ຈາກເຫດການທີ່ບ້ານພູຫົວຊ້າງ ເມືອງອານຸວົງ ແຂວງໄຊສົມບູນ ເດັກນ້ອຍຖືກມັດຕິດກັບລົດຈັກໃນວັນທີ 6 ມີນາ 2023 ຈົນເຮັດໃຫ້ສື່ສັງຄົມອອນລາຍ ພ້ອມກັບປະຊາຊົນໃກ້ຄຽງ ມີສຽງວິພາກວິຈານຕໍ່ຜູ້ທີ່ກະທຳວ່າມັນບໍ່ເໝາະສົມ ແລະ ເປັນການກະທຳທີ່ຮຸນແຮງຕໍ່ເດັກນ້ອຍເກີນໄປ.
ຈາກນັ້ນ ກໍໄດ້ມີຫຼາຍຄົນ ທີ່ຮັບຮູ້ເຫດການ ພ້ອມພຽງກັນເຂົ້າມາຊ່ວຍເຫຼືອ ດ້ວຍການມອບທຶນການສຶກສາ ແລະ ມອບເງິນຊ່ວຍເຫຼືອຈຳນວນໜຶ່ງໃຫ້ແກ່ເດັກ ແລະ ຄອບຄົວຂອງເດັກນ້ອຍ.
ໃນວັນທີ 7 ມີນາ ໄດ້ມີຜູ້ໃຊ້ບັນຊີເຟສບຸກຊື່ Lsv Pharasouvanno ຜູ້ອຳນວຍການ ວິທະຍາໄລສອນພິທັກລາວ ໄດ້ໃຫ້ການຊວ່ຍເຫຼືອກໍຄື ມອບທຶນການສືກສາແກ່ ເດັກນ້ອຍທີ່ຖືກມັດ ເມື່ອຈົບຊັ້ນມໍປາຍ ໃຫ້ລາວໄດ້ເລືອກຮຽນໄດ້ຟຣີຕະຫຼອດ 3ປີ ໃນ 3 ສາຂາ ຄື ສາຂາພັດທະນາໂປຣແກຼມເມີ ສາຂາການເງີນການກວດສອບບັນຊີ ແລະ ສາຂາພາສາອັງກິດທຸລະກິດ.
ຕໍ່ເຫດການທີ່ເກີດຂຶ້ນເຮັດໃຫ້ຮູ້ໄດ້ວ່າ ສັງຄົມລາວມີນ້ຳໃຈ ແລະ ພ້ອມທີ່ຈະຊ່ວຍເຫຼືອຜູ້ທີ່ປະສົບໄພ ຫຼື ຜູ້ທີ່ເດືອດຮ້ອນຢູ່ສະເໝີ.