ເຮືອບິນໂດຍສານຂະໜາດນ້ອຍໃນອາເມຣິກາ ຕົກຂຸມອາກາດຮຸນແຮງລະຫວ່າງເດີນທາງ ເຮັດໃຫ້ມີຜູ້ເສຍຊີວິດ 1 ຄົນ ແລະ ນັກບິນຕ້ອງປ່ຽນເສັ້ນທາງເພື່ອນຳເຮືອບິນລົງຈອດສຸກເສີນ.
ໃນວັນທີ 5 ມີນາ 2023 ສຳນັກງານບໍລິຫານການບິນກາງຂອງສະຫະລັດອາເມຣິກາ (FAA) ໄດ້ກ່າວວ່າ ເກີດເຫດເຮືອບິນເຈັດໂດຍສານຂະໜາດນ້ອຍ ຮຸ້ນ Bombardier CL300 ຂອງເອກະຊົນ ປະເຊີນກັບກະແສອາກາດປັ່ນປ່ວນຮຸນແຮງ ຫຼື ຂຸມອາກາດ ລະຫວ່າງເດີນທາງໄປສະໜາມບິນລີເບີກ ໃນລັດເວີຈິເນຍ ເຮັດໃຫ້ມີຜູ້ເສຍຊີວິດ 1 ຄົນ ແລະ ເຮືອບິນຕ້ອງລົງຈອດສຸກເສີນລະຫວ່າງທາງ.
ທາງດ້ານເຈົ້າໜ້າທີ່ກຳລັງສືບສວນ ສອບສວນ ວ່າເຫດການທີ່ເກີດຂຶ້ນ ໂດຍເຈົ້າໜ້າທີ່ສືບສວນອຸປະກອນບັນທຶກສຽງໃນຫ້ອງນັກບິນກັບອຸປະກອນບັນທຶກຂໍ້ມູນການບິນໄປກວດສອບແລ້ວ ແລະ ກຳລັງຮວບຮວມຂໍ້ມູນ ເຊິ່ງຈະເຜີຍແຜ່ລາຍງານເບື້ອງຕົ້ນພາຍໃນ 2-3 ອາທິດ.
ແຫຼ່ງຂ່າວ CNN