spot_img
Homeຂ່າວການພັດທະນາKatalyst Partners ກຽມຈັດງານຮຽນຮູ້ການຕະຫຼາດແບບເຈາະເລິກໃນ ສປປ ລາວເພື່ອສົ່ງເສີມຄວາມເຂັ້ມແຂງໃຫ້ທຸລະກິດຂະໜາດກາງ ແລະ ຂະໜາດນ້ອຍ ໃນວັນທີ 25 ມີນາ 2023

Katalyst Partners ກຽມຈັດງານຮຽນຮູ້ການຕະຫຼາດແບບເຈາະເລິກໃນ ສປປ ລາວເພື່ອສົ່ງເສີມຄວາມເຂັ້ມແຂງໃຫ້ທຸລະກິດຂະໜາດກາງ ແລະ ຂະໜາດນ້ອຍ ໃນວັນທີ 25 ມີນາ 2023

Published on

Katalyst Partners ແລະ Bearketing ໄດ້ຮ່ວມມືກັນຈັດງານ Katalyst Marketing Mastery 2023 ເຊິ່ງເປັນງານການຕະຫຼາດໜຶ່ງມື້ໃນວັນທີ 25 ມີນາ 2023 ທີ່ໂຮງແຮມ Crowne Plaza ນະຄອນຫຼວງວຽງຈັນເພື່ອສົ່ງເສີມການເຕີບໃຫຍ່ຂອງທຸລະກິດຂະໜາດກາງ ແລະ ນ້ອຍ. 

ເນື່ອງຈາກວ່າ ທຸລະກິດຂະໜາດກາງ ແລະ ນ້ອຍເປັນແຮງຂັບເຄື່ອນຫຼັກໃນການພັດທະນາເສດຖະກິດຂອງປະເທດ ດັ່ງນັ່ນ, ການສົ່ງເສີມໃຫ້ພວກເຂົາເຕີບໃຫຍ່ຈຶ່ງເປັນການສົ່ງເສີມເສດຖະກິດໃນ ສປປ ລາວໃຫ້ເຕີບໃຫຍ່ໄປດ້ວຍ. 

ຈາກຄຳຮ້ອງຂໍຂອງສິດເກົ່າ Katalyst Business Mastery(KBM) ຫຼາຍທ່ານ, ງານ KMM ເປັນງານການຕະຫຼາດທີ່ຖືກອອກແບບພິເສດເຊິ່ງເນັ້ນໃສ່ໜຶ່ງໃນພາກສ່ວນທີ່ສຳຄັນທີ່ສຸດຂອງທຸລະກິດ ເຊິ່ງກໍຄື ການຕະຫຼາດ. ເປັນງານການຕະຫຼາດແບບເຈາະເລິກທີ່ຮວບຮວມເອົາຜູ້ຊ່ຽວຊານດ້ານການຕະຫຼາດ ແລະ ຜູ້ປະກອບໃນ ສປປ ລາວ ມາໃຫ້ຄວາມຮູ້ ແລະ ຝຶກອົບຮົມແບບປະຕິບັດຕົວຈິງທີ່ເນັ້ນການສ່ວນຮ່ວມເພື່ອໃຫ້ທຸລະກິດຂະໜາດກາງ-ນ້ອຍ (SMEs) ໄດ້ຮັບທັກສະທີ່ຈຳເປັນເພື່ອພິຊິດຕະຫຼາດໃນປີ 2023

Katalyst Marketing Mastery ຈະນຳຜູ້ຊ່ຽວຊານດ້ານການຕະຫຼາດມາຮວມຕົວກັນເພື່ອແບ່ງປັນປະສົບການ ແລະ ການຝຶກອົບຮົມເນັ້ນປະຕິບັດ, ເຊັ່ນດຽວກັນກັບການມອບໂອກາດໃນການສ້າງເຄືອຂ່າຍແບບພິເສດໃຫ້ຜູ້ຮ່ວມທີ່ຖືປີ້ Diamond ແລະ Gold ທັນທີຫຼັງຈົບງານ.

