ໃນວັນທີ 24 ພະຈິກນີ້ ກອງປະຊຸມລະຫວ່າງບັນດາຜູ້ຕາງໜ້າລັດຖະບານ ແລະ ອົງການຈັດຕັ້ງທີ່ບໍ່ສັງກັດລັດຖະບານ
ປະເທດສະມາຊິກອາຊຽນ, ໄດ້ປຶກສາຫາລື ແລະ ທົບທວນກ່ຽວກັບການຈັດຕັ້ງປະຕິບັດວຽກງານສະຫວັດດີການ-ສັງຄົມ
ແລະ ການພັດທະນາແບບຍືນຍົງຂຶ້ນ ຢູ່ນະຄອນຫລວງວຽງຈັນ, ເພື່ອແລກປ່ຽນບົດ ຮຽນ ແລະ ຂໍ້ສະເໜີກ່ຽວກັບວຽກ
ງານຄົນພິການ, ວຽກງານຜູ້ສູງອາຍຸ, ເດັກນ້ອຍ ແລະ ຄອບຄົວ ເພື່ອຊອກໃຫ້ເຫັນບັນຫາ ແລະ ຮ່ວມກັນແກ້ໄຂເຮັດ
ໃຫ້ວຽກງານດັ່ງກ່າວໄດ້ຮັບການຈັດຕັ້ງປະຕິບັດໄດ້ຢ່າງຖືກຕ້ອງ ແລະ ມີປະສິດທິພາບສູງ, ໂດຍການເປັນປະ ທານຂອງ
ທ່ານ ໂຈມແຍງ ແພງທອງສະຫວັດ ຮອງຫົວໜ້າກົມແຜນການ ແລະ ການຮ່ວມມືກະ ຊວງແຮງງານ ແລະ ສະຫວັດດີ
ການສັງຄົມ ທັງເປັນຫົວໜ້າເຈົ້າໜ້າທີ່ອາວຸໂສສະຫວັດດີການ- ສັງຄົມ ແລະ ການພັດທະນາອາຊຽນຂອງລາວ, ທ່ານ
ນາງ ນິນປະເສີດ ໄຊຍະພອນສີ ຮອງຫົວໜ້າກົມພັດທະນາແມ່ຍິງລາວ, ສູນກາງສະຫະພັນແມ່ຍິງລາວ, ບັນດາຜູ້ຕາງ
ໜ້າລັດຖະບານ ແລະ ອົງການຈັດຕັ້ງທີ່ບໍ່ສັງກັດລັດຖະບານໃນປະເທດສະມາຊິກອາຊຽນເຂົ້າຮ່ວມ.
ທ່ານ ໂຈມແຍງ ແພງທອງສະຫວັດ ກ່າວວ່າ: ກອງປະຊຸມຄັ້ງນີ້ຈະເປີດໂອກາດໃຫ້ຜູ້ຕາງໜ້າລັດຖະບານ ແລະ ອົງການ
ຈັດຕັ້ງທີ່ບໍ່ສັງກັດລັດຖະບານປຶກສາຫາລືທົບທວນຄືນ ບັນດາກິດຈະກຳຕ່າງໆເຊັ່ນ: ວຽກງານຄົນພິການ, ເດັກນ້ອຍ,
ຜູ້ສູງອາຍຸ ແລະ ຄອບຄົວທີ່ຈັດຕັ້ງປະຕິບັດໃນໄລຍະໜຶ່ງປີຜ່ານມາທີ່ຕົກລົງກັນໃນກອງປະຊຸມເຈົ້າໜ້າທີ່ ອາວຸໂສສະ
ຫວັດດີການ- ສັງຄົມ ແລະ ການພັດທະນາອາຊຽນຄັ້ງທີ 9 ທີ່ຊຽມລຽບ, ປະເທດກຳປູເຈຍ, ນອກນັ້ນຍັງຈະໄດ້ປຶກສາຫາ
ລື ແລະ ວາງແຜນການບໍລິການສະຫວັດດີການ-ສັງຄົມ ແລະ ການພັດທະນາແບບຍືນຍົງໃນອາຊຽນຫລັງຈາກປີ 2015
ເພື່ອຈະນຳສະເໜີຕໍ່ກອງປະຊຸມເຈົ້າໜ້າທີ່ອາວຸໂສສະຫວັດດີການ-ສັງຄົມ ແລະ ການພັດທະນາອາຊຽນຄັ້ງທີ 10 ເພື່ອ
ຮັບຮອງ ແລະ ນຳໄປຈັດຕັ້ງປະຕິບັດໃຫ້ມີປະສິດທິພາບ, ເຊິ່ງກອງປະຊຸມດັ່ງກ່າວ ຈະມີຂຶ້ນໃນວັນທີ 25 ພະຈິກນີ້ຢູ່, ນະ
ຄອນຫລວງວຽງຈັນ.
ແຫລ່ງຂ່າວ: ລາວພັດທະນາ