ຣັດເຊຍປະກາດ ກຽມຕິດຕັ້ງອາວຸດນິວເຄຼຍໃນປະເທດເບລາລຸສ ພາຍຫຼັງທີ່ບັນລຸຂໍ້ຕົກລົງຮ່ວມກັນສຳເລັດ.
ໃນວັນທີ 25 ມີນາ 2023 ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ໄດ້ປະກາດວ່າ ຣັດເຊຍຈະປະຈຳການອາວຸດນິວເຄຼຍ ໃນດິນແດນຂອງເບລາລຸສ ເຊິ່ງເປັນປະເທດທີ່ຕິດກັບຣັດເຊຍ ແລະ ມີຄວາມສຳພັນກັນຢ່າງຮັດແໜ້ນ.
ປູຕິນ ໄດ້ເປີດເຜີຍວ່າ ຣັດເຊຍຈະສ້າງໂຮງເກັບອາວຸດນິວເຄຼຍໃນເບລາລຸສ ໃຫ້ສຳເລັດພາຍໃນວັນທີ 1 ເດືອນກໍລະກົດ ແຕ່ບໍ່ມີການໃຫ້ລັດຖະບານເບລະລຸວຄວບຄຸມ.
ທັ້ງນີ້ ການນຳເອົາອາວຸດນິວເຄຼຍໄປປະຈຳການທີ່ເບລາລຸສຄັ້ງນີ້ ຖືເປັນຄັ້ງທຳອິດຕັ້ງແຕ່ ກາງທົດສະວັດທີ 1990 ທີ່ຣັດເຊຍໄດ້ເອົາອາວຸດໄປໄວ້ນອກປະເທດຂອງຕົນ.
ສຳລັບອາວຸດນິວເຄຼຍນີ້ ເປັນອາວຸດນິວເຄຼຍທີ່ໄດ້ຮັບການອອກແບບໃຊ້ສະເພາະໃນສະໜາມຮົບ ເຊິ່ງບໍ່ແມ່ນອາວຸດນິວເຄຼຍທີ່ໃຊ້ເພື່ອການທຳລາຍເມືອງເປັນວົງກວ້າງ ໂດຍໃນຂະນະນີ້ຍັງບໍ່ຮູ້ຢ່າງຊັດເຈນວ່າຣັດເຊຍມີອາວຸດນິວເຄຼຍຫຼາຍປານໃດ.
ທີ່ມາ Reuters