ໃນວັນທີ 17 ພຶດສະພາ 2023 ຜ່ານມາ, ເຈົ້າໜ້າທີ່ໄທຮັບແຈ້ງພົບສົບຄົນຖືກຍິງເສຍຊີວິດ ຢູ່ແຄມທາງໃນປ່າທາງທ້າຍໝູ່ບ້ານ ວາຣິນ ເມືອງ ສີເມືອງໃໝ່ ແຂວງ ອຸບົນຣາຊທານີ ປະເທດໄທ.
ຕາມການລາຍງານຂອງເຈົ້າໜ້າທີ່ກ່າວວ່າ: ຜູ້ເສຍຊີວິດເປັນຄົນລາວ ຊື່ວ່າ: ທ້າວ ບຸນສ່ວນ ກິດຕິຍາໂນ ອາຍຸ 55 ປີ ມີສະພາບບາດແຜຖືກຍິງທີ່ໂໜກແກ້ມເບື້ອງຊ້າຍ ທະລຸຂະມັບເບື້ອງຂວາ 1 ນັດ, ບໍລິເວນໜ້າເອິກ 1 ນັດ, ແລະ ໜ້າທ້ອງອີກ 1 ນັດ, ເຈົ້າໜ້າທີ່ຍັງກ່າວຕື່ມອີກວ່າ: ຜູ້ເສຍຊີວິດເຄີຍອາໄສຢູ່ທີ່ ເມືອງປາກເຊ ແຂວງຈຳປາສັກ ປະເທດລາວ ກ່ອນທີ່ຈະເດີນທາງມາອາໄສຢູ່ປະເທດໄທ ເຊິ່ງອາໄສໄດ້ຫຼາຍປີແລ້ວ.
ເບື້ອງຕົ້ນເຈົ້າໜ້າທີ່ຄາດການວ່າ: ຜູ້ກໍ່ເຫດອາດຈະເປັນພີ່ນ້ອງຂອງຜູ້ເສຍຊີວິດ ທີ່ເຄີຍຮ່ວມງານກັນ ແລະ ມີເລື່ອງບໍ່ພໍໃຈກັນ ຈຶ່ງຕາມມາຂ້າ ເພາະຜູ້ຕາຍກຳລັງຈະເດີນທາງໄປກຸງເທບ ເພື່ອໄປຕິດຕາມເລື່ອງຂໍລີ້ໄພຢູ່ປະເທດອົດສະຕຣາລີ ແຕ່ຍັງບໍ່ທັນໄດ້ໄປກໍມາຖືກຍິງເສຍຊີວິດກ່ອນ.
ທີ່ມາ: ໄທລັດ