ອິນເດຍພົບການລະບາດຂອງພະຍາດໄຂ້ຫວັດສັດປີກແຜ່ກະຈາຍໄດ້ງ່າຍ 2 ຈຸດ ໃນລັດເກນລະ ທາງຕອນໃຕ້

ຂອງປະເທດ ເຈົ້າໜ້າທີ່ຕ້ອງຂ້າສັດປີກກ່ວາ 200,000 ໂຕ.

ສຳນັກຂ່າວຕ່າງປະເທດລາຍງານ ໃນວັນທີ 26 ພະຈິກນີ້ວ່າ ອົງການສຸຂະພາບສັດໂລກ ເຊິ່ງມີສຳນັກງານໃຫຍ່ໃນ

ນະຄອນຫລວງປາຣີ ໄດ້ລາຍງານຜ່ານເວັບໄຊຂອງຕົນເອງວ່າ ທາງການລັດເກນລະຂອງອິນເດຍ ໄດ້ມີຄຳສັ່ງໃຫ້

ຂ້າເປັດເຖິງ 200,000​ ໂຕ ຫລັງຈາກເປັດຈຳນວນ 15,000​ ໂຕ ໃນເມືອງກັດຕະຍຳ ແລະ ອີກປະມານ 500 ໂຕໃນ

ເມືອງອະລາບປຸດຮາ ຕາຍດ້ວຍເຊື້ອໄວຣັສຊະນິດໜຶ່ງ ນັບເປັນການແຜ່ລະບາດຂອງພະຍາດຕິດຕໍ່ໃນສັດຂອງ

ອິນເດຍຄັ້ງທຳອິດ ນັບຕັ້ງແຕ່ເດືອນກຸມພາເປັນຕົ້ນມາ.

ລາຍງານຂ່າວໄດ້ລະບຸວ່າ ຜ່ານການກວດເຊື້ອພະຍາດດັ່ງກ່າວ ໄດ້ພົບໄວຣັສໄຂ້ຫວັດສັດປີກ H5 ໃນຊາກສັດປີກ

ທີ່ຕາຍ  ແຕ່ກໍຍັງບໍ່ທັນຮູ້ຊະນິດຍ່ອຍທີ່ຊັດເຈນ.