spot_img
Homeຂ່າວເຫດການກອງປະຊຸມສຸດຍອດ ຊີແອວວີ ຄັ້ງທີ 8 ປິດ​ລົງ​ດ້ວຍ​ຜົນສຳ​ເລັດ​ອັນ​ຈົບງາມ

ກອງປະຊຸມສຸດຍອດ ຊີແອວວີ ຄັ້ງທີ 8 ປິດ​ລົງ​ດ້ວຍ​ຜົນສຳ​ເລັດ​ອັນ​ຈົບງາມ

Published on

CLV-sing

 

ກອງປະຊຸມສຸດຍອດເຂດສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ  ຫລື ຊີ ແອວວີ ຄັ້ງ​ທີ 8 ໄດ້ສຳ​ເລັດ​ລົງໃນ

ຕອນເຊົ້າວັນທີ 25 ພະຈິກນີ້ ທີ່ນະຄອນຫລວງວຽງຈັນ ພາຍຫລັງ​ດຳ​ເນີນ​ມາ 2 ວັນ  ໂດຍການເປັນປະທານຂອງ ທ່ານ

ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ, ມີ ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ ນາຍົກ

ລັດຖະມົນຕີ ແຫ່ງຣາຊະອານາຈັກກຳປູເຈຍ ແລະ ທ່ານ ຫງວຽນ ເຕີນ ຢຸງ ນາຍົກ ລັດຖະມົນຕີ ແຫ່ງ ສສ ຫວຽດນາມ

ພ້ອມດ້ວຍ ຄະນະຜູ້ແທນທັງສາມປະເທດ ກຳປູເຈຍ-ລາວ-ຫວຽດນາມ  ເຂົ້າຮ່ວມ.

ທ່ານນາຍົກລັດຖະມົນຕີ ທອງສິງ ທຳມະວົງ ກ່າວບາງຕອນໃນກອງປະຊຸມຄັ້ງນີ້ວ່າ: ສປປ ລາວ ຕີລາຄາສູງຕໍ່ຄວາມ

ຄືບໜ້າຂອງຂອບການຮ່ວມມືເຂດ ສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ເຊິ່ງມາຮອດປັດຈຸບັນ ເຫັນ

ວ່າມີຜົນສຳເລັດເປັນກ້າວໆມາ ຄື: ການຈັດຕັ້ງປະຕິບັດແຜນແມ່ບົດ ວ່າດ້ວຍການ ພັດທະນາເສດຖະກິດ-ສັງຄົມ

ເຂດສາມຫລ່ຽມພັດທະນາຮອດປີ 2020 ສະບັບປັບປຸງໃໝ່ ແມ່ນມີຄວາມຄືບໜ້າຫລາຍດ້ານ ໂດຍສະ ເພາະແມ່ນ

ບັນດາໂຄງການພັດທະນາພື້ນຖານໂຄງລ່າງ, ໂຄງການປັບປຸງ ແລະ ພັດທະນາເສັ້ນທາງເຊື່ອມຈອດກັບບັນດາແຂວງ

ໃນເຂດສາມຫລ່ຽມ, ການພັດທະນາຊັບພະຍາກອນມະນຸດ, ການລົງທຶນຂອງພາກ​ເອກະຊົນ ແລະ ອື່ນໆ ເຊິ່ງໄດ້ປະ

ກອບສ່ວນສຳຄັນເຂົ້າໃນການພັດທະນາເສດຖະກິດ- ສັງຄົມ ຂອງບັນດາແຂວງໃນເຂດສາມຫລ່ຽມ ພັດທະນາມີທ່າ

ອ່ຽງເພີ່ມຂຶ້ນ; ດ້ານການສຶກສາ ກໍໄດ້ມີການກໍ່ສ້າງ ແລະ ປັບປຸງໂຮງຮຽນ, ສູນຝຶກອົບຮົມລວມທັງການປັບປຸງມະຫາ

ວິທະຍາໄລຈຳປາສັກໃຫ້ກາຍເປັນສູນພັດທະນາຊັບພະຍາກອນມະນຸດ ຂອງບັນດາແຂວງໃນເຂດສາມຫລ່ຽມພັດທະ

ນາ.

