ກັກລົດ 4 ຄັນທີ່ນຳເຂົ້າແບບຜິດກົດໝາຍ.
ບໍ່ເທົ່າໃດມື້ທີ່ຜ່ານມາ ໄດ້ມີພິທີມອບ-ຮັບພາຫະນະລົດໃຫຍ່ ຢູ່ດ່ານສາກົນຂົວມິດຕະພາບນໍ້າເຫືອງ ເມືອງແກ່ນທ້າວ ລະຫວ່າງແຂວງໄຊຍະບູລີ ສປປ ລາວ ກັບ ຈັງຫວັດອຸດ ຕະລະດິດ ຣາຊະອານາຈັກໄທ ຈໍານວນ 4 ຄັນຄື: ລົດຍີ່ຫໍ້ ໂຕໂຍຕ້າ ວີໂກ້ (TOYOTA VIGO) ສະມາດແຄັບ ປະເພດກະບະ ສີປອນເງິນ 1 ຄັນ, ລົດຍີ່ຫໍ້ ໂຕໂຍຕ້າ ຣີໂວ (TOYOTA REVO) ສະມາດແຄັບ ປະເພດ ກະບະ ສີຂາວ 1 ຄັນ, ລົດຍີ່ຫໍ້ ໂຕໂຍຕ້າ ວີໂກ້ (TOYOTA VIGO) ປະເພດກະບະ 4 ປະຕູ ສີດໍາ 1 ຄັນ ແລະ ລົດຍີ່ຫໍ້ ອີຊູຊຸ (IZUZU) ປະເພດກະບະ 4 ປະຕູ ສີຂາວ 1 ຄັນ.
ເຊິ່ງເປັນລົດດັ່ງກ່າວ ທີ່ກຸ່ມຄົນບໍ່ດີໄດ້ລັກລອບນໍາເຂົ້າ ສປປ ລາວ ບໍ່ຖືກຕ້ອງຕາມກົດໝາຍ ເຊິ່ງຕາງໜ້າມອບໂດຍ ທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ ແລະ ແລະ ຮັບໂດຍ ທ່ານ ສາມາດ ອິນທະປັນຍາ ນາຍອໍາເພີບ້ານໂຄກ ຈັງຫວັດອຸດ ຕະລະດິດ ໂດຍມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມເປັນສັກຂີພິຍານ.