Homeຂ່າວອຸບັດຕິເຫດສ່ຽງເກີດອຸບັດຕິເຫດ! ເສັ້ນທາງເລກທີ 13 ໃຕ້ ເຂດຫ້ວຍງູນ້ອຍ ຫາ ຫ້ວຍງູໃຫຍ່

ສ່ຽງເກີດອຸບັດຕິເຫດ! ເສັ້ນທາງເລກທີ 13 ໃຕ້ ເຂດຫ້ວຍງູນ້ອຍ ຫາ ຫ້ວຍງູໃຫຍ່

Published on

ຕາມການລາຍງານຂອງ ພັທ ແກ້ວມາລາ ແສງທອງ ຮອງຫົວໜ້າກົມຕໍາຫຼວດຈະລາຈອນ ກົມໃຫຍ່ຕຳຫຼວດ ໃຫ້ຮູ້ວ່າ: ຢູ່ເສັ້ນທາງເລກທີ 13 ໃຕ້ ເຂດຫ້ວຍງູນ້ອຍ ຫາ ຫ້ວຍງູໃຫຍ່ ແຂວງບໍລິຄໍາໃຊ ທາງພາກສ່ວນກ່ຽວຂ້ອງໄດ້ກໍານົດເປັນເຂດທີ່ມີຄວາມສ່ຽງສູງໃນການເກີດອຸບັດຕິເຫດ ເພາະເສັ້ນທາງດັ່ງກ່າວນັ້ນມີຄວາມຊື່ ແລະ ມີຄວາມຄົດໂຄ້ງເປັນບາງໄລຍະ ແລະ ເສັ້ນທາງດັ່ງກ່າວນີ້ກໍໄດ້ສໍາເລັດໃນການລົງໜ້າຢາງ ເຮັດໃຫ້ຜູ້ຂັບຂີ່ ຂັບຂີ່ໄວ ແລະ ຊິງຂຶ້ນໜ້າບໍ່ຮັບປະກັນ.

ເສັ້ນທາງເລກທີ 13 ໃຕ້ ເປັນເສັ້ນທາງທີ່ກຳລັງຍົກລະດັບ ແລະ ສ້ອມແປງໃໝ່, ບາງໄລຍະກໍປູຢາງສໍາເລັດ ແລະ ບາງໄລຍະກໍກໍາລັງເບີກໜ້າທາງ ເຊິ່ງການຫົດນໍ້າກໍບໍ່ພຽງພໍ ເນື່ອງຈາກວ່າອາກາດຮ້ອນ ເຮັດໃຫ້ມີຂີ້ຝຸ່ນໄງ່ ບາງຈຸດບໍ່ສາມາດແນມເຫັນໃນເວລາລົດສວນທາງມາ ເຊິ່ງມີຄວາມສ່ຽງຫຼາຍພາໃຫ້ເກີດອຸບັດຕິເຫດ; ແຕ່ເສັ້ນທາງທີ່ມັກເກີດອຸບັດຕິເຫດຢູ່ເສັ້ນທາງເລກທີ 13 ໃຕ້ແມ່ນກາຍຂົວປາກກະດິງ ແຂວງບໍລິຄໍາໃຊ ລົງໄປທາງໃຕ້ໜ້ອຍໜຶ່ງຢູ່ບໍລິເວນເຂດ ຫ້ວຍງູນ້ອຍ ຫາ ຫ້ວຍງູໃຫຍ່ ເພາະເສັ້ນທາງດັ່ງກ່າວນັ້ນມີຄວາມຊື່ ແລະ ມີຄວາມຄົດໂຄ້ງເປັນບາງໄລຍະ ແລະ ເສັ້ນທາງດັ່ງກ່າວນີ້ກໍໄດ້ສໍາເລັດໃນການລົງໜ້າຢາງແລ້ວ ແຕ່ຍັງບໍ່ທັນໄດ້ຕິດຕັ້ງປ້າຍ ແລະ ເສັ້ນໝາຍຂອບທາງ-ກາງທາງ ເຮັດໃຫ້ ມີຄວາມສ່ຽງສູງໃນການເກີດອຸບັດຕິເຫດ ພຽງມື້ດຽວເຂດດັ່ງກ່າວເກີດອຸບັດຕິເຫດ ເຖິງ 3 ຄັ້ງ ຍ້ອນຜູ້ຂັບຂີ່ຊິງຂຶ້ນໜ້າບໍ່ຮັບປະກັນ ແລະ ຂັບຂີ່ລົດໄວເກີນກໍານົດ.

