ສານໄດ້ເປີດເຜີຍຂໍ້ຫາ ໂດນັລ ທຣັມ ຖືກກ່າວຫາກ່ຽວກັບການປອມແປງບັນທຶກການເຮັດທຸລະກິດເພື່ອປິດການກະທຳຜິດ ເພື່ອເຊື່ອງຂໍ້ມູນທີ່ອາດສ້າງຄວາມເສຍຫາຍຕໍ່ການເລືອກຕັ້ງຂອງທຣັມ.
ໃນວັນທີ 4 ເມສາ 2023 ອັລວິນ ແບຣກ ໄອຍະການເມືອງແມນຮັດຕັນ ຈັດງານຖະແຫຼງຂ່າວ ລາຍລະອຽດກ່ຽວກັບຂໍ້ກ່າວຫາຂອງ ໂດນັລ ທຣັມ ອະດີດປະທານາທິບໍດີສະຫະລັດ ເຊິ່ງທີ່ຫາກໍຂຶ້ນສານ ເພື່ອຮັບຟັງຂໍ້ກ່າວຫາຢ່າງເປັນທາງການ ນອກນີ້ ສຳນັກງານໄອຍະການ ຍັງໄດ້ເຜີຍແຜ່ຖະແຫຼງການກ່ຽວກັບເອກະສານຟ້ອງຕໍ່ສານອີກດ້ວຍ.
ຕາມເອກະສານຟ້ອງ ຂໍ້ກ່າວຫາຫຼັກຂອງ ທຣັມ ຄືການກ່າວຫາວ່າ ໄດ້ປອມແປງບັນທຶກການເຮັດທຸລະກິດໃນທາງສໍ້ໂກງຫຼາຍຄັ້ງ ເພື່ອປົກປິດການເຮັດຜິດເພື່ອເຊື່ອງຂໍ້ມູນທີ່ອາດສ້າງຄວາມເສຍຫາຍຕໍ່ການລົງຄະແນນສຽງຂອງປະຊາຊົນລະຫວ່າງການເລືອກຕັ້ງປະທານາທິບໍດີປີ 2016.
ເອກະສານລະບຸວ່າ ທຣັມ ກັບຄະນະຂອງລາວ ໃຊ້ຂັ້ນຕອນຕ່າງໆເພື່ອ ຈ່າຍເງິນປົກປິດຢ່າງບໍ່ຖືກຕ້ອງ ເພື່ອເຫດຜົນທາງດ້ານພາສີ.
ທັ້ງນີ້ ຄະດີຂອງທຣັມລະບຸເຖິງ ການຈ່າຍເງິນໃຫ້ 3 ຄົນ ແຕ່ໜຶ່ງໃນນັ້ນແມ່ນ ການຈ່າຍເງິນໃຫ້ ນາງ ສະຕໍມີ ແດນຽວ ອະດີດນັກສະແດງໜັງສຳລັບຜູ້ໃຫຍ່ ທີ່ຖືກຈ້າງໃຫ້ປິດກ່ຽວກັບຄວາມສຳພັນອັນເລິກເຊິ່ງກັບທຣັມ.
ໄອຍະການນິວຢອກ ລະບຸເຖິງ ເທັບອັດສຽງ ທີ່ຖືກເຜີຍແຜ່ໃນລາຍການ Access Hollywood ລະຫວ່າງການຫາສຽງເລືອກຕັ້ງໃນປີ 2016 ມີສຽງຂອງທຣັມ ກ່າວວ່າ: ລາວສາມາດຈັບອະໄວຍະເພດຍິງໄດ້.
ແຫຼ່ງຂ່າວ BBC