ຜູ້ເຂົ້າຮ່ວມຈະໄດ້:​

  • ຮຽນຮູ້ບັນດາຍຸດທະສາດທີ່ນຳໃຊ້ໄດ້ຈິງ, ວິທີການ ແລະ ເຄື່ອງມືຕ່າງໆທີ່ພວກເຂົາສາມາດນຳໃຊ້ເພື່ອສ້າງການມີສ່ວນຮ່ວມກັບລູກຄ້າຫຼາຍຂຶ້ນ  ແລະ ກະຕຸ້ນຍອດຂາຍໄດ້ໃນທັນທີ
  • ຮຽນຮູ້ຈາກຜູ້ຊ່ຽວຊານດ້ານການຕະຫຼາດອັນດັບຕົ້ນໆຂອງປະເທດລາວ ແລະ ໄດ້ເຮັດບົດຝຶກຫັດ ພ້ອມທັງໂອ້ລົມແລກປ່ຽນຄວາມຮູ້ທີ່ເຂົາສາມາດນຳເອົາສິ່ງທີ່ໄດ້ຍິນໄປປະຕິບັດຕົວຈິງໄດ້ 
  • ສ້າງແຜນປະຕິບັດງານເພື່ອໃຫ້ໄດ້ຜົນຮັບທາງການຕະຫຼາດທີ່ດີກວ່າ ແລະ ທົດສອບຮ່ວມກັບມິດສະຫາຍ.
  • ສ້າງເຄືອຂ່າຍ ແລະ ສ້າງສາຍສຳພັນກັບມິດສະຫາຍທີ່ຈະຊ່ວຍໃຫ້ພວກເຂົາຂັບເຄື່ອນທຸລະກິດໄປໜ້າໃນທຸກໆເສດຖະກິດ.​

ທ່ານແກ້ວວິສຸກ ດາລາສານ, ຜູ້ຮ່ວມກໍ່ຕັ້ງຂອງ Katalyst Partners ກ່າວວ່າ “Katalyst Marketing Mastery ຈະບໍ່ພຽງແຕ່ເປັນງານອົບຮົມທຳມະດາແຕ່ເປັນການຝຶກອົບຮົມທີ່ເນັ້ນການປະຕິບັດຕົວຈິງທີ່ມີແບບຝຶກຫັດຈາກຜູ້ຊ່ຽວຊານທີ່ຜູ້ເຂົ້າຮ່ວມສາມາດນໍາໃຊ້ກັບທຸລະກິດຂອງພວກເຂົາ”

Katalyst Marketing Mastery ຕັ້ງເປົ້າຈຳນວນຜູ້ເຂົ້າຮ່ວມໄວ້ 120 ຄົນ ໃນນັ້ນປະກອບມີເຈົ້າຂອງທຸລະກິດຂະໜາດກາງ-ນ້ອຍ, ນັກການຕະຫຼາດ, ແລະ ທີມງານຂອງພວກເຂົາເພື່ອພາທຸລະກິດຂອງພວກເຂົາເຕີບໃຫຍ່ຂຶ້ນໄປອີກລະດັບບໍ່ວ່າຈະຂາຍສິນຄ້າ ຫຼື ການບໍລິການປະເພດໃດກໍຕາມ. 

ຂໍຂອບໃຈເປັນພິເສດເຖິງຜູ້ສະໜັບສະໜູນງານຂອງພວກເຮົາ – Foodpanda, ປະກັນໄພ APA ແລະ ທະນາຄານພັດທະນາລາວ (LDB)

ສຶກສາຂໍ້ມູນເພີ່ມເຕີມກ່ຽວກັບ KMM 2023 ໄດ້ທີ່:​ facebook.com/katalystpartners 

ລົງທະບຽນເຂົ້າຮ່ວມງານໄດ້ທີ່: bit.ly/KMM2023 ຫຼື ຕິດຕໍ່ເບີ: +856 20 5530 9319.

