spot_img
Homeຂ່າວຕ່າງປະເທດລັດມອນທານາ ສະຫະລັດອາເມຣິກາແບນ TikTok ຫ້າມປະຊາຊົນດາວໂຫຼດເດັດຂາດ

ລັດມອນທານາ ສະຫະລັດອາເມຣິກາແບນ TikTok ຫ້າມປະຊາຊົນດາວໂຫຼດເດັດຂາດ

Published on

ລັດມອນທານາ ສະຫະລັດອາເມຣິກາ ລົງນາມບັງຄັບໃຊ້ກົດໝາຍແບນ ແອັບພິເຄຊັ່ນ TikTok ແລ້ວ ເລີ່່ມມີຜົນບັງຄັບໃຊ້ 1 ມັງກອນ 2024.

ໃນເດືອນເມສາ 2023 ທີ່ຜ່ານມາ ສະພາລັດມອນທານາ ຜ່ານກົດໝາຍຫ້າມໃຊ້ TikTok ສົ່ງຜົນໃຫ້ແອັບພິເຄຊັ່ນດັ່ງກ່າວເປັນສິ່ງທີ່ຜິດກົດໝາຍໃນລັດນີ້ ໂດຍເຫຼືອແຕ່ຂັ້ນຕອນຂອງການລົງນາມຂອງເຈົ້າຄອງລັດມອນທານາ ເກຣັກ ຈິອັນຟອດ.

ຫຼ້າສຸດນີ້ ເກຣັກ ຈິອັນຟອດ ເຈົ້າຄອງລັດມອນທານາ ສະຫະລັດອາເມຣິກາ ໄດ້ລົງນາມບັງຄັບໃຊ້ກົດໝາຍແບນ TikTok ແລ້ວ

ຈາກການລົງນາມດັ່ງກ່າວ ເຮັດໃຫ້ລັດມອນທານາ ກາຍເປັນລັດທຳອິດທີ່ສັ່ງແບນ TikTok ແລະ ການຍົກລະດັບການຈັດການແອັບພິເຄຊັ່ນ TikTok ທີ່ໃຫຍ່ທີ່ສຸດ ເພາະວ່າອະດີດປະທານາທິບໍດີ ໂດນັລ ທຣັມ ກໍບໍ່ສາມາດແບນໄດ້.

ສາເຫດທີ່ຕ້ອງແບນນີ້ຍ້ອນວ່າ ໄບແດນສ໌ (ByteDance) ເຈົ້າຂອງແອັບ TikTok ອາດມີຄວາມສຳພັນກັນກັບຈີນ ເຮັດໃຫ້ສະຫະລັດອາເມຣິກາ ຢ້ານສິ່ງນີ້ເປັນໄພຄຸກຄາມຕໍ່ຄວາມໝັ້ນຄົງຂອງສະຫະລັດອາເມຣິກາ.

ໃນໄລຍະທີ່ຜ່ານມາ ສະຫະລັດອາເມຣິກາກໍໄດ້ມີການແຈ້ງໃຫ້ປະຊາຊົນຫ້າມໃຊ້ ຫຼື ດາວໂຫຼດ ແອັບ TikTok ໃນອຸປະກອນໂທລະສັບ ແຕ່ທາງ TikTok ກໍພະຍາຍາມບອກວ່າ ພວດເຂົາບໍ່ເຄີຍແບ່ງປັນຂໍ້ມູນສ່ວນຕົວຂອງຜູ້ໃຊ້ງານໃຫ້ແກ່ລັດຖະບານຈີນແຕ່ຢ່າງໃດ.

ຈາກປະເດັນດັ່ງກ່າວນັ້ນ ເຮັດໃຫ້ TikTok ຖະແຫຼງການວ່າ ລັດມອນທານາ ລະເມີດສິດທິຂອງປະຊາຊົນ ແລະ TikTok ມີວາມຕັ້ງໃຈທີ່ຈະຮັກສາສິດດັ່ງກ່າວຂອງຜູ້ໃຊ້ງານ.

