄດ້ເລີ່ມແຕ່ວັນທີ 15 ພຶດສະພາ ຫາ ວັນທີ 15 ສິງຫາ 2023, ຜູ້ໜຶ່ງສາມາດຊື້ປີ້ລົດໄຟຜ່ານລະບົບອອນລາຍ ໄດ້ເຖິງ 10 ປີ້. ທັງນີ້ ກໍເພື່ອອຳນວຍຄວາມສະດວກໃຫ້ແກ່ຜູ້ໂດຍສານ ໂດຍບໍ່ຈຳເປັນຕ້ອງອອກຈາກເຮືອນ ບໍ່ຈຳເປັນຕ້ອງມາຖ້າເອົາປີ້ລົດໄຟກັບສະຖານີ.

ສຳລັບ ທິດທາງແຜນການໃນຕໍ່ໜ້າ ບໍລິສັດທາງລົດໄຟລາວ-ຈີນ ຈະສືບຕໍ່ພັດທະນາລະບົບຂາຍປີ້ຜ່ານລະບົບອອນລາຍ ຕື່ມອີກ ແລະ ໃນໄວໆນີ້ກໍຈະສາມາດນຳໃຊ້ BCEL One ທະນາຄານການຄ້າຕ່າງປະເທດ ໃນການຊຳລະເງິນຊື້ປີ້, ລວມທັງທະນາຄານອື່ນໆ ທີ່ໄດ້ເຂົ້າມາເຈລະຈາກັນໃນເບື້ອງຕົ້ນ ເພື່ອເຮັດໃຫ້ຜູ້ຊົມໃຊ້ ກໍຄື ຜູ້ໂດຍສານມີຄວາມສະດວກສະບາຍ ໃນການຊື້ປີ້ລົດໄຟຍິ່ງຂຶ້ນ.

ແຫຼ່ງຂ່າວ CRI

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...