ພາຍຫຼັງທີ່ໄດ້ມີເຫດການເດັກນ້ອຍລັກເຂົ້າໜົມ ແລ້ວຖືກມັດກັບລົດຈັກທີ່ບ້ານພູຫົວຊ້າງ ເມືອງອານຸວົງ ແຂວງໄຊສົມບູນ ໃນວັນທີ 6 ມີນາ 2023 ສັງຄົມອອນລາຍກໍຕ່າງເຂົ້າມາຊ່ວຍເຫຼືອ ເດັກນ້ອຍ ແລະ ຄອຍຄົວ ດ້ວຍການບໍລິຈາກເງິນຈຳນວນຫຼາຍ ແລະ ເຂົ້າໜົມໃຫ້ກັບເດັກ.
ຕໍ່ມາໃນວັນທີ 11 ມີນາ 2023 ກໍໄດ້ມີເຫດການຜູ້ໃຫຍ່ລັກເຂົ້າໜົມ ທີ່ຕະຫຼາດຫຼັກ20 ເມືອງຄຳເກີດ ແຂວງບໍລິຄຳໄຊ ແຕ່ໜີບໍ່ລອດ ຖືກເຈົ້າຂອງເຂົ້າໜົມຈັບມັດຕິດກັບເສົາປ້າຍ ໂດຍຜູ້ໂພສວິດີໂອຜູ້ໃຫຍ່ລັກເຂົ້າໜົມນັ້ນໄດ້ໂພສວ່າ: “ໂອຍ ຫຼ້າສຸດ ຄົນໃຫ່ຍລັກເຂົ້າໜົມເອວເຊ່ບາດນີ້, CEO ທັງຫລາຍວ່າຈັ່ງໃດງານນີ້ ເຈ້ວຽງພັກຜ່ອນໄດ້”.
ພາຍຫຼັງທີ່ເຫດການດັ່ງກ່າວໄດ້ເກີດຂຶ້ນສັງຄົມອອນລາຍຕັ້ງຄຳຖາມວ່າ “ນີ້ແມ່ນການຮຽນແບບ ເພື່ອຮຽກຮ້ອງການຊ່ວຍເຫຼືອຈາກສັງຄົມ ຫຼື ບໍ່”.
ແລະກໍມີບາງຄົນໄດ້ໃຫ້ຄຳເຫັນວ່າ ນີ້ເປັນສົ່ງເສີມແນວທີ່ຜິດໆ ຜູ້ໃຫ່ຍກໍເຮັດຕາມເພື່ອຫວັງໄດ້ເງີນຊ່ວຍເຫຼືອຄືເດັກນ້ອຍຄົນດັ່ງກ່າວ.
ນອກນີ້ກໍຍັງມີອີກຫຼາຍໆຄຳເຫັນ ທີ່ສະແດງໃນແນວທາງດຽວກັນນີ້.