ສຳລັບຜູ້ທີ່ສົນໃຈຢາກສະໜັບສະໜູນງານ,  ສາມາດຕິດຕໍ່ໄດ້ທີ່: info@katalyst-partners.com

ກ່ຽວກັບ Katalyst Partners: 

ບໍລິສັດ Katalyst Partners ໄດ້ຖືກສ້າງຕັ້ງຂຶ້ນໃນປີ 2019 ເພື່ອນຳເອົາການຝຶກອົບຮົມ ແລະ ການ Coaching ທີ່ໄດ້ມາດຕະຖານສາກົນມາສູ່ ສປປ ລາວ. ຕັ້ງແຕ່ນັ້ນມາ, Katalyst ໄດ້ສະໜອງປະສົບການການຮຽນຮູ້ທີ່ມີການໂຕ້ຕອບ ແລະ ມີສ່ວນຮ່ວມສູງໃຫ້ກັບອົງກອນທຸກຂະໜາດ, ພະນັກງານ, ແລະ ຜູ້ທີ່ສົນໃຈທີ່ຈະເອົາທັກສະຂອງເຂົາເຈົ້າໄປສູ່ລະດັບຕໍ່ໄປທີ່ເປັນພາສາລາວ ແລະ ພາສາອັງກິດ ໃນຫຼາກຫຼາຍຮູບແບບ. Katalyst ສະຫນອງການຝຶກອົບຮົມສົດ, webinars, ກິດຈະກໍາການຮຽນຮູ້, ການຝຶກອົບຮົມອອນລາຍຜ່ານແພລດຟອມການຮຽນຮູ້ຂອງ Katalyst, ການ coaching, ການດຳເນີນ ແລະ ອຳນວຍຄວາມສະດວກໃຫ້ກອງປະຊຸມ, ການສ້າງທີມສຳພັນ (Team building) ແລະ ການພັກຜ່ອນ (Retreat), ງານກອງປະຊຸມຝຶກອົບຮົມທີ່ສໍາຄັນ ແລະ ໂປຣແກຣມທີ່ກຳນົດເອງໄດ້. 

 

ບົດຄວາມຫຼ້າສຸດ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມມາເປັນເວລາ 2 ປີ. ສຳນັກຂ່າວໄທລາຍງານວ່າ: ເມື່ອວັນທີ 20 ກຸມພາ 2025 ມີການລາຍງານຈາກໜ່ວຍກູ້ໄພຕຳບົນດອນບົນ...

ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ

ນາຍົກລັດຖະມົນຕີ ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ. ໃນວັນທີ 20 ກຸມພາ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ...

ສະຫຼົດ ອຸບັດຕິເຫດລົດໄຟ ຕຳຝູງຊ້າງປ່າທີ່ສີລັງກາ ເສຍຊີວິດ 6 ໂຕ

ອຸບັດຕິເຫດລົດໄຟ ຕຳຝູງຊ້າງປ່າທີ່ສີລັງກາ ເສຍຊີວິດ 6 ໂຕ ອີງຕາມສຳນັກຂ່າວ TNN ລາຍງານໃນວັນທີ 20 ກຸມພາ 2025, ເກີດອຸບັດຕິເຫດລົດໄຟໂດຍສານໃນສີລັງກາຕົກລາງ ໃນຊ່ວງເຊົ້າມືດ (20 ກຸມພາ)...

ດວງປະຈຳວັນທີ 21 ກຸມພາ 2025

ດວງປະຈຳວັນທີ 21 ກຸມພາ 2025 - ຄົນເກີດວັນຈັນ: ວຽກທີ່ຄ້າງຄາຈະໄດ້ຮັບຄວາມຄືບໜ້າຫຼາຍຂຶ້ນ, ລົງທຶນຢູ່ໃນເກນດີ, ຄົນໂສດລະວັງປັນຫາຈາກຄົນລົມ ຄົນມີຄູ່ຄົນເກົ່າຈະເຂົ້າມາສ້າງປັນຫາ, ລະວັງໄມເກນ - ຄົນເກີດວັນຄານ: ວຽກງານລົ້ນມື ເຄຍວຽກຫົວໝຸນ, ເງິນຄ່ອງມື...