spot_img
Homeຂ່າວພາຍ​ໃນບໍ່ສາມາດຄວບຄຸມການຜະລິດນ້ຳກະທ່ອມໃນນະຄອນຫຼວງວຽງຈັນ

ບໍ່ສາມາດຄວບຄຸມການຜະລິດນ້ຳກະທ່ອມໃນນະຄອນຫຼວງວຽງຈັນ

Published on

ພັນໂທ ປານີ ສຸດສະຫວັດ, ຫົວໜ້າພະແນກກວດກາ ແລະ ຄວບຄຸມຢາເສບຕິດນະຄອນຫຼວງວຽງຈັນ ໄດ້ລາຍງານວ່າ: ປັດຈຸບັນ ມີຊາວໜຸ່ມ ແລະ ປະຊາຊົນຈໍານວນບໍ່ໜ້ອຍຢູ່ນະຄອນຫຼວງວຽງຈັນ ຍັງບໍ່ທັນເຂົ້າໃຈກ່ຽວກັບນໍ້າກະທ່ອມ ຍ້ອນຍັງມີການຊົມໃຊ້ນໍ້າດັ່ງກ່າວ ເຊິ່ງໃນຄວາມຈິງແລ້ວໃນນໍ້າກະທ່ອມ ມັນບໍ່ໄດ້ມີແຕ່ນໍ້າກະທ່ອມເທົ່ານັ້ນ, ແຕ່ຍັງປະກອບມີຢາດີໄອ, ນໍ້າໂອອິຊິ, ນໍ້າຕານ ແລະ ຢາໂຕອື່ນປະສົມຢູ່ນໍາຕາມຄວາມຕ້ອງການຂອງຜູ້ຊົມໃຊ້. ໃນໄລຍະຜ່ານມາ ເຈົ້າໜ້າທີ່ຕໍາຫຼວດກວດກາ ແລະ ຄວບຄຸມຢາເສບຕິດໄດ້ຮ່ວມກັບຂະແໜງສາທາລະນະສຸກເຄື່ອນໄຫວກວດກາຕົວຈິງ ເຫັນວ່າ: ຍັງມີການລັກລອບຜະລິດ ແລະ ຈໍາໜ່າຍນໍ້າດັ່ງກ່າວຈໍານວນບໍ່ໜ້ອຍ, ເຖີງວ່າສ່ວນໜຶ່ງໄດ້ເຮັດບົດບັນທຶກ, ສຶກສາອົບຮົມ ແລະ ກ່າວເຕືອນໄປແລ້ວ ແຕ່ກໍຍັງກັບມາເຮັດແບບເກົ່າອີກ.

ນັບຕັ້ງແຕ່ຈັດຕັ້ງວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ເປັນຕົ້ນມາ, ເຈົ້າໜ້າທີ່ສາມາດຢຶດໃບກະທ່ອມໄດ້ຫຼາຍກວ່າ 800 ກິໂລກຼາມ, ລວມເຖີງຢາດີໄອຝາແດງ, ນໍ້າຕານໝາກພ້າວ, ນໍ້າໝາກພ້າວເປັນກ່ອງ, ໂອອິຊິ ແລະ ອື່ນໆ, ເຊິ່ງຂະແໜງສາທາລະນະສຸກຢືນຢັນວ່າ ສິ່ງດັັ່ງກ່າວນີ້ເມື່ອປະສົມເຂົ້າກັນ ແມ່ນສົ່ງຜົນກະທົບຕໍ່ຮ່າງກາຍຂອງຄົນເຮົາຢ່າງແນ່ນອນເພາະມັນມີສ່ວນເຂົ້າໃນການລະດັບລະບົບປະສາດ. ນອກຈາກນີ້ ຍັງພົບເຫັນການລັກລອບຜະລິດນໍ້າກະທ່ອມຈໍໍານວນຫຼາຍສົມຄວນ ໂດຍສະເພາະຢູ່ ບ້ານຄໍາຮຸ່ງ ແລະ ບ້ານສີວິໄລ ເມືອງໄຊທານີ ລວມເຖິງຢູ່ເຂດຕະຫຼາດກາງຄືນເມືອງຈັນທະບູລີ.

​ພັນໂທ ປານີ ສຸດສະຫວັດ ໃຫ້ຮູ້ຕື່ມວ່າ: ໄລຍະຜ່ານມາ ເຈົ້າໜ້າທີ່ກ່ຽວຂ້ອງໄດ້ເຄື່ອນໄຫວໂຄສະນາຢູ່ຕາມຈຸດສຸມຕ່າງໆ ກ່ຽວກັບຜົນຮ້າຍຂອງນໍ້າກະທ່ອມ, ແຕ່ໃນຕົວຈິງຍັງປະກົດເຫັນການລະເມີດຜະລິດ ແລະ ຈໍາໜ່າຍນໍ້າກະທ່ອມຢູ່ ໂດຍສະເພາະຢູ່ຈຸດຕະຫຼາດກາງຄືນ ເມືອງຈັນທະບູລີ ແມ່ນພົບເຫັນເພີ່ມຂຶ້ນ ເຖິງວ່າໄລຍະຜ່ານມາພາກສ່ວນກ່ຽວຂ້ອງໄດ້ໄປແກ້ໄຂຢູ່ຈຸດດັ່ງກ່າວແລ້ວກໍຕາມ ຫຼື ເວົ້າໄດ້ວ່າ: ຜູ້ລັກລອບຈໍາໜ່າຍຮູ້ແລ້ວແຕ່ຕ່າວພາໂລ. ນອກຈາກນີ້ ໄດ້ກວດພົບການລັກລອບປູກໃບກະທ່ອມຢູ່ເຂດຕີນພູພະນັງພາຍໃນເມືອງສັງທອງ ຈໍານວນ 2 ສວນ ລວມມີຫຼາຍຮ້ອຍໂຕນ.

