ໃນວັນທີ 21 ພຶດສະພາ 2023 ຜ່ານມາ, ສຳນັກຂ່າວຕ່າງປະເທດລາຍງານ ເກີດເຫດສະຫຼົດ ຢຽບກັນຕາຍທີ່ສະໜາມກິລາ Cuscatian ໃນກຸງຊານຊັນວາດໍ ເມືອງຫຼວງຂອງອັລຊານວາດໍ ປະເທດໃນອາເມຣິກາກາງ ເປັນສເຫດໃຫ້ມີຜູ້ເສຍຊີວິດຢ່າງນ້ອຍ 12 ຄົນ ບາດເຈັບອີກປະ ມານ 500 ຄົນ, ເຊິ່ງເຫດການດັ່ງກ່າວເກີດຂຶ້ນເນື່ອງຈາກມີການແຂ່ງຂັນບານເຕະນັດສຳຄັນລະຫວ່າງທີມ alianza ກັບ FAS.
ຕາມການລາຍງານຈາກສື່ທ້ອງຖິ່ນລະບຸເຖິງສາເຫດທີ່ເຮັດໃຫ້ເກີດການຢຽບກັນໃນຄັ້ງນີ້ວ່າ: ເນື່ອງຈາກມີກອງເຊີຍກຸ່ມໃຫຍ່ພະຍາຍາມຈະເຂົ້າໄປໃນສະໜາມກິລາ ຫຼັງຈາກປະຕູທາງເຂົ້າປິດແລ້ວ ຈຶ່ງເຮັດໃຫ້ມີການຍູ້, ບຽດຈົນມີຄົນລົ້ມລົງແລ້ວຖືກຢຽບ, ບາງຄົນກໍຂາດອາກາດຫາຍໃຈ.
ເຈົ້າໜ້າທີ່ເຊື່ອວ່າ: ມີກອງເຊຍບາງຄົຍໄດ້ຂາຍບັດປອມ ຈຶ່ງເຮັດໃຫ້ມີຜູ້ຄົນຈຳນວນຫຼາຍບໍ່ສາມາດເຂົ້າໄປໃນສະໜາມກິລາໄດ້ ໂດຍຂະນະນີ້ທາງການ ແລະເຈົ້າໜ້າທີ່ອັລຊັນວາດໍກຳລັງສອບສວນສາເຫດໃນຄັ້ງນີ້ຢ່າງລະອຽດ ເນື່ອງຈາກວ່າເຫດການນີ້ບໍ່ເຄີຍເກີດຂຶ້ນໃນປະເທດ.