ຜູ້ຄົນໜາແໜ້ນທີ່ສະໜາມບິນສຸວັນນະພູມ ປະເທດໄທ ໂດຍມີຜູ້ໂດຍສານທີ່ກຳລັງຈະເດີນທາງກັບປະເທດລາວລາຍງານວ່າ ມີຄົນຕໍ່ແຖວເປັນສາຍຍາວ ແລະ ລ້າຊ້າ.
ຜູ້ໂດຍສານໄດ້ໂພສຜ່ານອອນລາຍ ເພື່ອລາຍງານເຖິງຄວາມລ້າຊ້າ ເຊິ່ງບາງເທື່ອຕ້ອງໃຊ້ເວລາດົນເຖິງ 90 ນາທີ ເພື່ອທີ່ຈະຜ່ານຈຸດກວດຄົນເຂົ້າເມືອງໄດ້.
ນອກນັ້ນຍັງກ່າວວ່າ ພາຍໃນສະໜາມບິນມີການຍູ້ ດັນ ແລະ ຮ້ອງໃສ່ກັນດັງ ໂດຍສະເພາະຄອບຄົວທີ່ມີເດັກນ້ອຍ.
ທາງສະໜາມບິນກໍເຫັນດີເລື່ອງຄວາມລ້າຊ້າທີ່ເກີດຂຶ້ນ ແລະ ໃຫ້ຄຳແນະນຳແກ່ຜູ້ໂດຍສານ ລຳລັບຜູ້ເດີນທາງພາຍໃນ ຕ້ອງຮອດສະໜາມລ່ວງໜ້າ 2 ຊົ່ວໂມງກ່ອນຖ້ຽວບິນ ແລະ ສຳລັບຜູ້ເດີນທາງລະຫວ່າງປະເທດ ຕ້ອງຮອດກ່ອນ 3 ຊົ່ວໂມງ.
ສຳລັບນັກທ່ອງທ່ຽວທີ່ມາຈາກລາວຢູ່ທີ່ອັນດັບ 5 ຂອງນັກທ່ອງທ່ຽວຫຼັກສຳລັບປະເທດໄທ ພ້ອມຄາດການວ່າ ຈະສາມາດດຶງດູດນັກທ່ອງທ່ຽວໄດ້ປະມານ 25 ລ້ານຄົນ ໃນປີ 2023.
ສະພາບຄວາມແອອັດໃນສະໜາມບິນສຸວັນນະພູມນີ້ກໍມາຈາກ ຈີນເປີດປະເທດຢ່າງເຕັມຮູບແບບ ສົ່ງຜົນໃຫ້ສະໜາມບິນມີຜູ້ໂດຍສານເພີ່ມຂຶ້ນຢ່າງຕໍ່ເນື່ອງ.
ແຫຼ່ງຂ່າວ Bangkok Post, CH7