ສຳລັບ ສປປ ລາວ ໄດ້ປະກອບສ່ວນຢ່າງຫ້າວຫັນເຂົ້າໃນການຈັດຕັ້ງປະຕິບັດແຜນແມ່ບົດດັ່ງກ່າວ ເຊິ່ງໄດ້ເອົາໃຈໃສ່

ປັບປຸງ ແລະ ກໍ່ສ້າງເສັ້ນທາງຄົມມະນາຄົມ ເພື່ອເຊື່ອມຈອດ ລະຫວ່າງ ບ້ານຕໍ່ບ້ານ, ເມືອງຕໍ່ເມືອງ ແລະ ຕໍ່ບັນດາ

ແຂວງ; ພັດທະນາລະບົບສາຍສົງໄຟຟ້າ, ລະບົບໂທລະ ຄົມມະນາຄົມ, ທະນາຄານ ແລະ ສິ່ງອຳນວຍຄວາມສະດວກ

ອື່ນໆ ເຊິ່ງໄດ້ຮັບການສະໜັບສະໜູນທຶນ ຮອນຈາກປະເທດເພື່ອນມິດ, ຄູ່ຮ່ວມມືພັດທະນາ ລວມ ທັງຍີ່ປຸ່ນ ແລະ

ການປະກອບສ່ວນຂອງພາກ ເອກະຊົນ, ພ້ອມນີ້ ສປປ ລາວ  ກໍໄດ້ສຳເລັດການ ຈັດຕັ້ງປະຕິບັດໂຄງການ ທີ່ໄດ້ຮັບ

ການ ຊ່ວຍເຫລືອຈາກຍີ່ປຸ່ນ.

ກອງປະຊຸມສຸດຍອດໃນຄັ້ງນີ້ ນອກຈາກໄດ້ທົບທວນຄືນຄວາມຄືບໜ້າ ແລະ ສິ່ງທ້າທາຍ ໃນການຈັດຕັ້ງປະຕິບັດ

ແຜນແມ່ບົດການພັດທະນາເສດຖະ ກິດ-ສັງຄົມ ຂອງເຂດສາມຫລ່ຽມພັດທະນາ ຊີແອວວີ ສະບັບປັບປຸງໃໝ່

ເຖິງປີ 2020 ແລະ ບັນດາຜູ້ແທນຍັງໄດ້ແລກປ່ຽນຄວາມຄິດເຫັນກ່ຽວກັບ ການ ເພີ່ມທະວີການປຶກສາຫາລື, ການ

ຮ່ວມມືໃນເຂດສາມຫລ່ຽມພັດທະນາ ແລະ ທິດທາງການຮ່ວມ ມືໃນອະນາຄົດ. ຈາກນັ້ນ, ບັນດາຜູ້ນຳ ຊີແອວວີ ໄດ້

ລົງນາມຮັບຮອງເອົາຖະແຫລງການຮ່ວມຂອງ ບັນດາຜູ້ນຳທັງສາມປະເທດ ເຊິ່ງໄດ້ຕີລາຄາສູງຕໍ່ຄວາມພະຍາຍາມ

ແລະ ຜົນງານຂອງຄະນະກຳມະ ການປະສານງານຮ່ວມ ໃນການຈັດຕັ້ງປະຕິບັດແຜນແມ່ບົດວ່າດ້ວຍການພັດທະ

ນາເສດຖະກິດ-ສັງ ຄົມ ຂອງເຂດສາມຫລ່ຽມພັດທະນາ ຮອດປີ 2020 ສະບັບປັບປຸງໃໝ່; ເຫັນດີຕໍ່ກົນໄກການຈັດ

ກອງປະຊຸມໃນລະດັບຕ່າງໆເຊັ່ນ ກອງປະຊຸມຄະນະກຳມະການປະສານງານຮ່ວມ 2 ປີຕໍ່ຄັ້ງ, ເຫັນດີສະໜັບສະໜູນ

ແລະ ຊຸກຍູ້ໃຫ້ພາກເອກະຊົນ ມີສ່ວນຮ່ວມໃນກິດຈະກຳຕ່າງໆ ເປັນຕົ້ນ ກິດຈະກຳການ ສົ່ງເສີມການຄ້າ, ການລົງ

ທຶນ ແລະ ການທ່ອງທ່ຽວ ໃນການພັດທະນາເຂດສາມຫລ່ຽມພັດທະນາ ໃຫ້ມີປະສິດທິພາບ. ພ້ອມນີ້ ກອງປະຊຸມ

ຍັງໄດ້ສະແດງຄວາມຂອບໃຈມາຍັງລັດຖະບານ ແລະ ປະ ຊາຊົນຍີ່ປຸ່ນ ທີ່ໄດ້ປະກອບສ່ວນສະໜັບສະໜູນ ແລະ

ຊ່ວຍເຫລືອເຂົ້າໃນການພັດທະນາເສດຖະກິດ-ສັງຄົມ ໃນເຂດສາມຫລ່ຽມພັດທະນາ ກຳປູເຈຍ- ລາວ-ຫວຽດນາມ

ໃນໄລຍະຜ່ານມາ. ພິເສດ ແມ່ນ ໄດ້ເປັນເອກະພາບກັນຮັບຮອງເອົາຖະແຫລງການຮ່ວມຂອງກອງປະຊຸມຄັ້ງນີ້

ລວມມີ 9 ຂໍ້ສຳຄັນ ຂອງກອງປະຊຸມຄັ້ງນີ້.

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...