ວັນທີ 28 ເມສາ ເວລາ 16:40 ໂມງ ຍົນໂດຍສານລຸ້ນ 320 ຂອງບໍລິສັດສາຍການບິນລາວ ຫຼັງຈາກໄດ້ບິນກວ່າ 2 ຊົ່ວໄດ້ລົງຈອດຢູ່ສະໜາມບິນຮວງຮວາ ນະຄອນຊາງສາແຂວງຫູໜານ, ຊຶ່ງເຫດຫານດັ່ງກ່າວ ໄດ້ໝາຍເຖິງວ່າ ສາຍການບິນ ສາກົນນະຄອນຫຼວງວຽງຈັນ – ນະຄອນຊາງສາ ໄດ້ຟື້ນຟູການບໍລິການຢ່າງເປັນທາງການແລ້ວ.
ສາຍການບິນ ສາກົນນະຄອນຫຼວງວຽງຈັນ – ນະຄອນຊາງສາ ໄດ້ເປີດບໍລິການນໍາໃຊ້ຕັ້ງແຕ່ປີ 2015, ໄດ້ຢຸດເຊົາການບິນຍ້ອນການລະບາດຂອງພະຍາດໂຄວິດ-19. ສາຍການບິນດັ່ງກ່າວຫຼັງຈາກຟື້ນຟູການບໍລິການແລ້ວ ຈະມີການບິນໄປກັບໃນວັນຈັນ ແລະ ວັນສຸກ. ເວລາບິນຈາກນະຄອນຫຼວງວຽງຈັນຫາຊາງສາ ແມ່ນ 13:25 – 16:40 ແລະ ເວລາການບິນຈາກຊາງສາຫານະຄອນຫຼວງວຽງຈັນແມ່ນ 17:40 – 19:10 (ເວລາດັ່ງກ່າວລ້ວນແຕ່ເປັນເວລາຂອງທ້ອງຖິ່ນ, ຊຶ່ງເວລານະຄອນຫຼວງວຽງຈັນຈະຊ້າກວ່າເວລາຂອງຈີນ 1 ຊົ່ວໂມງ).
ໃນຊຸມປີມານີ້, ແຂວງຫູໜານ ແລະ ສປປ ລາວ ສືບຕໍ່ມີການພົວພັນ ແລະ ແລກປ່ຽນຢ່າງແໜັ້ນແຟ້ນ, ແຂວງຫູໜານ ກັບ ບັນດານະຄອນ ແລະ ກິ່ງແຂວງຂອງແຂວງຫູໜານໄດ້ຜູກສາຍສໍາພັນເປັນ ເມືອງມິດຕະພາບກັນ. ປີ 2017, ສປປ ລາວ ໄດ້ສ້າງຕັ້ງສະຖານກົງສຸນໃຫຍ່ທີ່ ນະຄອນສາງຊາ. ປີ 2019, ຖານຝຶກອົບຮົມດ້ານອາຊີວະສຶກສາ ຕ່າງກໍໄດ້ສ້າງຕັ້ງຂຶ້ນທີ່ ນະຄອນສາງຊາ ແລະ ນະຄອນຫຼວງວຽງຈັນ.
ທີ່ມາ ປະຊາຊົນ