ພົບວັດຖຸທາງການທະຫານໃນປ່າຂອງໂປແລນທີ່ຄາດວ່າແມ່ນລູກສອນໄຟຣັດເຊຍ

0
1246

ທາງການໂປແລນໄດ້ລາຍງານວ່າພົບວັດຖຸທາງການທະຫານ ທີ່ເປັນລູກສອນໄຟ KH-55 ຂອງຣັດເຊຍ ຢູ່ໃນປ່າຂອງປະເທດໂປແລນ.

ໂປແລນໄດ້ຮັບແຈ້ງເຕືອນກ່ຽວກັບ ອາດມີການຫົ່ວໄຫຼຂອງອາວຸດສົງຄາມໃນປະເທດເພື່ອນບ້ານກໍຄື ຢູເຄຣນ ໂດຍສະເພາະໃນເດືອນພະຈິກປີກາຍນີ້ມີຜູ້ເສຍຊີວິດ 2 ຄົນ ທີ່ຢູ່ໃກ້ຊາຍແດນ ໂດຍທາງການໂປແລນກ່າວວ່າເປັນລູກສອນໄຟປ້ອງກັນໄພທາງອາກາດຂອງຢູເຄຣນທີ່ຍິງຜິດພາດ.

ທາງການໂປແລນ ໄດ້ກ່າວໃນເດືອນເມສາທີ່ຜ່ານມານີ້ວ່າ ພົບວັດຖຸທາງການທະຫານໃນປ່າໃກ້ກັບຊາມອສ ທີ່ໃກ້ກັບທາງພາກເໜືອຂອງເມືອງບິສກັອສ ແຕ່ຍັງບໍ່ໄດ້ລາຍເງິນເພີ່ມເຕີມກ່ຽວກັບແຫຼ່ງທີ່ມາ.

ທາງດ້ານໄອຍະການກ່າວວ່າ ບໍ່ພົບຮ່ອງຮອຍຂອງການລະເບີດລູກສອນໄຟໃນບ່ອນເກີດເຫດ ໃນບໍລິເວນຊາຍແດນໂປແລນ-ຢູເຄຣນ ເບລາລຸສ ແລະ ຄາລິນິນກຣາດເຂດປົກຄອງຂອງຣັດເຊຍ.

ທັ້ງນີ້ ມີທັງສະຖານີວິທະຍຸ ແລະ ສະຖານີໂທລະທັດຂອງໂປແລນໄດ້ລາຍງານວ່າ  ວັດຖຸດັ່ງກ່າວແມ່ນລູກສອນໄຟຂອງຣັດເຊຍ.

ທີ່ມາ Reuters