spot_img
Homeຂ່າວພາຍ​ໃນລາວ-ອົດສະຕຣາລີ ສືບຕໍ່ຮ່ວມມືພັດທະນາຊັບພະຍາກອນມະນຸດ

ລາວ-ອົດສະຕຣາລີ ສືບຕໍ່ຮ່ວມມືພັດທະນາຊັບພະຍາກອນມະນຸດ

Published on

ຄະນະ​ກຳມະການ​ຄຸ້ມ​ຄອງ​ໂຄງການ ​ແລະ ການ​ຊີ້​ນຳ ​ໄລຍະ​ທີ 3 ຂອງ​ສະ​ຖາ​ບັນ​​ລາວ-ອົດ​ສະ​ຕຣາ​ລີ ​ໄດ້​ຈັດ​ກອງ​ປະຊຸມ​ຄັ້ງ​ທຳ​ອິດ​ໃນ​ອາທິດ​ແລ້ວ​ນີ້.

​ທ່ານ ກິ່ງ​ມາ​ໂນ ພົມມະຫາ​ໄຊ ຮອງ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ ​ແລະ ທ່ານ ແດນ ເຮວເດິນ ຮອງ​ເອກ​ອັກຄະ​ລັດຖະທູດ​ອົດ​ສະຕຣາລີ ​ເປັນ​ຄະນະ​ບໍລິຫານ​ງານ​ທີ່​ສຳຄັນ​ຂອງສະຖາບັນລາວ-ອົດ​ສະ​ຕຣາ​ລີ ເຊິ່ງເປັນ​ໂຄງການ​ພັດທະນາ​ຊັບພະຍາກອນ​ມະນຸດ​ຂອງ​ອົສຕຣາລີ​ປະຈຳ​ລາວ ກອງ​ປະຊຸມ​ໄດ້​ສຸມ​ໃສ່​ການ​ລົງທຶນ​ຂອງ​ອົດ​ສະ​ຕຣາ​ລີ​ ໃນ​ການ​ພັດທະນາ​ຊັບພະຍາກອນ​ມະນຸດ​ຢູ່​ລາວ ​ແລະ ບັນດາ​ຂົງ​ເຂດ.

ໃນໄລຍະ 4 ປີທີ່ຜ່ານມາ, ອົດສະຕຣາລີ ມອບເງິນ 22 ລ້ານ ໂດລາສະຫະລັດ ໂດຍຜ່ານສະຖາບັນລາວ-ອົດສະຕຣາລີ ເພື່ອສະໜັບສະໜູນ ລັດຖະບານລາວ ໃນການພັດທະນາ ຊັບພະຍາກອນມະນຸດ ໃນນີ້ປະກອບມີມອບທຶນການສຶກສາ, ຫຼັກສູດການຝຶກອົບຮົມໄລຍະສັ້ນ, ຄໍາແນະນໍາດ້ານວິຊາການ, ຄໍາແນະນໍາດ້ານການພັດທະນານະໂຍບາຍ, ແລະ ການສະໜັບສະໜູນສໍາລັບອົງການຈັດຕັ້ງຂອງລັດຖະບານ, ລວມທັງການສະໜອງໂອກາດ ສໍາລັບການມີສ່ວນພົວພັນທາງດ້ານຍຸດທະສາດ ແລະ ພາກພື້ນ.

ໃນຫຼັກສູດການຝຶກອົບຮົມໄລຍະສັ້ນ ຫົວຂໍ້ “ພາວະຄວາມເປັນຜູ້ນໍາໃນການບໍລິຫານວຽກງານລັດ” ໄດ້ເລີ່ມຂື້ນແລ້ວ ໂດຍມີຈຸດປະສົງ ເພື່ອສ້າງຂີດຄວາມສາມາດ ແລະ ພາວະຄວາມເປັນຜູ້ນໍາໃຫ້ແກ່ ພະນັກງານແຖວໜ້າ ທີ່ກຽມເປັນຜູ້ນຳໃນອະນາຄົດ ແລະ ເພື່ອຮັດແໜ້ນສາຍພົວພັນລະຫວ່າງ ອົດສະຕຣາລີ ແລະ ອີກ 5 ປະເທດ ໃນເຂດລຸ່ມແມ່ນໍ້າຂອງ.

ໂດຍມີຈຳນວນ 20 ທ່ານ ຈາກ ປະເທດຫວຽວດນາມ ແລະ ປະເທດລາວ ເຂົ້າສູ່ຫຼັກສູດຝຶກອົບຮົມນີ້. ຜູ້ເຂົ້າຮ່ວມ ຈະມີໂອກາດ ຮຽນຮູ້ ບົດຮຽນຕົວຈິງໃນການນຳໃຊ້ທັກສະຄວາມເປັນຜູ້ນຳ, ການບໍລິຫານວຽກງານຂອງພາກລັດ ຢູ່ປະເທດອົດສະຕຣາລີ. ນອກນັ້ນ, ຜູ້ເຂົ້າຮ່ວມທັງໝົດ ຈະໄດ້ໄປຝຶກອົບຮົມອີກ 11 ວັນ ຢູ່ປະເທດ ອົດສະຕຣາລີ ເຊິ່ງ ມະຫາວິທະຍາໄລເຕັກໂນໂລຊີ Queensland ຈະເປັນຜູ້ຈັດ ການຝຶກອົບຮົມ.

