spot_img
Homeຂ່າວພາຍ​ໃນປກສ ແຂວງຫົວພັນ ປະກາດຍົກຂັ້ນເງິນເດືອນ-ເລື່ອນຊັ້ນໃຫ້ນາຍຕຳຫຼວດ

ປກສ ແຂວງຫົວພັນ ປະກາດຍົກຂັ້ນເງິນເດືອນ-ເລື່ອນຊັ້ນໃຫ້ນາຍຕຳຫຼວດ

Published on

ໃນວັນທີ 9 ມີນາ 2023 ກອງບັນຊາການ ປກສ ແຂວງຫົວພັນ ໄດ້ປະກາດຍົກຂັ້ນເງິນເດືອນ ແລະ ເລື່ອນຊັ້ນ ໃຫ້ນາຍຕຳຫຼວດຜູ້ທີ່ມີຜົນງານ ໃນການເຮັດວຽກງານມີຜົນສຳເລັດ ແລະ ຄົບມາດຖານເງື່ອນໄຂໃນການເລື່ອນຊັ້ນ ທີ່ກຳນົດໄວ້ໃນກົດໝາຍ ວ່າດ້ວຍ ກໍາລັງປ້ອງກັນຄວາມສະຫງົບ , ເປັນປະທານ ແລະ ປະດັບຊັ້ນໂດຍ ພັອ ເພັດສອນ ອີນສຸພັນ ຫົວໜ້າກອງບັນຊາການ ປກສ ແຂວງ, ມີຄະນະຫ້ອງ, ກອງພັນ, ພະແນກ ຕະຫຼອດຮອດນາຍ ແລະ ພົນ ຕໍາຫຼວດ ເຂົ້າຮ່ວມ.

ພັທ ຊາຍພອນ ຍົດທະວີໄຊ ຮອງຫົວໜ້າຫ້ອງການເມືອງ ຜ່ານຂໍ້ຕົກລົງ ວ່າດ້ວຍ ການຍົກຂັ້ນເງິນເດືອນໃຫ້ນາຍຕໍາຫຼວດ. ໃນນີ້, ຍົກຂັ້ນເງິນເດືອນໃຫ້ຜູ້ທີ່ມີຜົນງານ ແຕ່ບໍ່ມີເງື່ອນໄຂເລື່ອນຊັ້ນ ຕາມກຳນົດເປັນ ພັອ 5 ສະຫາຍ ຄື:

  1. ພັທ ຄຳເຫຼັກ ຈັນສຸລິ ຫົວໜ້າຫ້ອງການເມືອງ
  2. ພັທ ທອນມີ ແກ້ວຈີນດາ ຫົວໜ້າກອງບັນຊາການ ປກສ ເມືອງວຽງໄຊ
  3. ພັທ ວົງພັນ ແກ້ວເພັງຄຳ ຫົວໜ້າກອງບັນຊາການ ປກສ ເມືອງຊຳເໜືອ
  4. ພັທ ຄຳຫຼ້າ ສຸດທິດາ ຫົວໜ້າກອງບັນຊາການ ປກສ ເມືອງຊ່ອນ
  5. ພັທ ເພັດແສງ ແພງມີໄຊ ຫົວໜ້າຫ້ອງພະລາທິການ ປກສ

ນອກນັ້ນກໍຍັງໄດ້ເລື່ອນຊັ້ນຮ້ອຍໂທ ຂຶ້ນ ຮ້ອຍເອກ 83 ສະຫາຍ, ຮ້ອຍເອກ ຂຶ້ນ ພັນຕີ 47 ສະຫາຍ ແລະ ພັນຕີ ຂຶ້ນ ພັນໂທ 15 ສະຫາຍ.

ພັອ ເພັດສອນ ອີນສຸພັນ ກໍໄດ້ເນັ້ນໃຫ້ຜູ້ທີ່ໄດ້ຮັບການເລື່ອນຊັ້ນ ສືບຕໍ່ປະຕິບັດລະບອບແບບແຜນວິທີເຮັດວຽກ ໃຫ້ມີຄວາມພົ້ນເດັ່ນ ແລະ ປະຕິບັດໜ້າທີ່ວຽກງານຕາມທີ່ໄດ້ຮັບການມອບໝາຍ, ມີຄວາມເປັນແບບຢ່າງນຳໜ້າໃນທຸກວຽກງານ, ມີຄວາມສາມັກຄີພາຍໃນ ແລະ ພາຍນອກໃຫ້ກວ້າງຂວາງ, ມີຄວາມດຸໝັ່ນຂະຍັນພຽນ, ມີຄວາມກ້າຄິດ, ກ້າຮັບຜິດຊອບ, ເອົາໃຈໃສ່ຍົກສູງດ້ານການເມືອງ-ແນວຄິດໃຫ້ໜັກແໜ້ນ, ຕີຖອຍທຸກບັນຫາທີ່ເປັນປະກົດການຫຍໍ້ທໍ້ຕໍ່ຕົນເອງ ແລະ ການຈັດຕັ້ງ ເພື່ອສ້າງຕົນເອງໃຫ້ກາຍເປັນຜູ້ບັນຊາທີ່ມີຄວາມຮູ້-ຄວາມສາມາດ ເຮັດໃຫ້ວຽກງານມີການເຕີບໃຫຍ່ຂະຫຍາຍຕົວ ແລະ ມີຜົນສຳເລັດເປັນກ້າວໆ.

ແຫຼ່ງຂ່າວ ຄວາມສະຫງົບ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...