ອີລອນ ມາສ ປ່ຽນໂລໂກ້ Twitter ຈາກກນົກສີຟ້າ ທີ່ທຸກຄົນໄດ້ເຫັນ ແລະ ຊິນເຄີຍກັບໂລໂກ້ແບບນີ້ແລ້ວ ປ່ຽນມາເປັນ “ຊິບະອິນຸ” ເພື່ອຂັບເຄື່ອນຫຼຽນດິຈິຕອນ Dogecoin.
ໃນວັນຈັນ ທີ 3 ເມສາ 2023 ຕາມເວລາຂອງອາເມຣິກາ ຜູ້ໃຊ້ Twitter ໄດ້ສັງເຫດເຫັນການປ່ຽນແປງຂອງໂລໂກ້ Twitter ທີ່ປ່ຽນຈາກນົກສີຟ້າ ມາເປັນຮູບໝາຊິບະອິນຸ ທີ່ກ່ຽວຂ້ອງກັບຫຼຽນດິຈິຕອນ Dogecoin.
ການປ່ຽນໃນເທື່ອນີ້ ບໍ່ແມ່ນການກະທຳຂອງແຮັກເກີ ຫຼື ຄົນກໍ່ກວນແຕ່ຢ່າງໃດ ນີ້ເແມ່ນ ອີລອນ ມາສ ທີ່ເປັນເຈົ້າຂອງຄົນໃໝ່ ເຊິ່ງທາງລາວຍັງບໍ່ມີຄຳອະທິບາຍ ຫຼື ເຫດຜົນສຳລັບການປ່ຽນໂລໂກ້ໃນຄັ້ງນີ້.
Dogecoin ແມ່ນໜຶ່ງໃນກຸ່ມເງິນດິຈິຕອນ ຖືກສ້າງໃນວັນທີ 6 ທັນວາ 2013 ໂດຍມີວັດຖຸປະສົງເພື່ອເຮັດເປັນຫຼຽນມີມ ຫຼື ເປັນແຕ່ຫຼຽນຕະຫຼົກ ໂດຍກຳເນີດມາຈາກມີມ ໝາຊິບະ ທີ່ໄດ້ຮັບຄວາມນິຍົມໃນຫຼາຍປີກ່ອນ.
ທີ່ມາ theguardian