ຮ້ານອາຫານໃນຊາອຸຫລາຍແຫ່ງ ແຫ່ຕິດປ້າຍຫ້າມຜູ້ຍິງເຂົ້າໃຊ້ບໍລິການ ຫາກບໍ່ມີຜູ້ຊາຍໃນຄອບຄົວມານຳ ອ້າງ
ເຫດຜົນຜູ້ຍິງໄຮ້ມາລະຍາດ, ກິລິຍາບໍ່ເໝາະສົມ ອາດຖ່ວງດຶງກິດຈະການ.
ສຳນັກຂ່າວຕ່າງປະເທດລາຍງານ ໃນວັນທີ 25 ພະຈິກຜ່ານມານີ້ວ່າ ແຫລ່ງຂ່າວຈາກຊາອຸດິອາຣາະເບຍ ໄດ້ລາຍງານ
ກ່ຽວກັບຮ້ານອາຫານຫລາຍແຫ່ງໃນປະເທດ ໄດ້ພາກັນຕິດປ້າຍຂໍ້ຄວາມ “ ຫ້າມຜູ້ຍິງເຂົ້າໃຊ້ບໍລິການ ” ມາຕິດໄວ້ທີ່
ໜ້າຮ້ານ ໂດຍເມື່ອມີການສອບຖາມເຈົ້າຂອງຮ້ານອາຫານແຫ່ງໜຶ່ງກໍໄດ້ຮັບຄຳຕອບວ່າ ຕ້ອງຫ້າມແມ່ຍິງເຂົ້າຮ້ານ
ເພາະທີ່ຜ່ານມາ ໄດ້ພົບເຫັນພຶດຕິກຳອັນເປັນທີ່ລັງກຽດມາຫລາຍຄັ້ງເຊັ່ນ ການໃຊ້ຮ້ານເປັນທີ່ບໍລິຫານສະເໜ່ຂອງ
ພວກນາງ, ສ່ວນເຈົ້າຂອງຮ້ານອີກແຫ່ງໜຶ່ງກໍໄດ້ເວົ້າວ່າ ເຖິງແມ່ນຈະມີການແບ່ງເຂດສຳລັບລູກຄ້າທີ່ມາເປັນຄອບ
ຄົວແລ້ວກໍຕາມ ແຕ່ພວກແມ່ຍິງກໍມັກສົ່ງສຽງດັງ ໄຮ້ມາລະຍາດ ແລະ ເປັນເລື່ອງຍາກທີ່ຈະເຮັດໃຫ້ພວກນາງສະ
ຫງົບລົງ ແລະ ແນ່ນອນມັນເປັນການລົບກວນລູກຄ້າຄົນອື່ນໆ ເຊິ່ງສົງ່ຜົນເສຍຕໍ່ກິດຈະການຂອງຮ້ານ.
ທັງນີ້ ຊາອຸດິອາຣະເບຍ ເປັນປະເທດໜຶ່ງທີ່ມີການຈຳກັດສິດທິຂອງແມ່ຍິງຫລາຍທີ່ສຸດໃນໂລກ ກໍລະນີເຊັ່ນວ່າ ຢູ່ໃນ
ປະເທດດັ່ງກ່າວບໍ່ມີກົດໝາຍກຳນົດອາຍຸຕ່ຳສຸດຂອງແມ່ຍິງທີ່ສາມາດແຕ່ງດອງໄດ້ ຈິ່ງພົບເຫັນມີບາງຄອບຄົວມີ
ລູກສາວພຽງ 9 ປີກໍສາມາດເຂົ້າພິທີແຕ່ງດອງໄດ້, ນອກນັ້ນ ຍັງມີກົດໝາຍຫ້າມຜູ້ຍິງຂັບລົດ ແຕ່ສາມາດຂີ່ລົດຖີບ
ໄດ້ ດັ່ງນີ້ເປັນຕົ້ນ.
ຊາອຸດິອາຣະເບຍ ເປັນປະເທດທີ່ເຄັ່ງຄັດທາງສາສະໜາອິດສະລາມເປັນຢ່າງສູງ ເຊິງຍຶດຖືວ່າ ແມ່ຍິງຈະສາມາດເຜີຍ
ຕົນຕໍ່ສາທາລະນະໄດ້ ກໍຕໍ່ເມື່ອມີສາມີ ຫລື ຜູ້ຊາຍໃນຄອບຄົວມານຳເທົ່ານັ້ນ.