ໃນຕອນເຊົ້າຂອງວັນທີ 20 ກູມພາ 2023 ຢູ່ທີດ່ານສາກົນລານຕຸ້ຍເຂດຫຼັກໝາຍທີ 7 ຊາຍແດນລາວ-ຈີນ ເມືອງ ຍອດອູ ແຂວງຜົ້ງສາລີ ໄດ້ຈັດພິທີມອບ-ຮັບພົນລະເມືອງຊາວຈີນຈຳນວນ 25 ຄົນ ໃນນັ້ນມີ ຜູ້ຍິງ 2 ຄົນ ທີ່ເດີນທາງເຂົ້າມາ ສປປ ລາວ ຜິດກົດໝາຍຄືນໃຫ້ເຈົ້າໜ້າທີ ສປ ຈີນ ນຳກັບຄືນປະເທດເພື່ອນຳໄປສຶກສາອົບຮົມ.
ໃນພິທີທ່ານ ບູນທອນ ສີໄຄຍົງ ຮອງຫົວໜ້າພະແນກສັນຕິບານ ປກສ ເມືອງ ຍອດອູ ໄດ້ໃຫ້ຮູ້ວ່າໃນລະຫວ່າງວັນທີ 18 ກຸມພາ 2023 ນີ້ໄດ້ກວດພົບຄົນຈີນຈຳນວນ 25 ຄົນ ທີ່ລັກລອບເຂົ້າເມືອງແບບຜິດກົດໝາຍ ໂດຍເຂົ້າມາຕາມເສັ້ນທາງນ້ອຍ.
ດັ່ງນັ້ນ ປກສ ເມືອງຍອດອູ ລົງຕິດຕາມກວດກາ ແລະ ພົບເຫັນພົນລະເມືອງຈີນ ຈຳນວນ 25 ຄົນ ຈື່ງໄດ້ກັກຕົວໃນຂໍ້ຫາກະທຳຜິດທາງກົດໝາຍວ່າດ້ວຍການຄຸ້ມຄອງພົນລະເມືອງຕ່າງປະເທດຢູ່ ສປປ ລາວ ສະບັບເລກທີ 59/ສພຊ, ລົງວັນທີ 26 ທັນວາ 2014 ມາດຕາ 52 ຂໍ້ຫ້າມສໍາລັບຄົນຕ່າງປະເທດທີ່ລັກລອບເດີນທາງເຂົ້າອອກເມືອງຜິດກົດໝາຍ.
ພາຍຫຼັງໄດ້ສືບສວນ ສອບສວນຢ່າງຈະແຈ້ງ ຈຶ່ງຮູ້ວ່າພົນລະເມືອງຊາວຈີນຈຳນວນດັ່ງກ່າວ ມີຈຸດປະສົງຈະເດີນທາງເຂົ້າມາທ່ຽວແຕ່ບໍ່ມີເອກະສານຢັ້ງຢືນຄົບຖ້ວນ ດັ່ງນັ້ນເຈົ້າໜ້າທີ່ຈື່ງໄດ້ກັກຕົວໄວ້ກ່ອນ ແລະ ໄດ້ນຳມາມອບຄືນໃຫ້ເຈົ້າໜ້າທີ ສປຈີນ ນຳໄປສຶກສາອົບຮົມ ເພື່ອບໍ່ໃຫ້ມີການກະທຳຜິດຊໍ້າອີກ.
ຂ່າວ Media Laos