ໃນວັນທີ 20 ກຸມພາ 2023, ທ່ານ ໂຈ ໄບເດັນ ປະທານາທິບໍດີ ສະຫະລັດ ໄດ້ໄປຢ້ຽມຢາມນະຄອນ ຄຽບ (Kiev) ເຊິ່ງເປັນການຢ້ຽມຢາມຢູເຄຣນເປັນຄັ້ງທຳອິດ ຫຼັງຈາກເກີດສົງຄາມຣັດເຊຍ ແລະ ຢູເຄຣນ, ເຊິ່ງເປັນເວລາເກືອບ 1 ປີ.
ອີງຕາມການລາຍງານຂອງ ສຳນັກຂ່າວ ABC Australia ລາຍງານໃຫ້ຮູ້ວ່າ: ປະທານາທິບໍດີ ໂຈໄບເດັນ ໄດ້ສ້າງຄວາມຄວາມປະຫຼາດໃຈດ້ວຍການເດີນທາງມາຢ້ຽມຢາມນະຄອນຄຽບ ເມືອງຫຼວງຂອງ ຢູເຄຣນ ໂດຍບໍ່ໄດ້ແຈ້ງລ່ວງໜ້າ ແລະ ຂະນະນີ້ ທ່ານ ໂຈ ໄບເດັນ ກຳລັງຫາລືກັບປະທານາທິບໍດີ ໂວໂລດີດີມີ ເຊເລນສະກີ ຂອງ ຢູເຄຣນ ໃນມື້ທີ່ຢູເຄຣນລະນຶກເຖິງການເສຍຊີວິດ 107 ຄົນໃນການປະທ້ວງຕໍ່ຕ້ານລັດຖະບານເມື່ອ 9 ປີກ່ອນ.
ເຊິ່ງການທີ່ປະທານາທິບໍດີສະຫະລັດ ມາຢ້ຽມຢາມເມືອງຫຼວງ ຄຽບ ໃນຄັ້ງນີ້ກຳລັງຫາລື ກັບຜູ້ນຳຢູເຄຣນ ໃນໃຈກາງເມືອງຫຼວງຂອງສົງຄາມເຕັມຮູບແບບ ທີ່ມີຄວາມສຳຄັນ ແລະ ສະແດງອອກເຖິງສັນຍາລັກ ໂດຍນັບຕັ້ງແຕ່ເລີ່ມມີຄວາມສົງຄາມເກີດຂຶ້ນເມື່ອ 1 ປີກ່ອນ, ທາງດ້ານສະຫະລັດໄດ້ສົ່ງສັນຍານຊັດເຈນວ່າ: ສະຫະລັດ ແລະ ຊາດຕາເວັນຕົກ ຈະສະໜັບສະໜູນຢູເຄຣນຢ່າງເຕັມທີ່.
ພາຍຫຼັງຢ້ຽມຢາມຢູເຄຣນ, ທ່ານ ໂຈ ໄບເດັນ ກໍເດີນທາງໄປໂປແລນ ໃນມື້ດຽວກັນ.