ອີງຕາມ Vietnam Net ໄດ້ລາຍງານວ່າ: ການໄຟຟ້າຫວຽດນາມ ໄດ້ສົ່ງລາຍງານຕໍ່ ກະຊວງອຸດສາຫະກຳ ແລະ ການຄ້າແຫ່ງ ສປປ ລາວ (MOIT) ກ່ຽວກັບການເຈລະຈາ ແລະ ຂໍ້ຕົກລົງການຮັບຊື້ສຳລັບການນຳເຂົ້າໄຟຟ້າຈາກ ລາວ.
ໃນວັນທີ 5 ຕຸລາ 2015 ລັດຖະບານລາວ ແລະ ຫວຽດນາມ ຮ່ວມລົງນາມບົດບັນທຶກຄວາມເຂົ້າໃຈ (MOU) ກ່ຽວກັບການຊື້ໄຟຟ້າຂັ້ນຕ່ຳ 3.000 MW ຈາກລາວພາຍໃນປີ 2025 ແລະ 5.000 MW ໃນປີ 2030.
ໃນປັດຈຸບັນ ນາຍົກຫວຽດນາມ ໄດ້ອະນຸມັດແຜນການນຳເຂົ້າໄຟຟ້າຈາກບາງໂຄງການແລ້ວ ລວມກຳລັງຜະລິດ ຈຳນວນ 2.689 MW.
ການໄຟຟ້າຫວຽດນາມ ໄດ້ຮັບຂໍ້ມະເໜີການຂາຍໄຟຟ້າຈາກນັກລົງທຶນ ໂດຍການໄຟຟ້າຫວຽດນາມ ແລະ ນັກລົງທຶນຈາກ 10 ໂຄງການ ລວມມີກຳລັງຜະລິດໄຟຟ້າລວມ 1.577 MW ໄດ້ບັນລຸຂໍ້ຕົກລົງໃນການເຊື່ອມຕໍ່.
ການໄຟຟ້າຫວຽດນາມ ໄດ້ລາຍງານຫາ ກະຊວງອຸດສາຫະກຳ ແລະ ການຄ້າ ສປປ ລາວ ເພື່ອວາງແຜນການນຳເຂົ້າໄຟຟ້າ ໂດຍທາງກະຊວງພິຈາລະນາແຜນ ແລະ ຂໍໃຫ້ນາຍົກລັດຖະມົນຕີອະນຸມັດໂຄງການເພີ່ມ ເຊິ່ງໂຄງການມີກຳລັງຜະລິດລວມ 705 MW.
ຢ່າງໃດກໍຕາມ ຜູ້ພັດທະນາໄຟຟ້າໃນລາວ ໄດ້ແຈ້ງໃຫ້ການໄຟຟ້າຫວຽດນາມໃຫ້ຮູ້ວ່າ ເຂື່ອນນ້ຳອູ 5 ແລະ ເຂື່ອນນ້ຳງື່ມ ຈະບໍ່ໄດ້ຂາຍໄຟຟ້າ ໃຫ້ແກ່ການໄຟຟ້າຫວຽດນາມ.
ແຫຼ່ງຂ່າວ Vientiane Times