ເພື່ອເຮັດໃຫ້ການແກ້ໄຂບັນຫານໍ້າກະທ່ອມ ກໍຄື ຢາເສບຕິດຊະນິດອື່ນໆ ໃຫ້ນັບມື້ດີຂຶ້ນກວ່າເກົ່າ, ເຈົ້າໜ້າທີ່ກ່ຽວຂ້ອງຈະເອົາໃຈໃສ່ປະຕິບັດມາດຕະການຕໍ່ຜູ້ລະເມີດຢ່າງເຂັ້ມງວດທີ່ສຸດ. ນອກຈາກນີ້ ຈະສຸມໃສ່ເຄື່ອນໄຫວໂຄສະນາຢູ່ຕາມຈຸດສຸມຕ່າງໆ ໃຫ້ທົ່ວເຖີງ ເພື່ອສ້າງຄວາມຮັບຮູ້ເຂົ້າໃຈກ່ຽວກັບຜູ້ຮ້າຍຂອງຢາເສບຕິດ ໂດຍສະເພາະໃນໝູ່ໄວໜຸ່ມໃຫ້ນັບມື້ຫຼາຍຂຶ້ນກວ່າເກົ່າ.

ແຫຼ່ງຂ່າວ: ໂທລະພາບນະຄອນຫຼວງວຽງຈັນ

ບົດຄວາມຫຼ້າສຸດ

ທູດ ອາເມລິກາ ປະຈໍາລາວ ເຂົ້າຢ້ຽມອໍາລາ ລັດຖະມົນຕີກະຊວງການຕ່າງປະເທດ ເນື່ອງໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ

ໃນຕອນບ່າຍວັນທີ 14 ມັງກອນ 2026 ທີ່ຜ່ານມາ, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ...

ປິດການສັນຈອນຊົ່ວຄາວ ໂດຍບໍ່ອະນຸຍາດໃຫ້ລົດທີ່ມີນໍ້າໜັກ 12 ໂຕນຂຶ້ນໄປ ແລ່ນຜ່ານເລີ່ມແຕ່ ບ້ານເລົ່າໂພໄຊ-ແຍກທາງເຂົ້າທາດເມືອງເກົ່າ ແຂວງຄໍາມ່ວນ ລະຫວ່າງ ວັນທີ 13 ມັງກອນ 2026 ຫາ 03 ກຸມພາ 2026

ອີງຕາມແຈ້ງການຂອງຫ້ອງວ່າການເມືອງເມືອງທ່າແຂກ, ແຂວງຄໍາມ່ວນ ເລກທີ 03/ຫວມ ທ່າແຂກ, ລົງວັນທີ 13 ມັງກອນ 2026 ຮຽນ: ບັນດາພໍ່ແມ່ປະຊາຊົນ, ພະນັກງານ, ທະຫານ, ຕໍາຫຼວດ, ພໍ່ຄ້າຊາວຂາຍ,...

ຜົນກອງປະຊຸມລັດຖະບານເປີດກວ້າງ ຄັ້ງທີ II ປະຈຳປີ 2025 ທີ່ຈັດຂຶ້ນໃນລະຫວ່າງ ວັນທີ 12-13 ມັງກອນ 2026

ໃນຕອນແລງຂອງວັນທີ 13 ມັງກອນ 2026 ນີ້, ທ່ານ ສອນໄຊ ສິດພະໄຊ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ໂຄສົກລັດຖະບານ ໄດ້ຖະແຫຼງຂ່າວ ຕໍ່ສື່ມວນຊົນ ກ່ຽວກັບຜົນກອງປະຊຸມລັດຖະບານເປີດກວ້າງ ຄັ້ງທີ...

ຍັງດຳເນີນການຄົ້ນຫາຜູ້ສູນຫາຍ ແລະ ລໍການຢັ້ງຢືນ ສາເຫດທີ່ພາໃຫ້ເກີດດິນຍຸບ ຈາກຊ່ຽວຊານຕ່າງປະເທດ ຕໍ່ກັບເຫດການດິນຍຸບ ຢູ່ບ້ານທົ່ງມັ່ງ, ເມືອງໄຊທານີ, ນະຄອນຫຼວງວຽງຈັນ

ຕອນເຊົ້າວັນທີ 13 ມັງກອນ 2026 ທີ່ຜ່ານມາ, ທ່ານ ປອ. ຈັນສະແຫວງ ບຸນຍົງ, ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ພ້ອມດ້ວຍຄະນະ...