ໃນວັນທີ 12 ເມສາ 2023 ເວລາ 7:50 ໂມງ ຢູ່ເສັ້ນທາງເລກທີ 13 ໃຕ້ ເຂດຫ້ວຍງູນ້ອຍ ຫາ ຫ້ວຍງູໃຫຍ່ ເກີດອຸບັດຕິເຫດລົດບັນທຸກຫົວລາກຂັບຂີ່ໂດຍຄົນສັນຊາດຫວຽດນາມ ປີ້ນລົງຂ້າງທາງ; ໃນວັນດຽວກັນ ເວລາ 10:30 ໂມງ ຢູ່ເສັ້ນທາງເຂດດັ່ງກ່າວເກີດອຸບັດຕິເຫດລົດໂຕໂຍຕ້າແລນກຸຍເຊີ ຂັບຂີ່ມາດ້ວຍຄວາມໄວຊິງຂຶ້ນໜ້າບໍ່ວິດມີລົດສວນທາງມາເຮັດໃຫ້ລົດເສຍຫຼັກປີ້ນລົງຂ້າງທາງ ແລະ ໃນວັນດຽວກັນ ເວລາ 23:00 ໂມງຂອງວັນດຽວກັນ ເກີດອຸບັດຕິເຫດລົດບັນທຸກເບຍ ຊິງຂຶ້ນໜ້າເຮັດໃຫ້ເກີດອຸບັດຕິເຫດພວງສະບັດປີ້ນລົງຂ່າງທາງ ໂຊກດີທີ່ຜູ້ຂັບ ແລະ ຜູ້ໂດຍສານບໍ່ເສຍຊີວິດ ຕໍ່ກັບອຸບັດຕິເຫດດັ່ງກ່າວເຮັດໃຫ້ເສັ້ນທາງເປັນອໍາມະພາດລົດຕິດຫຼາຍຊົ່ວໂມງ.

ສະນັ້ນ, ຂໍຮຽກຮ້ອງມາຍັງຜູ້ຂັບຂີ່ທີ່ຈະນໍາໃຊ້ເສັ້ນທາງດັ່ງກ່າວນີ້ ຄວນປະຕິບັດກົດລະບຽບຈະລາຈອນຢ່າງເຂັ້ມງວດ ເມື່ອຂັບຂີ່ມາຮອດຈຸດດັ່ງກ່າວນີ້ ຄວນຜ່ອນຄວາມໄວລົງ, ການຊິງຂຶ້ນໜ້າຕ້ອງມີຄວາມຮັບປະກັນ ຖ້າທາງບໍ່ຍາກໃຫ້ຕົວທ່ານເອງເກີດອຸບັດຕິເຫດຄືດັ່ງທີ່ກ່າວມາຄວນຄໍານິງ ແລະ ໃສ່ໃຈໃນການປະຕິບັດກົດລະບຽບຈະລາຈອນ ເພາະອຸບັດຕິເຫດຈະເກີດ ຫຼື ບໍ່ເກີດ ກໍຂຶ້ນກັບຕົວທ່ານເອງ, ໂດຍສະເພາະໄລຍະຫຼອງປີໃໝ່ລາວ ຜູ້ຂັບຂີ່ທີ່ເດີນທາງຜ່ານເສັ້ນທາງນີ້ຄວນລະມັດລະວັງເປັນພິເສດ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...