Homeຂ່າວພາຍ​ໃນວາງຄາດໝາຍຈະສູ້ຊົນເພີ່ມຈໍານວນນາຍ ແລະ ພົນຕໍາຫຼວດ ເພດຍິງໃຫ້ຍົກລະດັບ

ວາງຄາດໝາຍຈະສູ້ຊົນເພີ່ມຈໍານວນນາຍ ແລະ ພົນຕໍາຫຼວດ ເພດຍິງໃຫ້ຍົກລະດັບ

Published on

ຄະນະກໍາມາທິການເພື່ອຄວາມ ກ້າວໜ້າຂອງແມ່ຍິງ ແລະ ແມ່-ເດັກ (ຄກມດ.ປກສ) ໄດ້ວາງ ຄາດໝາຍໃນສົກປີ 2024-2025 ໂດຍຈະສູ້ຊົນເພີ່ມຈໍານວນນາຍ ແລະ ພົນຕໍາຫຼວດ ເພດຍິງໃນກໍາລັງປ້ອງກັນຄວາມສະຫງົບໃຫ້ໄດ້ຮັບການຍົກລະດັບທິດສະດີການເມືອງ, ວິຊາສະເພາະຂະແໜງການຕ່າງໆຫຼາຍຂຶ້ນ ໂດຍການຫັນເອົາວຽກງານສົ່ງເສີມຄວາມກ້າໜ້າຂອງແມ່ຍິງ, ຄວາມສະເໝີພາບຍິງ-ຊາຍໃນກໍາລັງ ປກສ ເຊື່ອມເຂົ້າໃນແຜນການ, ແຜນງານຂອງຂະແໜງການ ແລະ ເຊື່ອມເຂົ້າໃນ ວຽກງານກໍ່ສ້າງພະນັກງານ ເພື່ອສ້າງເງື່ອນໄຂໃຫ້ນາຍ ແລະ ພົນຕຳຫຼວດ ເພດຍິງໄດ້ຮັບການຍົກລະດັບ ແລະ ຖືກບັນຈຸເຂົ້າໃນຕຳແໜ່ງຕັດສິນບັນຫາຂັ້ນຕ່າງໆຫຼາຍຂຶ້ນ.

ຄາດໝາຍດັ່ງກ່າວ ໄດ້ຍົກໃຫ້ເຫັນໃນກອງປະຊຸມສະຫຼຸບການຈັດຕັ້ງ ແລະ ການເຄື່ອໄຫວຂອງວຽກງານສົ່ງເສີມຄວາມກ້າວໜ້າຂອງແມ່ຍິງ ກະຊວງ ປກສ ໃນວັນທີ 10 ພຶດສະພາ 2023, ເປັນປະທານໂດຍ ພົຕ ວັນທອງກອງມະນີ ກໍາມະການສູນກາງພັກຮອງລັດຖະມົນຕີ ຫົວໜ້າກົມໃຫຍ່ການເມືອງ ປກສ ປະທານຄະນະກໍາມາທິການ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປກສ, ມີບັນດາສະຫາຍໃນ ຄກມດ.ປກສ, ພ້ອມດ້ວຍກົມກອງອ້ອມຂ້າງກະຊວງ ປກສ ເຂົ້າຮ່ວມ.

ພັອ ວິໄລຄໍາ ສີຊານົນ ຫົວໜ້າກົມນິຕິກໍາ ແລະ ກົດໝາຍ ຫ້ອງວ່າການກະຊວງ ປກສ ໄດ້ ຜ່ານບົດສະຫຼຸບການເຄື່ອນໄຫວ ວຽກງານສົ່ງເສີມຄວາມກ້າວໜ້າ ຂອງແມ່ຍິງ ແລະ ແມ່-ເດັກ ກະຊວງ ປກສ ສົກປີ 2022-2023 ໃຫ້ຮູ້ວ່າ: ສົກປີຜ່ານມາ, ກະຊວງ ປກສ ໄດ້ປັບປຸງ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ຂັ້ນກະຊວງ, ຫ້ອງວ່າການ, ກົມໃຫຍ່, ກົມ, ກອງບັນຊາການ, ວິທະຍາຄານເປັນແຕ່ລະໄລຍະ, ພ້ອມທັງປູກຈິດສຳນຶກ, ໂຄສະນາເຜີຍແຜ່, ການສ້າງຄວາມເຂັ້ມແຂງໃຫ້ແມ່ຍິງຕິດພັນກັບການປັບປຸງກົງຈັກການຈັດຕັ້ງຂັ້ນນໍາພາ-ບັນຊາຂັ້ນຕ່າງໆຢ່າງເໝາະສົມສາມາດຮັບປະກັນຄວາມສະເໝີພາບຍິງ-ຊາຍ; ອີງຕາມຂໍ້ມູນສະຖິຕິສົກປີ 2021-2022 ຂອງບັນດາກົມໃຫຍ່, ກົມ,ກອງບັນຊາການ ແລະ ວິທະຍາຄານ ທີ່ຂຶ້ນກັບກະຊວງ ປກສ ມີຄື: ແມ່ຍິງທີ່ຖືກບັນຈຸໃນຕໍາແໜ່ງ ຂັ້ນນໍາພາລາພັກ ປີ 2022 ລວມ ທັງຫມົດ 70 ສະຫາຍ ເທົ່າກັບ 9,92% ຂອງຈໍານວນນາຍ ແລະພົນຕໍາຫຼວດທັງໝົດ ທຽບໃສ່ປີ 2021 ຫຼຸດລົງ 7 ສະຫາຍ ເທົ່າກັບ 10%, ບັນຈຸເຂົ້າໃນຕໍາແໜ່ງຂັ້ນ ພາສາຍລັດ ມີ 604 ສະຫາຍເທົ່າກັບ 16,18% ທຽບໃສ່ປີ 2021 ເພີ່ມຂຶ້ນ 4 ສະຫາຍ ເທົ່າກັບ 0,66%, ຈໍານວນນາຍຕໍາ ຫຼວດເພດຍິງຍົກລະດັບທິດສະດີການເມືອງ ປີ 2022 ລວມ 11 ສະຫາຍ ເທົ່າກັບ 10,67% ທຽບໃສ່ປີ 2021 ເພີ່ມຂຶ້ນ 1 ສະຫາຍ ເທົ່າກັບ 10%, ຍົກລະດັບວິຊາສະເພາະ 134 ສະຫາຍ ເທົ່າກັບ 20,97% ທຽບໃສ່ປີ 2021 ເພີ່ມຂື້ນ 11 ສະຫາຍເທົ່າກັບ 8,20%, ນາຍ ແລະ ພົນຕໍາຫຼວດເພດຍິງ ໄດ້ຮັບການເລື່ອນຊັ້ນ II ຫາ ຊັ້ນ ພັນເອກ ໃນປີ 2022 ມີ 753 ສະຫາຍ ເທົ່າກັບ 30,01% ທຽບ ໃສ່ປີ 2021 ຫຼຸດລົງ 52 ສະຫາຍ ເທົ່າກັບ 6,90%, ໃນກອງປະຊຸມ ຍັງໄດ້ເຜີຍແຜ່ແຜນດໍາເນີນງານວຽກແມ່ ແລະ ເດັກ ກະຊວງປ້ອງກັນຄວາມສະຫງົບ 3 ປີ (2023-2025).

ທີ່ມາ ໜັງສືພິມ ປກສ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...