ໃນວັນທີ 14 ກຸມພາ 2023 ຜ່ານມາ, ໃນເວລາ 21:45ນາທີ ໜ່ວຍງານກູ້ໄພສຸກເສິນອົງການກາແດງແຂວງອຸດົມໄຊ ໄດ້ຮັບແຈ້ງເຫດຈາກປະຊາຊົນ ໂດຍຜ່ານເບີ 081 1625 ວ່າມີອຸບັດຕິເຫດລົດໃຫຍ່ເສຍຫຼັກປີ້ນ, ຈຸດເກີດເຫດແມ່ນ ເສັ້ນທາງເຂົ້າບ້ານຍ້າວໃຫຍ່ ເມືອງໄຊ ແຂວງອຸດົມໄຊ.
ຕາມການລາຍງານຂອງເຈົ້າໜ້າທີ່ພົບເຫັນຜູ້ເສຍຊີວິດ 1 ຄົນ, ເພດຊາຍ ອາຍຸ 55ປີ, ບ້ານ ບໍ່ ເມືອງໄຊ ແຂວງອຸດົມໄຊ, ອາການເບື້ອງຕົ້ນ: ບໍ່ມີບາດແຜຕາມຮ່າງກາຍ(ເສຍຊີວິດຄາທີ່) ຈາກນັ້ນທາງເຈົ້າໜ້າທີ່ໜ່ວຍງານກູ້ໄພຈຶ່ງໄດ້ທຳການຫໍ່ສົບແລ້ວນຳສົ່ງໃຫ້ຍາດພີ່ນ້ອງເຮັດພິທີທາງສາສະຫນາ.
ຂໍສະແດງຄວາມເສຍໃຈກັບຄອບຄົວ ແລະ ຍາດພີ່ນ້ອງກັບການສູນເສຍໃນເຫດການຄັ້ງນີ້ດ້ວຍ.
ທີ່ມາ: ໜ່ວຍກູ້ໄພສຸກເສີນອົງການກາແດງແຂວງອຸດົມໄຊ