spot_img
Homeຂ່າວພາຍ​ໃນລາວ-ຈີນ (ຢູນນານ) ຮ່ວມກັນລົງນາມຮ່ວມມືດ້ານເສດຖະກິດ-ການຄ້າ

ລາວ-ຈີນ (ຢູນນານ) ຮ່ວມກັນລົງນາມຮ່ວມມືດ້ານເສດຖະກິດ-ການຄ້າ

Published on

ລາວ-ຈີນ ຮ່ວມມືດ້ານເສດຖະກິດການຄ້າ ຄື ດ້ານການລົງທຶນ ດ້ານພະລັງງານໄຟຟ້າ ເຕັກໂນໂລຊີ ການກະສິກຳ ແລະ ອື່ນໆ.

May be an image of 16 people and people standing

ວັນທີ 29 ມີນາ 2023 ຄະນະກໍາມະການຮ່ວມມືລາວ-ຈີນ ແລະພະແນກການຄ້າແຂວງຢູນນານຈີນ ໄດ້ຈັດພິທີເຊັນເອກະສານການຮ່ວມມືດ້ານເສດຖະກິດການຄ້າລະຫວ່າງ ສປປ ລາວ ກັບແຂວງຢູນນານ ສປ ຈີນ ທີ່ນະຄອນຫຼວງວຽງຈັນ, ຝ່າຍລາວຕາງໜ້າໂດຍ ທ່ານນາງ ພັນຈິນດາ ເລັ່ງສະຫວັດ ຫົວໜ້າຫ້ອງການ ຄະນະກໍາມະການຮ່ວມມືລາວ-ຈີນ, ທ່ານ ບຸນເດດ ສຸດທະວີໄຊ ຫົວໜ້າກົມແຜນການ ແລະ ການຮ່ວມມື ກະຊວງກະສິກໍາ ແລະ ປ່າໄມ້, ທ່ານ ນາງ ບົວວອນ ສຸກລາແສງ ຫົວໜ້າພະແນກແຜນການ ແລະ ການລົງທຶນນະຄອນຫຼວງວຽງຈັນ ເຊິ່ງໄດ້ລົງນາມຮ່ວມມືກັບທ່ານ ຫຼີ່ເສີນຢາງ ຫົວໜ້າພະແນກການຄ້າແຂວງຢູນນານ, ບັນດາກຸ່ມບໍລິສັດກໍ່ສ້າງລົງທຶນແຂວງຢູນນານ, ກຸ່ມບໍລິສັດຢູນນານນົງເຂິນ, ກຸ່ມບໍລິສັດພັດທະນາກະສິກໍາຢູນນານຈໍາກັດ ສປ ຈີນ.

May be an image of 2 people and people standing

ນອກນັ້ນ, ຍັງມີການລົງນາມຮ່ວມມືລະຫວ່າງວິສາຫະກິດກັບວິສາຫະກິດເຊັ່ນ ບໍລິສັດຮ່ວມມືລົງທຶນລາວ-ຈີນຈໍາກັດ, ກຸ່ມບໍລິສັດລົງທຶນດ້ານພະລັງງານແຂວງຢູນນານ, ທະນາຄານລາວ-ຈີນ, ບໍລິສັດຮ່ວມທຶນເຕັກໂນໂລຊີລາວ ນິວເພ (NEWPAY), ລັດວິສາຫະກິດໄຟຟ້າລາວ, ບໍລິສັດມະນີພັດທະນາກະສິກໍາຈໍາກັດ ແລະ ບໍລິສັດທີ່ກ່ຽວຂ້ອງຕາມລໍາດັບ, ໂດຍມີທ່ານ ໄຊຊະນະ ສິດທິພອນ ຮອງປະທານຜູ້ປະຈໍາການຄະນະກໍາມະການຮ່ວມມືລາວ-ຈີນ, ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ, ທ່ານ ຈ້າວເຫວິນ ຢູ໋ ທີ່ປຶກສາເສດຖະກິດ ແລະການຄ້າສະຖານທູດ ສປ ຈີນ ປະຈຳ ສປປ ລາວ ເຂົ້າຮ່ວມເປັນສັກຂີພິຍານ.

May be an image of 4 people and people standing

ໃນພິທີຄັ້ງນີ້, ສອງຝ່າຍລາວ-ຈີນໄດ້ລົງນາມໂຄງການຮ່ວມມື 9 ໂຄງການ ເຊິ່ງຕິດພັນກັບ ໂຄງການຊ່ວຍເຫຼືອກໍ່ສ້າງພື້ນຖານໂຄງລ່າງ, ການພັດທະນາທາງດ້ານກະສິກໍາ, ການພັດທະນາດ້ານພະລັງງານໃໝ່, ການຄ້າ E-commerce ຂ້າມແດນ, ການເຝິກອົບຮົມດ້ານເຕັກນິກວິຊາສະເພາະ, ການແລກປ່ຽນດ້ານວັດທະນະທໍາ ແລະຂົງເຂດວຽກງານອື່ນໆ ເຊິ່ງການຮ່ວມມືດ້ານເສດຖະກິດການຄ້າ ລາວ-ຈີນ (ຢູນນານ) ໃນຄັ້ງນີ້ແມ່ນເປັນການຜັນຂະຫຍາຍການຈດັ ຕັ້ງປະຕິບັດຕົວຈິງອັນສໍາຄັນຂອງ “ຄູ່ຮ່ວມຊະຕາກໍາ ລາວ-ຈີນ” ທີ່ການນໍາສອງປະເທດລາວ-ຈີນ ເຫັນດີເປັນເອກະພາບຮ່ວມກັນ, ພ້ອມທັງເປັນການຊ່ວຍຍົກລະດັບການຮ່ວມມືດ້ານເສດຖະກິດ-ການຄ້າ ຂອງສອງຝ່າຍໃຫ້ມີຄວາມຕໍ່ເນື່ອງ, ເພື່ອເສີມຂະຫຍາຍສາຍພົວພັນມິດຕະພາບການຮ່ວມມືລາວ-ຈີນ, ໂດຍສະເພາະແມ່ນ ສປປ ລາວກັບແຂວງຢູນນານ ສປ ຈີນ ໃຫ້ເຂົ້າສູ່ລວງເລິກໄປຕື່ມອີກບາດກ້າວໜຶ່ງ.

May be an image of 4 people and people standing

May be an image of 4 people and people standing

ທີ່ມາ CRI

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...