ປະສົບການລູກຊາຍດື່ມນ້ຳກະທ່ອມປະສົມຢາດີໄອ 2 ປີ ບໍ່ດື່ມນ້ຳ ເກີດລຳໄສ້ອຸດຕັນຖືກຜ່າຕັດດ່ວນ.
ໄດ້ມີຜູ້ເລົ່າປະສົມການທີ່ປະເທດໄທ ໂພສເຖິງຜົນກະທົບຈາກການທີ່ລູກຊາຍດື່ມນ້ຳໃບກະທ່ອມຫຼາຍກວ່າ 2 ປີ ເຊິ່ງລູກຊາຍນັ້ນອາຍຸ 25 ປີ ໃນຕູ້ເຢັນກໍມີນ້ຳໃບກະທ່ອມ ແລະ ນ້ຳອັດລົມ ບໍ່ມີນ້ຳລ້າໆ ແຕ່ມາຮູ້ພາຍຫຼັງວ່ານ້ຳໃບກະທ່ອມມີຢາດີໄອປະສົມຢູ່ ເຊິ່ງຮ້ານແຄມທາງຈະມີການລີ້ຂາຍທັ້ງທີ່ເປັນສິ່ງຜິດກົດໝາຍ ແຕ່ຍັງບໍ່ມີການສະກັດກັ້ນ.
ຜູ້ໂພສໄດ້ເລົ່າໄວ້ວ່າ: ລູກໄດ້ດື່ມນ້ຳໃບກະທ່ອມ ໂດຍບໍ່ດື່ມນ້ຳ ແລ້ວນ້ຳໃບກະທ່່ອມນັ້ນປະສົມຢາດີໄອອີກ ຈາກການທີ່ໄປຫາໝໍພົບວ່າ ຢາດີໄອມີສານເຄມີເຄືອບກະເພາະ ລຳໄສ້ ແລະ ຫຼອດລົມ ຄົນທີ່ບໍ່ສະບາຍເມື່ອມີອາການດີຂຶ້ນກໍຢຸດໃຊ້ຢາດີໄອ ແຕ່ຄົນທີ່ນຳເອົາຢາດີໄອມາປະສົມກັບນ້ຳໃບກະທ່ອມ ເມື່ອດື່ມຕິດຕໍ່ກັນໄປດົນໆ ເຮັດໃຫ້ລຳໄສ້ອຸດຕັນ ກາຍເປັນຜັງຜືດ ກິນເຂົ້າແລ້ວອີ່ມໄວ ຖ່າຍໜັກຍາກ.
ຮ່າງກາຍຈາກທີ່ເຄີຍສົມບູນ ກໍຈ່ອຍລົງ ຜິວດຳຄ້ຳຄືຄົນເປັນພະຍາດ ການສະແດງອາການເລີ່ມຖ່າຍໜັກຍາກຂຶ້ນ ຖ້າຂັບຖ່າຍກໍຈະມີກິ່ນເໝັນແຮງຈົນຄົນອື່ນເຂົ້າຫ້ອງນ້ຳຕໍ່ບໍ່ໄດ້ ກິນອາຫານແລ້ວຮາກ ເຈັບທ້ອງ.
ທີ່ຜ່ານມາເຄີຍໄປໂຮງໝໍ 2 ຄັ້ງ ແຕ່ບໍ່ສາມາດຮູ້ສາເຫດໄດ້ ຈົນມາຮອດໂຮງໝໍສຸດທ້າຍ ຈຶ່ງຮູ້ວ່າລຳໄສ້ອຸດຕັນ ແຕ່ເພື່ອຈະມາຮອດໂຮງໝໍສຸດທ້າຍກໍມີອາການໜັກແລ້ວ ເລີຍຕ້ອງໄດ້ຜ່າຕັດຢ່າງໄວວາ ເພາະຖ້າຊ້າກວ່ານີ້ອາການອາດຮຸນແຮງເຖິງຂັ້ນເສຍຊີວິດ.
ແລະເມື່ອຜ່າຕັດແລ້ວກໍຈະມີອາການເມື່ອຍບໍ່ມີແຮງ ບໍ່ສາມາດໃຊ້ຊີວິດເປັນປົກກະຕິໄດ້ຄືເກົ່າ ແຕ່ໂຊກດີທີ່ລູກຊາຍບໍ່ມີອາການໜັກ.
ໃນຂະນະດຽວກັນໝໍກໍເຕືອນວ່າອາດມີຄວາມສ່ຽງເປັນມະເຮັງລຳໄສ້ໄດ້.
ທ່ານໝໍກໍຝາກມາຕື່ມອີກວ່າ ຫຼາຄອຍຄົວກໍໄດ້ຮັບຜົນກະທົບຈາກນ້ຳໃບກະທ່ອມປະສົມຢາດີໄອ ຢາກໃຊ້ໄວລຸ້ນທີ່ກຳລັງໃຊ້ຢູ່ ຄວນໃຊ້ໃນປະລິມານທີ່ເໝາະສົມ ແລະ ບໍ່ປະສົມຢາດີໄອ.
ແຫຼ່ງຂ່າວ Thairath