Homeຂ່າວການພັດທະນາພິທີເຊັນສັນຍາວ່າດ້ວຍການລົງທຶນພັດທະນາແຫຼ່ງທ່ອງທ່ຽວຢູູ່ເຂດພູຫຍ້າຄາ

ພິທີເຊັນສັນຍາວ່າດ້ວຍການລົງທຶນພັດທະນາແຫຼ່ງທ່ອງທ່ຽວຢູູ່ເຂດພູຫຍ້າຄາ

Published on

ໃນວັນທີ 24 ກຸມພາ 2023 ຜ່ານມາ, ທີ່ຫ້ອງປະຊຸມພະແນກແຜນການ ແລະ ການລົງທຶນ ແຂວງອຸດົມໄຊ ໄດ້ຈັດພິທີ ເຊັນສັນຍາວ່າດ້ວຍການລົງທຶນພັດທະນາແຫຼ່ງທ່ອງທ່ຽວ ຕິດພັນກັບການອະນຸລັກທໍາມະຊາດແບບຍືນຍົງ ແລະ ເປັນມິດກັບສິ່ງແວດລ້ອມ ຢູູ່ເຂດພູຫຍ້າຄາ, ບ້ານຫລັກ 32, ເມືອງໄຊ, ແຂວງອຸດົມໄຊ ຮ່ວມລົງນາມເຊັນສັນຍາໂດຍແມ່ນ ທ່ານ ນາງ ຈັນທະລາ ໄຊບຸນເຮືອງ ຫົວໜ້າພະແນກແຜນການ ແລະ ການລົງທຶນ,ທ່ານ ບຸນທັນ ສຸລິຍະວົງ ຫົວໜ້າພະແນກ ຖວທ ແຂວງ ແລະ ຕາງໜ້າຝ່າຍບໍລິສັດໂດຍແມ່ນ ທ່ານ ນໍເນັງ ລິ ອຳນວຍການບໍລິສັດ ຍອດນ້ຳງາ ພັດທະນາ ຈໍາກັດຜູ້ດຽວ ໂດຍມີທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ ພ້ອມດ້ວຍການນຳຂັ້ນແຂວງ,ເມືອງ,ອົງການປົກຄອງບ້ານ ແລະ ບັນດາພະແນກການ ອົງການທີ່ກ່ຽວຂ້ອງເຂົ້າຮ່ວມນຳ.

ແຂວງອຸດົມໄຊ ອະນຸຍາດໃຫ້ ບໍລິສັດ ລົງທຶນພັດທະນາແຫລ່ງທ່ອງທ່ຽວຕິດພັນກັບການອະນຸລັກທໍາມະຊາດແບບຍືນຍົງ ແລະ ເປັນມິດກັບສິ່ງແວດລ້ອມ ຢູູ່ເຂດພູຫຍ້າຄາ, ບ້ານຫລັກ 32,ເມືອງໄຊ, ແຂວງອຸດົມໄຊ ໃນເນື້ອທີ່ທັງຫມົດ 1.967 ກວ່າເຮັກຕາ;ໃນນັ້ນ, ເນື້ອທີ່ສຳປະທານເພື່ອພັດທະນາເປັນເຂດບໍລິການ ມີເນື້ອທີ່ 6 ເຮັກຕາກວ່າ ແລະ ເນື້ອທີ່ສະຫງວນໄວ້ເປັນແຫລ່ງທ່ອງທ່ຽວແບບອານຸລັກທໍາມະຊາດແມ່ນ1.961 ກວ່າເຮັກຕາໂດຍແມ່ນບໍລິສັດ ເປັນຜູ້ຮັບຜິດຊອບພຽງຜູ້ດຽວ ທາງດ້ານທຶນຮອນ 100%ໃນມູນຄ່າ2.286.000 ໂດລາສະຫະລັດ ເຊິ່ງມີອາຍຸສັນຍາ 50 ປີ ໂດຍມີກິດ 6 ກິດຈະກຳຫລັກຄື: ທ່ອງທ່ຽວປ່າທໍາມະຊາດ ເຊັ່ນ: ທ່ຽວຊົມນ້ຳຕົກຕາດ, ຍ່າງຊົມທໍາມະຊາດ ແລະ ຂີ່ສະລິງ,ທ່ອງທ່ຽວດ້ານວັດທະນະທໍາ ເຊັ່ນ: ຊົມສິນລະປະວັນນະຄະດີ , ຊົມວິຖີດໍາລົງຊີວິດຂອງຊົນເຜົ່າ, ຊົມການຕໍ່າຫູກ, ຈັກສານ, ຊົມການປູກພືດຜັກ ແລະ ຫມາກໄມ້, ມີບໍລິການສະຖານທີ່ພັກເຊົາເຊັ່ນ: ຮ້ານອາຫານ ເຮືອນພັກ, ກາງເຕັ້ນ, ໂຮມສະເຕ, ບໍລິການອາຫານ ,ເຄືອງດື່ມ ແລະຍັງມີບໍລິການດ້ານການບໍາບັດສຸຂະພາບ ສະຖານທີ່ອອກກໍາລັງກາຍ ແລະ ອົບນວດຜ່ອນຄາຍ.

ຈຸດປະສົງແມ່ນເພື່ອຈະພັດທະນາເສດຖະກິດຂອງແຂວງໃຫ້ມີການຂະຫຍາຍຕົວຢ່າງຕໍ່ເນື່ອງ,ໂດຍແນໃສການສົ່ງເສີມ ແລະດຶງດູດການລົງທຶນທັງພາຍໃນ ແລະ ຕ່າງປະເທດ, ນຳໃຊ້ທ່າແຮງຂອງແຂວງອຸດົມໄຊ ເພື່ອກະຕຸກຊຸກຍູ້ການພັດທະນາທ້ອງຖິ່ນ ແລະສ້າງວຽກເຮັດງານທໍາໃຫ້ແກ່ປະຊາຊົນມີລາຍຮັບທີ່ຫມັ້ນຄົງ

ທີ່ມາ: ສະຖານີ ວິທະຍຸແລະໂທລະພາບ ແຂວງອຸດົມໄຊ

 

ບົດຄວາມຫຼ້າສຸດ

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...