ສະຖາບັນ ລາວ-ອົດສະຕຣາລີ ແມ່ນການຮ່ວມມືລະຫວ່າງລັດຖະບານອົດສະຕຣາລີ ແລະ ລາວ ທີ່ສ້າງຂຶ້ນເພື່ອຊ່ວຍໃຫ້ລາວແກ້ໄຂດ້ານການພັດທະນາຊັບພະຍາກອນມະນຸດທີ່ສຳຄັນທີ່ສຸດໃນໄລຍະ 4 ປີຕໍ່ໜ້າ.

ແຫຼ່ງຂ່າວ The Laotian Times, ສະຖານທູດອົດສະຕຣາລີ

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໃນລະຫວ່າງວັນທີ 20-25 ມັງກອນ 2026

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 20 ມັງກອນ 2026 ຢູ່ຫໍປະຊຸມແຫ່ງຊາດ ນະຄອນ ຫລວງຮ່າໂນ້ຍ ແລະ ຈະດໍາເນີນໄປຈົນຮອດ ວັນທີ...

ຈາກ Land-Locked ສູ່ Land-Linked! “ບຼູດອດ” ເປີດວິໄສທັດ, ປູພົມເຊື່ອມຕໍ່ການເດີນທາງ 100 ສະຖານີທົ່ວລາວ ສ້າງທາງດ່ວນສີຂຽວ “Border to Border”

ໃນໄລຍະເດືອນ ພະຈິກ 2025 ການເປີດໂຕສະຖານີໃຫຍ່ທີ່ຈຸດພັກລົດເຊໂນ ເປັນພຽງຈຸດເລີ່ມຕົ້ນຂອງພາລະກິດອັນຍິ່ງໃຫຍ່! ມື້ນີ້ "ບຼູດອດ (BlueDot)" ປະກາດວິໄສທັດທີ່ຈະປ່ຽນໂສມໜ້າການເດີນທາງ ແລະ ການຂົນສົ່ງຂອງ ສປປ ລາວ ໄປຕະຫຼອດການ. ຈາກປັດຈຸບັນທີ່ຄວບຄຸມແລ້ວ 50 ກວ່າສະຖານີ ແລະ ມີຈຳນວນຫົວສາກຫຼາຍທີ່ສຸດໃນລາວ, ບຼູດອດ...

ເງິນເດືອນທະຫານໃນປີ 2026 ກະຊວງປ້ອງກັນປະເທດແຈ້ງການ ກ່ຽວກັບຈັດຕັ້ງປະຕິບັດເງິນເດືອນຂອງນາຍ ແລະ ພົນທະຫານຢູ່ກອງທັບປະຊາຊົນລາວ

ອີງຕາມແຈ້ງການກ່ຽວກັບການຈັດຕັ້ງປະຕິບັດເງິນເດືອນຂອງນາຍ ແລະ ພົນທະຫານ ຢູ່ກອງທັບປະຊາຊົນລາວ ຂອງກະຊວງປ້ອງກັນປະເທດ ເລກທີ 134/ກປທ. ນະຄອນຫຼວງວຽງຈັນ, ວັນທີ 16/01/26 ເພື່ອຮັບປະກັນໃນການຈັດຕັ້ງປະຕິບັດເງິນເດືອນ ຂອງນາຍ ແລະ ພົນທະຫານໃຫ້ມີຄວາມເປັນເອກະພາບໃນທົ່ວກອງທັບ....

ປົກປັກຮັກສາມໍລະດົກວັດທະນະທຳ ການສະແດງຟ້ອນ ພະລັກ-ພະລາມ ໂດຍກະຊວງວັດທະນະທຳ ແລະ ການທ່ອງທ່ຽວ ຮ່ວມກັບ ສະຖານເອກອັກຄະລັດຖະທູດ ອິນເດຍ ປະຈໍາລາວ

ພິທີລົງນາມເອກະສານວ່າດ້ວຍການຈັດຕັ້ງປະຕິບັດໂຄງການ ປົກປັກຮັກສາການສະແດງຟ້ອນ ພະລັກ-ພະລາມ ແລະ ການພັດທະນາບຸກຄະລາກອນຮຸ່ນສືບທອດຂອງວິທະຍາໄລສິລະປະແຫ່ງຊາດ ໄດ້ຈັດຂື້ນໃນວັນທີ 19 ມັງກອນ 2026 ທີ່ກະຊວງວັດທະນະທຳ ແລະ ການທ່ອງທ່ຽວ. ໂດຍການລົງນາມຂອງ ທ່ານ ວັນສີ...