ຜູ້ນຳຣັດເຊຍມອບ “ຫຼຽນມິດຕະພາບ” ໃຫ້ແກ່ ສະຕີເວັນ ຊີກັລ (Steven Seagal) ພະເອກໜັງ ເຊິ່ງເປັນລາງວັນແກ່ຜູ້ທີ່ພັດທະນາຄວາມສຳພັນລະຫວ່າງປະເທດຣັດເຊຍ-ສະຫະລັດອາເມຣິກາ.

ໃນວັນທີ 28 ກຸມພາ 2023 ທ່ານ ປູຕິນ ວະລາດິເມຍ ປະທານາທິບໍດີຂອງຣັດເຊຍ ໄດ້ມອບລາງວັນຫຼຽນມິດຕະພາບ (Order of Friendship) ໃຫ້ແກ່ ທ້າວ ສະຕີເວັນ ຊີກັລ ນັກສະແດງຊາວອາເມຣິກາ ເຊິ່ງປັດຈຸບັນດຳລົງຕຳແໜ່ງຜູ້ແທນພິເສດດ້ານຄວາມສຳພັນທາງວັດທະນະທຳ ມໍລະດົກທາງວັດທະນະທຳ ແລະ ປະຫວັດສາດລະຫວ່າງຣັດເຊຍ ກັບ ສະຫະລັດອາເມຣິກາ.

ໂດຍທ່ານ ປູຕິນ ໄດ້ຍ້ອງຍໍວ່າ ທ້າວ ສະຕີເວັນ ຊີກັລ ໄດ້ຮັບລາງວັນອັນຊົງກຽດນີ້ມາຈາກຜົນງານອຸທິດຕົນຢ່າງຍິ່ງໃຫຍ່ໃນການພັດທະນາຄວາມຮ່ວມມືດ້ານມະນຸດສະທຳ ແລະ ວັດທະນະທຳລະຫວ່າງປະເທດ.

ແຫຼ່ງຂ່າວ The Moscow Times