ແມ່ອາຍຸ 51 ປີ ຖືກໄຟໄໝ້ຈົນເສຍຊີວິດຄາຕຽງນອນ ລູກຍ່າງກາຍຫ້ອງຈຶ່ງຮູ້ວ່າໄຟໄໝ້.
ວັນທີ 6 ມີນາ 2023 ທີ່ແຂວງບຸລີລຳ ປະເທດໄທ ເກີດເຫດໄຟໄໝ້ຄົນເສຍຊີວິດໃນຫ້ອງນອນ ພາຍໃນເຮືອນຫຼັງໜຶ່ງ ຈາກການກວດສອບໃນຫ້ອງນອນ ພົບວ່າຜູ້ເສຍຊີວິດແມ່ນເພດຍິງ ຊື່ນາງ ປາລິຊາດ ອາຍຸ 51 ປີ ເສຍຊີວິດຢູ່ເທິງຕຽງນອນໃນສະພາບໄຟໄໝ້ດຳເກືອບໝົດ ລວມເຖິງເຄື່ອງພາຍໃນຫ້ອງນອນ ແຕ່ໄຟຍັງບໍ່ໄດ້ລາມໄປດ້ານນອກເນື່ອງຈາກມີປະຊາຊົນມາຊ່ວຍມອດໄຟໄວ້ກ່ອນ.
ລູກຊາຍຂອງຜູ້ເສຍຊີວິດໄດ້ເລົ່າວ່າ: ຕົນໄດ້ຕື່ນເພື່ອຈະໄປເຂົ້າຫ້ອງນ້ຳ ພໍເຂົ້າຫ້ອງນ້ຳແລ້ວກໍຍ່າງກັບມາຫ້ອງ ເມື່ອຜ່ານໜ້າຫ້ອງແມ່ຈຶ່ງຮູ້ສຶກວ່າຮ້ອນຜິດປົກກະຕິ ແລ້ວເປີດປະຕູເບິ່ງ ກໍພົບຄວັນໄຟເຕັມຫ້ອງ ຈຶ່ງຮີບໄປບອກແມ່ຕູ້ເພື່ອເອີ້ນໃຫ້ຄົນແຖວນັ້ນຊ່ວຍມອດໄຟ.
ສາເຫດໄຟໄໝ້ນີ້ອາດຈະເປັນອຸບັດຕິເຫດຈາກຢາສູບ ເພາະຜູ້ເສຍຊີວິດ ເປັນຄົນມັກດື່ມເຫຼົ້າ ແລະ ສູບຢາ ຜູ້ເສຍຊີວິດອາດອາດມີອາການເມົາແລ້ວສູບຢາໃນຫ້ອງ ແຕ່ຫຼັບກ່ອນທີ່ຈະມອດໄຟຢາສູບ ຈຶ່ງເກີດເຫດໄຟໄໝ້ຂຶ້ນ.
ແຫຼ່ງຂ່າວ sanook