Homeຂ່າວພາຍ​ໃນປກສ ແຂວງໄຊສົມບູນ ດຳເນີນຄະດີຕໍ່ເຈົ້າຂອງຮ້ານທີ່ມັດເດັກຕິດກັບລົດຈັກ

ປກສ ແຂວງໄຊສົມບູນ ດຳເນີນຄະດີຕໍ່ເຈົ້າຂອງຮ້ານທີ່ມັດເດັກຕິດກັບລົດຈັກ

Published on

ຈາກເຫດການທີ່ບ້ານ​ພູ​ຫົວ​ຊ້າງ​ ເມືອງ​ອານຸ​ວົງ​ ແຂວງໄຊສົມບູນ ເດັກນ້ອຍຖືກມັດຕິດກັບລົດຈັກຍ້ອນລັກເຂົ້າໜົມ ໃນວັນທີ 6 ມີນາ 2023 ຈົນເຮັດໃຫ້ສື່ສັງຄົມອອນລາຍ ພ້ອມກັບປະຊາຊົນໃກ້ຄຽງ ມີສຽງວິພາກວິຈານຕໍ່ຜູ້ທີ່ກະທຳວ່າມັນບໍ່ເໝາະສົມ ແລະ ເປັນການກະທຳທີ່ຮຸນແຮງຕໍ່ເດັກນ້ອຍເກີນໄປ ທັງເປັນການກະທຳຜິດຕໍ່ສິດທິເດັກ ແລະ ຂັດຕໍ່ລະບຽບກົດໝາຍ.

ໃນວັນທີ 8 ມີນາ 2023 ເຈົ້າໜ້າທີ່ຕຳຫຼວດ ປກສ ແຂວງໄຊສົມບູນ ໃຫ້ຮູ້ວ່າ: ພາຍຫຼັງທີ່ເຈົ້າໜ້າທີ່ໄດ້ຮັບແຈ້ງຄວາມຈາກຍາດຜູ້ປົກຄອງໃນຄັ້ງວັນທີ 6 ເດືອນມີນາ 2023 ເວລາປະມານ 15:30 ໂມງ ເຈົ້າໜ້າທີ່ຈຶ່ງໄດ້ແຕ່ງໜ້າໜ່ວຍງານວິຊາສະເພາະກວດກາຕົວຈິງ ຈຶ່ງຮູ້ວ່າມີມູນຄວາມຈິງແທ້ ສະນັ້ນ ເຈົ້າໜ້າທີ່ຈຶ່ງໄດ້ນຳຕົວຜູ້ກໍ່ເຫດກໍຄື ເຈົ້າຂອງຮ້ານມາທຳການສືບສວນສອບສວນ ຫາສາເຫດຂອງການກະທຳຜິດໃນຄັ້ງນີ້.

ສາເຫດນັ້ນກໍຄື ຍ້ອນເດັກຄົນດັ່ງກ່າວໄດ້ເຂົ້າມາເອົາເຂົ້າໜົມເຄື່ອງດື່ມຈຳນວນໜຶ່ງຂອງທາງຮ້ານ ເຈົ້າຂອງຮ້ານໄດ້ພົບເຫັນ ພ້ອມຈັບຕົວເດັກມັດຕິດກັບລົດຈັກ ເຊິ່ງມັນເປັນການກະທຳຜິດເກີນຂອບເຂດ ເພື່ອປົກປ້ອງເດັກທີ່ຖືກໃຊ້ຄວາມຮຸນແຮງໃນສັງຄົມໃຫ້ໜ້ອຍລົງ ເຈົ້າໜ້າທີ່ຈຶ່ງໄດ້ທຳການສືບສວນສອບສວນ ຈັດຕັ້ງປະຕິບັດໃຫ້ຄວາມຍຸດຕິທຳຕໍ່ເດັກ ແລະ ດຳເນີນຄະດີຕໍ່ເຈົ້າຂອງຮ້ານ ຕາມຂະບວນຍຸດຕິທຳຂອງກົດໝາຍ.

ເຈົ້າໜ້າທີ່ໄດ້ກ່າວຕື່ມອີກວ່າ: ຂໍໃຫ້ສັງຄົມມີຄວາມເຂົ້າໃຈຕໍ່ກັບການປະຕິບັດໜ້າທີ່ ຂັ້ນຕອນການດຳເນີນການສັ່ງຊາຂໍ້ມູນຫຼັກຖານ ໃຫ້ຮອບດ້ານຖືກຕ້ອງຕໍ່ໍ່ຫຼັກການວິຊາສະເພາະ ແລະ ໃຫ້ຄວາມຍຸດຕິທຳທັງ 2 ຝ່າຍ.

ທາງດ້ານເຈົ້າຂອງຮ້ານກໍໄດ້ອອກມາຂໍໂທດຕໍ່ກັບເດັກ ແລະ ສັງຄົມວ່າ: ກ່ອນໜ້ານີ້ມີເດັກນ້ອຍມາລັກເຄື່ອງຫຼາຍຄັ້ງ ແຕ່ຈັບໄວ້ບໍ່ທັນ ພໍມາຮອດວັນທີ 6 ມີນາ ຈຶ່ງໄດ້ຕິດຕາມ ໄດ້ເຫັນເດັກນ້ອຍເຂົ້າມາລັກເຄື່ອງ 3 ຄັ້ງ ແລະ ຈັບເດັກນ້ອຍ ພ້ອມກັບຖາມເຖິງຊື່ພໍ່ແມ່ ເຮືອນຢູ່ໃສ ແຕ່ເດັກນ້ອຍຄົນດັ່ງກ່າວກໍບໍ່ຕອບ ຍ້ອນຄວາມໃຈຮ້ອນຂາດສະຕິຈຶ່ງໄດ້ຈັບເດັກມາຕິດກັບລົດຈັກ.

ທ້າຍນີ້ເຈົ້າຂອງຮ້ານໄດ້ກ່າວອີກວ່າ: ຮູ້ສຶກຜິດ ເສຍໃຈກັບການກະທຳທີ່ໄດ້ກະທຳຕໍ່ເດັກນ້ອຍຄົນດັ່ງກ່າວ ພ້ອມຈະຮັບຜິດຊອບຕໍ່ເດັກນ້ອຍໃຫ້ເພິງພໍໃຈກັນທັງສອງຝ່າຍ ແລະ ຂໍໃຫ້ສັງຄົມຢຸດໂຈມຕີຄອບຄົວຂອງຕົນ ເພາະຄອບຄົວບໍ່ໄດ້ມີຄວາມຜິດນຳ ແລະ ຂໍໃຫ້ສັງຄົມໃຫ້ອາໄພ ໃຫ້ໂອກາດແກ່ຕົນ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...