ສຳລັບກົດໝາຍດັ່ງກ່າວ ເລີ່ມມີຜົນບັງຄັບໃຊ້ໃນວັນທີ 1 ມັງກອນ 2024 ເຮັດໃຫ້ບໍ່ສາມາດດາວໂຫຼດແອັບ TikTok ໄດ້ພາຍໃນລັດມອນທານາ ຖ້າພົບຜູ້ລະເມີດຈະມີໂທດປັບໃໝສູງສຸດມື້ລະ 10.000 ໂດລາ.

ແຫຼ່ງຂ່າວ AP

ບົດຄວາມຫຼ້າສຸດ

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...

ກຳປູເຈຍ ເປີດນຳໃຊ້ສະໜາມບິນສາກົນເຕໂຊ ຢ່າງເປັນທາງການແລ້ວ

ເປີດນຳໃຊ້ຢ່າງເປັນທາງການແລ້ວ ສະໜາມບິນສາກົນເຕໂຊ ຂອງປະເທດກຳປູເຈຍ ມູນຄ່າ 1.5 ພັນລ້ານໂດລາ ພ້ອມກ້າວໜ້າສູ່ການເປັນສູນກາງການບິນ ແລະ ໂລຈິດຕິກແຫ່ງໃໝ່ຂອງໂລກ. ສຳນັກຂ່າວຕ່າງປະເທດລາຍາງນໃນວັນທີ 9 ກັນຍາ 2025 ນີ້, ກຳປູເຈຍໄດ້ມີການເປີດນຳໃຊ້ສະໜາມບິນສາກົນເຕໂຊ...

ໝໍຫວຽດນາມຟິວຂາດ ກໍລະນີໝໍມີການທຳຮ້າຍຮ່າງກາຍ ແລະ ຊັບສິນຄົນເຈັບໃນຄລີນິກແຂ້ວ

ເຊິ່ງກຳລັງເປັນກະແສຮ້ອນແຮງໃນຫວຽດນາມ ແລະ ຖືກແຊສອອກໄປເປັນວົງກ້ວາງ ກໍລະນີວີດີໂອໝໍແຂ້ວ (ທັນຕະເເພດ) ໄດ້ທຳຮ້າຍຮ່າງກາຍຄົນເຈັບ. ອີງຕາມການລາຍງານຈາກສຳນັກຂ່າວຈາກປະເທດຫວຽດນາມລາຍງານໃຫ້ຮູ້ວ່າ ໃນວັນທີ 03/09/2025 ທີ່ຜ່ານມາ, ເກີດເຫດການ ທ່ານໝໍທຳຮ້າຍຮ່າງກາາຍຄົນເຈັບ ຢູ່ຄີນິກປົວແຂ້ວແຫ່ງໜຶ່ງໃນປະເທດຫວຽດນາມ ໂດຍມີສາເຫດຄື: ຄົນເຈັບແມ່ນໃຊ້ບໍລິການຢູ່ຄລິນິກດັ່ງກ່າວ,...

ຂໍສະແດງຄວາມຍ້ອງຍໍ-ຊົມເຊີຍຕໍ່ທ່ານທູດ ມໍລະກົດ ສີສະຫວັດ ທີ່ໄດ້ສໍາເລັດໜ້າທີ່ການທູດ ຢູ່ ສປປ ລາວ

ລັດຖະບານແຫ່ງ ສປປ ລາວ ມອບຫລຽນກາມິດຕະພາບໃຫ້ແກ່ ທ່ານ ນາງ ມໍລະກົດ ສີສະຫວັດ ເອກອັກຄະຣາຊະທູດແຫ່ງ ຣາຊະອານາຈັກໄທ ໃນຕອນບ່າຍວັນທີ 8 ກັນຍາ 2025 ຢູ່ກະຊວງການຕ່າງປະເທດ,...